نداء الى الافعى الحنونه الله يسعد قلبها والى كل البنات للاستفااده تعالو

1. السلام عليكم


2. صباحك فل وياسميين

السلام عليكم

صباحك فل وياسميين

ياقلبي يا أحلى حنوونه أنا قعدت شهرين تقرييبا ابحث في قسم الشعر والبشره ولقيت اكثر من موضوع أعجبني وبصراحه احترت مره من كثره الخلطاات وخاصه خلطات الشعر لأني لقيت 3 خلطات نفسي اجربها بالاضافه الى الصبار الطازج من المشتل بس ماني عاررفه كيف استخدمهاا محتاره ولا اعرف كيف الطريقه الصحيحه والسليمه فكرت استخدم كل خلطه 3 مرات بالأسبوع والاسبوع الثاني ابدا بالخلطه الثانيه وهكذا يسير بالتناوب وفكرت كل شهر استخدم خلطه ،، اتمنى تفيديني بالطريقه الصحيحه
وهذي هي الثلاث خلطات
نهاركم قشطة ياقلبي
كيفكم ؟ ان شاء الله تمام
اليوم جايبة لكم وصفة لتطويل الشعر في وقت خيالي وترها مجربة ومضمونه مليون بالمية.
المقادير وطريقة الاستخدام
نخاع الثور يعني عظم بقر تشيلو النخاع يلي بدالخ وذوبوه بحمام مائي وبعدين تضيفوا عليه فنجان زيت زيتون اصلي من المعصرة
وتتركوهم يبردوا شوي .
وبعدها تجيبوا 3 ملاعق حلبة محمصة ومطحونه ناعم+صفار بيضة
ينخلط الكل وينحط على الشعر لمدة 4 ساعات و3 مرات بالاسبوع .
والله ثم والله الشعر راح يطول بمدة قصيرة .وماحطيت هالوصفة الا بعد ماشفت نتايجها بعيني.
يلا بنات ادعولي الله يشيفيني ويحفظلي والدتي
الخلطه الثاانيه
باختصار
يااخواتي
بسأل عن زيت الخردل الاصلي
من جربه لحاله وكيف النتيجه
انا شفت وحده مشاء الله تبارك الله
ولاحول ولاقوة إلا بالله العلي العظيم
شعرها طويل
وثقيل وكثيف جدا
جبته متينه مااقدر امسك شعرها بيد وحده مااقدر اضمه بيد وحده
استحيت اني اسألها
بس شعرها يفوح زيت الخردل تصرع ريحته
ومتاكده انه زيت الخردل
انا عن نفسي بجربه وبرد لكم
وابغى اعرف لو وحده جربته
خلاصه الخلطه أني بجرب زيت الخردل من المعصره
والثالثه اللي هي عباره عن أملج وخوى جوى وحلبه سودا مع زيت النارجين اللي يجي بعلبه خضرا حديد في موضوعين بالقسم عنهاا والكل يمدح فيها
وراح استخدم البابونج لتشقير الشعر بس خايفه يسبب لي تساقط لان سمعت ناس يقولون انه يخلي الشعر يطيح ..
وبالنسبه للجسم برضو في خلطتين وهي
الخلطه الاولى
السلام عليكم
بدخل لكم بالسالفه على طول
دايم لما اتصفح قسم البشره القى العرايس والبنات بتذمرون من جسمهم ان لونه مو موحد
انا من تجاربي عرفت وش اللي يناسبني و عرفت الزبده بقولكم على طريقه وجربوها لان تناسب الاغلبيه
بتكلم لكم كل شي بالتفصيل
اول شي الجسم :مافي شي احسن من الحمام المغربي لا خلطات ولا كريمات ولا خرابيط فادت معاي زي الحمام المغربي
لانه ينظف و يطلع لون البشره الاصلي صافي و حلو
الاشياء اللي تحتاجينها للحمام المغربي عشان تسوينه بالبيت :
صابون مغربي: معجون انا اخذه من عطار المرواني يجيبه من المغرب مباشره مره ممتاز و رخيص العلبه تكفيك ثلاث شهور اذا بتسوين كل اسبوع
سعر العلبه 15 ريال( الصابون المغربي احتفظفي فيه بمكان جاف بالغرفه مثلا و اذا جيتي تستخدمينه خذي منه في صحن ودخليه معاك الحمام) .
الحنا البيضا: هذي حنا للجسم بعد اخذها من المرواني العلبه تكفي ثلاث شهور او اكثر ب 35 ريال.
اعشاب الحمام المغربي:بعد من المرواني ب 15 ريال تكفيك شهرين او اكثر .
الطين المغربي: مره حلوه يصفي بشكل رهيب .
فكس : مره حلو ينظف ويفتح .
نشا: يصفي و يشد الجسم.
صنفره المشمش:عشان الركب والاكواع .
ماي ورد: حلو ينعش الجسم و تحتاجين تخلطينه مع الحنا .
فوطه صغيره و نظيفه : بعلمك لا تستعجلين .
لوشن فازلين بزبد الكاكاو و جنين القمح: افتحي علبه اللوشن و حطي عليه
جنين القمح و رجيه وسكريه عشان تستخدمينه دايم .
الطريقه:
خذي صحن حطي اربع ملاعق صابون مغربي و ملعقه اعشاب الحمام المغربي
و نص ملعقه نشا و ملعقه فكس ( الملعقه الكبيره حقت الاكل عاد كل وحده تقدر حاجتها )
اخلطيهم زين وبعدين دخلي الحمام و افتحي الدش خلي يمتلي المكان بخار
حطي الخلطه على جسمك و خليك من عشر دقايق الى ربع ساعه و بعدها خذي الليفه المغربيه
او اللي من بدي شوب اللي زي القفاز وانا ارشحها اكثر اسهل و تنظف اكثر
ابدي افركي من تحت من ساقك الى فوق لحد الصدر افركي بشكل دائري افركي بضمير
وركزي على الركب والاكواع و اما الابط حتى لو انه غامق لا تشدين عليه لانه منطقه رقيقه
ولا تشدين على الرقبه و المنطقه الحساسه يعني على هونك على هالمناطق اما الباقي ما اوصيك
ولا تنسين ظهرك اهم شي و بطنك لاتهملينهم خليهم ينورن شوي
خذي راحتك ادعكي من قلب واذا خلصتي اشطفي جسمك بماي دافي.
وبعدين خذي الحنا البيضا اربع ونص ملعقه من اعشاب الحمام المغربي و زي عليهم ماي ورد
شوي شوي لين تصير ثقيله شوي يعني مو خاثره ولا خفيفه
وادهني جسمك كله فيه و خليه عشر دقايق او ربع ساعه وبعدين اشطفي جسمك زين
وبعدين الطين المغربي خذي اللي يكفيك اخلطيه بماي ورد لين يصير ثقيل شوي و ادهني جسمك
عشر دقايق الى ربع ساعه و بعدين اشطفي جسمك
وافركي الركب والاكواع والمناطق الغامق البطن والمؤخره بالصنفره كل منطقه خمس دقايق
وبعدين اشطفي بالماي
اذا شطفتي جسمك زين خذي الفوطه و بليها بماي ورد ومسحي على جسمك كله
واذا نشف جسمك رطبيه لا يروح تعبك على الفاضي الترطيب اهم شي رطبيه
بزبده الكاكاو اللي خلطنا معاه جنين القمح (احرصي على الترطيب كل ما يجيك ماي وبذات
بعد الوضوء )
باقي ايام الاسبوع تروشي بصابونة البابايا 1 في 4 و رطبي جسمك باللوشن
لو استمريتي كذا شهرين والله بتتغيرين 180 درجه
والثانيه
بسم الله الرحمن الرحيم
السلام عليكم ورحمة الله وبركاته
كيف حالكم حبيباتي الفراشات
مثل ماعودتكم ماأوافيكم الا بكل جديد ومجرب مني شخصيا
وبعد النجاح اللي حققته الحمدلله في زيت الشعر الخاص في
جبت لكم اليوم خلطة طبيعيه ومضمونه 100 %
والله العظيم مانزلتها لكم الا بعد ماجربتها أكثر من شهرين وتركتها ولا سببت لي أي مضاعفات بعد تركها
قبل أمس كنت في زياره لوحده من صديقاتي والله العظيم قالت لي بالحرف الواحد
اللهم صلي على محمد وجهك في نضاره وبريق مو طبيعي أش مسويه؟؟؟؟
قلت لها أذكري الله قالت قلت اللهم صلي ع النبي ماشاء الله تبارك الله
والجمله هاذي كانت سبب ودافع لي إني أنزل لكم خلطتي اللي قررت أرمي بعدها كل الكريمات والخلطات اللي أستخدميها
ولا تنسون تدعون لصديقتي اللي كانت السبب إني أنزل لكم هالخلطه الفظيعه
تكفون أدعو لها إن الله يفرحها ببنتوته تفرح قلبها
وحرصت إني أصور لكم الخلطه وأنزلها لكم عشان تشوفون شكلها النهائي
عملت علبتين وحده لي ووحده لصديقتي هديه
ياحبايبي لازم ضروري جدا تكون عندك كل المكونات وما تنقصي شي أبدا
ضروري الله يخليكم عشان أضمن لكم النتيجه
بسم الله نبدأ
راح أعرض لكم كل الأشياء اللي راح نحتاجها بالصور وأعذروني مع الحوسه ماصورت بعض الخطوات
صابونة الغار
صابونة الكركم
الصابونه السحريه ( الفلبينيه ) ضروري نفس هالصوره
نبشر هال 3 الصابونات بهالمبشره
بهذا الشكل
نجيب قدر ونضع فيه
بيالة شاي ماء ورد
أنا أفضل هالنوع بالنسبه لي أفضل شي
فنجان قهوه زيت جلسرين
فنجان قهوة زيت جنين القمح
نخلطهم سوا ع النار دقيقتين لغاية ماتسخن
ونضيف عليها
ملعقتين كبيره كركم الجسم ( حبيباتي كركم الجسم وليس الأكل وصورت لكم شكله )
ملعقتين كبيره لوز مطحون
ملعقتين كبيره ترمس مطحون
ملعقتين كبيره ملح خشن ( الله يسعدكم ملح ناعم حق الأكل ماينفع أبدا أبدا )
ونقلبهم على النار دقيقه بس بعدين نضيف عليهم كميه الصابون اللي بشرناه
نقلب مضبوط دقيقتين وراح تلاحظون ان الصابون صار سايح مثل الكريم
نقلب كمان دقيقتين ونرفعها من النار
ونضيف للخلطه
ملعقتين أو ثلاث ملاعق حليب نيدو
وملعقتين نشا
ملعقتين زبدة الكاكاو (إنتاج كوكوكير ) طبعا هالشركه أفضل شركه في منها أنواع كثيره بس هاذي أفضل نوع
وأخيرا نضيف عليها 8 حبات فيتامين أي ( مهم جدا يابنات )
وهذا شكلها ياحبايبي صورتها لكم من الداخل
تثقبها بدبوس بحذر وتفرغي الماده السائله الموجوده بداخلها
وتقلبي مضبوط جدا
وتفرغيها فأي علبه عندك
أنا فرغتها في هاذي العلبه
العلبه الصغيره اللي جنبها هذا لوشن وكريم مرطب 3في 1 راح أنزل لكم طريقته روعه جنان
خاصه للمتزوجات ريحته واو جنان
طريقة الاستعمال
افتحي المويه الحاره دقايق حتى يتشبع جسمك بالبخار وتنفتح مسام بشرتك
خذي الكميه المنابه لكامل جمسك وادعكي فيها كامل الجسم بالليفه المناسبه لك 5 دقائق الى عشر دقائق
واتركيها وانشغلي في عمل حمام لشعرك أو أي شي اخر قناع للوجه أو أو أو
بعد ال 10 دقائق اشطفيها واستخدمي الكريم المرطب المناسب لبشرتك
وراح أنزل لكم طريقة صنع الكريم واللوشن الخاص فيه اللي صورته جنب الخلطه
وراح تنعمون ببياض ووصفاء ونعومه غير طبيعيه وراح تدعون لي
والله العظيم أخذت منها أختي واستخدمتها لساق وحده فقط وخرجت من الحمام والله العظيم فرق واضح وكبير جداد جدا جدا 90 % عن الساق الثانيه من أول استعمال
بنات يعلم الله اني مجربتها على نفسي وأختي أكثر من شهر وصورت لعيونكم وتعبت كثير في عملها فهي مجهود شخصي لي وغير منقوله فلا تحرموني من الدعاء
ولا تحرمون نفسكم من تجربتها لأنها والله تستحق التجربه وبشروني بالنتايج أنتظركم
وأي سؤال أنا حاضره
اللي بتنقل الموضوع حلال عليها حبايبي من باب ( حب الخير للغير ) بس تذكر إنها خلطة رجاء لبياض وصفاء ونعومة البشره لأنها خاصه في وغير منقوله
ولسواد الإبط هذي الخلططه
السلام عليكم ورحمه الله وبركاته
اخواتي أول اقدم الشكر لجميع اخواتي الي شجعوني اني انزل الموضوع
وبالاخص اميره ولا كل الامامير شكر خاص لها
بقولكم على خلطه بس مو تروحون تسونها وبعدين مااشوف ولا رد ابغى الرد بعد الإستخدام
تراها خلطة سرية جدا جدا
انا استخدمها كذا مرا وياويل قلبي علي النتيجه خياليه بعد مرتين من الاستخدام
انا فيني تحبب بمنطقة الابط مع سواد خفيف و كانه الجلد تجعد بسيط
طبعا من كثر الحلاوة والحلاقة والخرابيط
ياعمري انتي وهي بقولك خلطه
وراح تدعون لي دعوات والله احتاج الدعوات منكم بظهر الغيب
الخلطة
صابون مغربي السائل (مقدار كاسة جبنة كرافت كبيرة الي توزني فيها الدقيق)
شبه مطحونه الناعمه البيضاء من عند العطار( مقدار ملعقه كبيرة
ليمون طازج وحده فقط او اثنين براحتك
الطريقة
ادخلي الحمام
1- اذا كنتي مروقه انقعي جسمك بالماء الدفئ لمدة ربع لنصف ساعه
2- اذا تتحممي عادي بللي جسمك بالماء فقط
3-اذا تغسلي شعرك وبعدين تحطي الخلطه براحتك
هذه ثلاث طرق لترطيب الجسم بالماء والافضل الطريقة الاولي والثانيه
طبعا تخلطي الخلطه في زبديه
الصابون المغربي السائل+الشبه+الليمون
راح تلاقي لون الصابون تغير عليك وصار فاتح وامزجيه واذا لقيتي الخليط ثقيل وتقطع عليك
زيدي من كمية الصابون
المهم اخلطي
وبعدين حطي تحت الابط وقفلي يدك وحطي منطقة البطن الارداف
فيك سيولييت اوك حطي مكانه
وحطي باي منطقة غامقة فيها خشونه حبوب
واتركيها لمدة ربع ساعه الي نصف ساعه او ساعه براحتك
وبعدها ابدأي افركي جسمك باليفه مو الليفه الناعمه مرا الدلع
لا لو الليفه المغربيه او ليفه جدتك وجدتي القديمه الي تقولي شعر امريكي ههه
حطي بوجهك<<<< ملاحظه<<<< اذا بالوجه تحسي بحرارة شوي
وياعمري علي النتيجه الي تلاقينها روعه
بس لو سويتي هذه الطريقة مرتين تلاقي فرق وتلاقي الابط شد معاكي الحبوب اختفت
صح نسيت فيه الاكواع والركب سواد وحبوب علي طول سوي الخلطه وحطيها
بس افضل تستخدمي طريقة النقع لمده نصف ساعه للركب والاكواع
وللشفايف قررت اجرب هذي الخلطه
بنات انا شفت الخلطه هذي على صديقتي كانت شفايفها مو حلوين وعاديه
بس الحين قرب زواجها وبدت تهتم بنفسها وتعالو شوفو شفايفها
مليانه و ورديه تلمع لمعان والله انا ماصدقت عطيتها كلينكس قلت امسحي
الروج الي انتي حاطته قامت تضحك قالت لا روج ولا شي انا استعمل خلطه
انصدممت يابنات قلت ماشالله لا اله الا الله وشش مسؤيه بنفسك
قالت قبل النوم عند راسي احط علبتين علبه فازلين واكب فيها زعفران والطخ شفايفي
وتدلك الشفايف مدة ربع ساععه وتنام
واليوم الثاني تحط علبه عسل وقرفه وهكذا
يوم فازلين وزعفران واليوم الي بعده عسل وقرفه بس تقول لطخي وكثفي لان وانتي نايمه بيمسح
وبس عزيزاتي للامانه الي تقرا صفحتي وتستعمل الخلطات تدعيلي
ادعؤلي الله يفرج همي امين يارب الله يفرج همي
وللرموش راح استخدم منتج lipocles شفت باليوتيوب تجارب بنات أمريكيات بشهر سارت رموشهم جنان وكثيفه وطويله وكمان نفس سمك الشعره زااد
هذا كل اللي ناويه اسويه بس ياقلبي زي ما انت شايفه للجسم والشعر في اكثر من خلطه كيف تنصحيني استخدمها كلها بحيث انها ماتضرني
وبناات الخلطات هذي كلها من المنتدى وادعوو لصاحباتها بالتوفيق في الدارين وادعولي كماان ربي يسهل كل أموري ويحقق كل الأماني ،،
وارفعوو الموضوع الله يرفع قدركم لأني كنت اقدر اسأل عن طريق رساله خاصه بس حبيت أفيد الجميع ،،
وكمان أدعو للاخت الأفعى الحنونه لانها بجد إنسانه نادره الوجود وذوق بمعنى الكلمه الله يخليها لناا يارب
يلاا بنوتات أبغى ردود حلوه والله ثاني مره اكتب الموضوع ومدري وين يطيير ههه