ندا الى مراكز واستديوهات التصوير نسائيه مضمونه وعندهم امانه في الشرقيه

السلام عليكم ..
انا عضوه جديده ومو جديده انا كنت اتابعكم بصمت وحاطه الموقع عندي في المفضله بصراحه استفدت منكم كثير
وجاء الوقت الي اطلب منكم خدمه الموضوع باين من عنوانه انا اختي بتزوج وحبيت اني احجز لها مصوره يكون عندها امانه وتخاف ربهاا ..
انا قريت مواضيع كثيره عن الي يصير في بعض استديوهات التصوير ان الرجال هم الي يحمضون الصور وسمعت بعد عن الالبومات الجديده الي تسمى بالحراري او الخمات والجلد والورق المقوى والزجاجي ... الخ .. ان الرجال هم الي يسونها لانها صعبه على الحريم طبعآ هذا كله كلام انا عن نفسي مدري وين الصدق من الكذب ...
انا ما ابي اثير فتنه او اقطع رزق احد بس بمجرد انك تسمعين ان استديوهات النسائيه يتدخل في شغلها الرجال اكيد كل وحدها بتخاف على نفسها وعلى خواتها ..
انا ادري الكلام هذا ما يمشي على كل مراكز وستديوهات النسائيه اكيد كل شي فيه الطالح والصالح اناحطيت الموضوع هذا عشان اعرف الصالح وين ..
ياليت احد منكم مجربه استديو تصوير نسائي في الشرقيه مضمونه وعندها امانه وتخاف ربها تعطيني اسمها
اتمنى من المجربات بس مو الي سمعت ابي الي جربت من جد وتعامل معهم دايم ..
انا شفت في المنتدى هنا خواتنا عندهم مراكز واستديوهات تصوير يحطون شغلهم هنا في المنتدى بصراحه انا عاجبني شغلهم بس متخوفه من موضوع الرجال اتمنى من صحبات استديوهات التصوير هذي تشرح لنا كيف يتم تحميض صورنا وطبعتها وضعها في خمات عشان نقطع الشك باليقين واكيد كل وحده فيهم عارفه شغلها وتخاف ربها راح تقول لنا كيف لان بصراحه حنا مانعرف كيف يسون الصور عشان كذا متخوفين .. وهذا نداء ل صحبات المراكز ياليت انكم تدخلون وتطمنونا.
وسلامتكم ..
ادري الموضوع طويل بس والله كل هذا عشان اختي ما ابي احول فرحتها الى مصيبه ..