نتائج خلطة التسمين

1. طريقة الاستعمال : ملعقةكبيرة بعد كل وجبة ..

قبل كم يوم .. شفت واحدة من الفراشات تسال عن خلطة للعصاقيل ( النحيفات ) .. وهذا ردى عشان عيونها وعيونكم .. بس الصراحة هذى مو خلطتى .. دى واحدة من الفراشات الله يجزيها كل خير نزلتها لنا قبل كدة .. وهى سهلة وحلوة الطعم .. بس انا اللى كنت كسلانة .. ( انا راح اطول بس اقرو الموضوع للنهاية .. عشان الفايدة ...)
الخلطة : كيس مكسرات مشكلة ( من ابو نص كيلو ) + حلاوة طحينية ( انا استخدم ماركة الجبل من السعودية ) + ملعقة كبيرة خميرة فورية ( بتكون فى باكو كيلو وفيها رسمة طباخ )
وبس ... تسحنى المكسرات ناعم بالسحان .. تطلعلك الكمية كبيرة .. اقسميها نصين .. وكمان علبة الطحنية اقسميها نصين .. ( وضيفى نص كمية المكسرات + نص كمية الطحنية + م ك خميرة ) فى علبة بروحهم .. ودخليها الثلاجة ..

طريقة الاستعمال : ملعقةكبيرة بعد كل وجبة ..

النتائج : من اول اسبوع .. انا وبنتى زدنا كل واحدة كيلو .. وبنتى صار لى زمان وانا احاول معها كل السبل .. من طبيب .. الى خلطات .. الخ .. مانفع معاها الا هذى الخلطة .. وكمان بتفتح الشهية .. دا غير الفيتمينات اللى فى الخميرة والمكسرات ..
انا كنت اعانى من نقص دمى .. وشهيتى ضعيفة وضيق فى النفس .. بس بعدها يشهد الله تحسنت جدا والحمد لله 100% وبنتى من ما ولدتها وهى ناقصة عن وزنها 2 كيلو .. الحين عمرها 9 سنوات والوزن الطبيعى لها المفروض 26 كيلو .. وهى كانت 22 الحين صارت والحمد لله 24 كيلو ( اللهم زد وبارك ) وانا طولى 165 سم ووزنى كان 62 الحين 63 ( اللهم زد وبارك بالصحة والعافية ) ان شاء الله اواصل لين ما اوصل 68 .. وراح اخبركم بالنتائج ..
اسفة انى طولت عليكم بقصص حياتى .. بس حبيت اكون امينة معاكم .. وما احب اقول ( عندى شى رهيب .. وبعدين يكون تجارة ) لالالالالا .. هذى اشياء بسيطة .. موجودة فى بيوتنا كلنا .. يلا يالنحيفات همتكم ... ههه
على فكرة .. هذه الزيادة بكسل .. يعنى كنا ناخذ معلقة فى اليوم .. فما بالكم لو اخدنا 3 ملاعق فى اليوم ..
نصيحة .. الخلطةسهلة وماتحتاج وقت او جهد .. تسحنيها وتدخل الثلاجة .. وتاكلين .. بس .. وبالعافية والصحة والسمنة للمحتاج .. ههه
لا تنسون صاحبة الخلطة بالدعاء ( وهى كانت تضيف حلبة مسحونة ) ......... بس انا استغنيت عنها عشان الحلبة المسحونة مرة وتغير طعم الخلطة .. وصراحة من غير الحلبة طعمها طحنية بس وكمان مفعولها حلو ..
بالتوفيق للجميع ..