نادي مركز وعود بجدة والي تعرف نادي ثاني لاتقصر

شوفي انا بسوي عملية مسمار الارض وبعدها بسجل فيه
مع المسمار دحين ما اقدر امشي فمابالك بالرياضة
لو لك نية صحيح برسلك عالخاص لما اروح اسجل فيه عشان نكون سوا

والله وعن تجربة كنت اجي يوم وعشرة لا بس باسبوعين تقريبا نقصت 3كيلو,,
هذا وانا كنت ملخبطة بالاكل جدا,,
مدربة الايروبيك روعة وفنانة,,
ومدربة السباحة خيال انا لسى مااخدت دروس السباحة طنشتها بس فية وحدة كانت معانا بالنادي ماتعرف توقف في وسط الموية والحين ماشاء الله عليها تغوص وتسبح سباحة رائعة لاقوة الابالله,,
وانا نظامي كان اول ما ادخل ع السير مدة لاتقل عن 20دقيقة و10دقايق او 15دقيقة دراجة,,
بعدين كريزي فت 10دقايق وبعدها ايروبيك ساعة..
والله انشد جسمي بطريقة خيالية لاقوة الا بالله,,
بس عيبهم حاجة وحدة الاقبال علية كبير بس النادي صغير تحسي مرة زحمة فطفشت جدا وماكملت,,
ولا باقيلي شهر و6دروس سباحة,,
والمواصلات كويسة بس اسعارهم نار حاولي تجادليهم بالاسعار,,
انا بيني وبينهم شارع بس ب300 اتخيلي؟؟؟
والله يوفقك وينحفنا جميعا من غير شر ,,

انا زيك بيني وبينهم شارع وقالوا ليا 300 بس بحاول
والحضانة 250
ونادي الاطفال 500
السباحة ماسالت بس تعرفي كم؟؟
انا نفسي اتعلم السباحة وخاصة انها تحرك كل عضلات الجسم..
بس افكر اروح العصر حاليا واذا ماناسبني احوول الصبح مع انو صعبة الصبح
بس بجد مشكورة ياقلبي
طيب اش رايك ترجعي ونروح سوا ..
نشجع بعض ..واي وحدة من البنات حابة ترووح معااي الله يحيها ..
لان الناادي عندي خلاص اخر حل ..

حبيبتي أنآ بنآدي بطيبه بحي الجآمعة بوابة 6 تسئلي السكرتين يدلووك على النآدي
بس مآفي حظآنه ولا موآصلات يعني تجي النآدي بموآصلاتك الشخصية
و النآدي كبير وكلمة وروعه قليلة فيه ومدربة الأروبيك روعه وفيه مسبح كبير وحووش تمشين فيه
الإشترآك 300 إذآ مع إخصآئية تغدية 450
المسبح 200 إذآ تبين سبآحه يعني تعرفي خلاص تسبحي وإذآ مآتعرفي وتبين مدربه تعلمك 300
ولابد تعملي تحليل دم عشآن يشووف إن مآعندك مرض لا قدر الله يعني الكبد والإدز هم يعطوونك ورقة التحليل وترووحي تحللي

للاسف بعيد لو في مواصلات كان رحت ...
مشكورة ياعسل.

نفس السؤال يابنات

فين موقع هذا النادي نادي وعود

جدة بالصفا شارع ام القرى

نفس السؤال تقريبا..
اهم شي عندي ابغا مواصلات وسباحه الي تعرف تقولنا وياليت يكون في الشمال قريب على الصفا