نخيتكم ي بنات جده عروس ساعدوني

التارفه .. حبيبتي اول شي ألف ألف ألف ألف مبروك ياعروس
ربي يتمم لك على خير و يسعدك ويجمع بينك وبين عريسك بالخير و المودة
وثانيا: أهلا بيكي حبيبتي في جدة.... وتنوريها و ان شاء الله ربي يكتب لك السعد و الراحة فيها
بالنسبة للكوافيرات في كثير وكل واحد له الناس اللي تحبه ، فيه اللي يحبوا الرسمات الثقيلة والميك اب الثقيل من باب ان مكياج العروس
مالازم يكون عادي ابدا .. وفيه اللي يحبوا التان يعني لازم يسمروكي على اساس ان التسمير يبين لون عينك و يحلي العروس و يخليها مودرن وكلام من دا
وفيه الناعم للي يحبوا اللبناني الشغل الناعم الرايق ، و بالنسبة لي انا من اخر نوع (اللي يحب الناعم) و شكلك زيي و حجزت عند لمسات بناء على نصايح البنات
وكمان خبرتنا مع اختي في حفلة ملكتها .. بس لمسات عندهم مشكلتين لازم تعرفيهم و بعدين لكي الخيار :
1. الأسعار غالية .. صحيح ان فيه اغلي منهم بكثير بس مازال 3300 اقل باقة !!! خير بتخلوني اطلع بيونسيه
في النهاية هي شعر ومكياج بامسحهم اخر السهرة ، وعنايتهم تبدأ قبل الفرح بأسبوع يادوب .. و الباقة حقتهم مافيها حمامات مغربي ولا واكس للوجه ولا حواجب
يعني احس كثير من الأساسيات محذوفة لكن من جهة تانية هما وعدوني ان ممكن استبدل الخدمات اللي ما ابغاها زي المساج بخدمات تانية ما تتعدي سعر الخدمة المستبدلة
2. المشكلة التانية : لو قررتي تروحي لهم بس مكياج وتسريحة ... ماعندهم خدمة عرايس بس لهالغرضين لازم تاخذي باقة ولو قلتي ما بقولهم اني عروس
راح اقولهم اني حضيرة ما تضمني انهم راح يعطوكي لوك العروسة الحقيقي يعني فيه مغامرة ما اعتقد راح ترتاح اعصابك فيها .
ومن جانب تاني عندهم ايجابيات :
1. الدقة في المواعيد .
2. الشغل مضمون باذن الله بنسبة 90% و السمعة حلوة جدا.
3. قسم خاص بالعرايس وعادة ما يكون معاكي غير 3-4 عرايس و فيه اهتمام بيكي و خدمة مستمرة من ناحية عصيرات و ماكولات وكدا .
هادي ايجابيات و سلبيات لمسات و باقي اقولك انا اخذت قراري اني احجز معاهم لأني قلت يابنتي يعني كم مرة بتتزوجي ... و بعدين حرام اهتميت بكل تفاصيل فرحي
واجي على الكوافير و اختار شي مو واثقة منه , كمان لي تجربة سابقة معاهم !!! فأخذتهم
صالون جمالك .. عندهم باقة وحدة للعرايس ب 2000 ريال اعتقد و تشمل مكياج و شعر و بدكير ومنكير و اذا ما كنت غلطانه كان فيه واكس جسم كامل
بس عندهم مافي قسم للعرايس يعني العروس تدور بالصالون تعمل خدماتها مع الزباين والمكان زحمة جدا ماشاء الله بس شغلهم حلو
وماعليه كلام شفت عندهم عروس وحبيت مكياجها
والباقي ما رحت لهم و اتوقع الفراشات ممكن يفيدوكي عنهم اكثر مني

اما بالنسبة للمصورة فيه وحدة انا واخواتي نتعامل معاها و حبيت شغلها واسعارها جيدة بالنسبة لمصوراتنا العزيزات اللي مفكرين حالهم يصوروا بنت ترامب
اسمها استديوا مها وراح ارسلك رقمهم على الخاص لو تغي خبريني بس هنا على العام و ما يصير خاطرك الا الخير
بالنسبة للعطور والمكياج .. عليكي بمركز الكورنيش اللي في البلد .. الدور الخامس تحفة كله عطور ومكياج ماركات واسعارها بسعر الجملة حلوة وممتازة
ولا تكثري عطور وخذي مقاسات صغيرة ما تدري مين يناسبك وكمان بتجيكي هدايا عطور كثير
اما الملابس عندك انواع فيه للبيت و فيه سهرة و فيه زيارات واستقبال و فيه النوم
وكل شي من مكان
البيت معروف ... عالهرم (شارع الأمير سلطان - التحليه) و سيتي ماكس (حراء - التحليه-عزيز مول) و مهجة ( شارع الأربعين امام قاعة الف ليلة البصنوي)
الزيارات و الاستقبال عندك من سنتربوينت الى الماركات الكبيرة المعروفة (H&M وغيره )
وتقريبا معظم مولات جدة فيه فروع لهالمحلات فيهم ,, العرب مو - عزيز مول - الصيرفي ميجا مول - الأندلس) كلهم تلاقي فيهم ماركات
النوم .. ما يحتاج اكيد الصبايا وانتي كمان تعرفي ناعومي لاسنزا ومن سيكرت و كمان لما تروحي الكورنيش ترى فيه فرع لفكتوريا سيكرت لالالالالالالالا يفوتك يجنن
والسهرات ... فساتين وانتي تقرري من وين بتاخذينهم وممكن تخيطيها بس ترى حدك 3 لا تكثري ولو عندك شي ما انلبس وكشخة وماشافوه اهل زوجك حطيه لا تخجلي
ماعندي ارقام كوافيرات يطلعوا لك لكن فيه وحدة بجربها لأول مرة بغمرتي 11 القعدة ان شاء الله اذا عجبني شغلها واخلاقها ارسلت لك رقمها لك ياعسل
حبيبتي لا تخجلي ترى الفراشات حبوبات و يساعدوا والله اطلبي انتي بس
موفقة حبيبتي

ياعسل عند شاميل ورا المساعدية روعة شغلهم ناعم وفخم
ندي مكياج وشعر فكرية
ب 1800 مكياج وشعر بس

الله يعطيكم العاافيه ماقصرتو يالغوالي
الوحركات حبيبتي مااقصرتي ي شيخه ربي يسعدك ويعطيك ماتتمنين
وحبيت اسأل كمان عن سنتر وهج كيف شغلهم ومواعيدهم ؟؟؟
ولاهنتي ارسلي لي رقم المصوره
msh
يعافيك ربي ي عسل وربي يحقق لك ماتتمنين يارب
بنات انتظر المزيد

الف مبرووك ياقمر
منه سنتر شغلهم حلو
نوال شعر وذكرى مكياج

والله مالي خبره بالمشاغل
بس الملابس
الو حركات ماقصرت ابد
كفت ووفت
يديها العافيه
واب لعيونك انت واختك

مشكورات يالغاليات
ي عسل منه سنتر غالين والله العروس ب 4000 مره نار
وينكم ي بنات معقوله مالكم خبره :(
اي صح واحده من البنات الله يسعدها شكرت لي مره في واحده اسمها ام نواف تروح للبيوت وتقول شغلها قريب من لمسات تعرفونها ي بنات او شفتو شغلها وبأمانه كيف تساريحها ومكياجها
الله يسعدكم لاتبخلون علي :(

ياعسل روحي المحل وشوفي شغلهم بعنيك لان الاذواق تختلف
لمسات و وهج وجمالك
لكهم سمعتهم تمام
بالنسبه للمصوره فيه أستديو يعمل لك تصوير وزفات وكوش ومسكات يعني كله في محل واحد ههه اسوي دعايه لهم
لا لا لا بس للأمانه تعامل راقي يكفي الاخلاق
اذا حابه الرقم تحت امرك

دار الهنوف لفساتين الافراح
للأتصال : 0548080191
شرفيني بمواضيعي وانا من جدة واخدمك بعيوني
عندي فساتين أفراح من تصميمي جاهزة تعالي واختاري انتي واختك ولكم هدايا وخصم
واخدمك بكماليات الفستان بكل شي عندي
حتى زفه وصندل ومسكة وطعم وساعه وإلي حابته
موفقه يارب
العنوان : جدة حي الصفا 4 قريب من عزيز مول
الاتسقبال بالمواعيد الرجاء الالتزام فيها
كلميني قبل