نداء لكل عوانس المنتدى شاركيني بعنوستك

1. يابنات مالنا الا الصبر وربي كريم


2. وارحم والطف بعباده من خلقه

السلام عليكم ورحمة الله وبركاته
مرحبا بنات كيفكم ان شاء الله
انكم في احسن حال يارب ..
مدري كيف ابدا لكم الموضوع او
مدري اواسي نفسي ولا اواسيكم
هي مجرد فضفضه تعبر عن مافي
داخلي ومافي داخلكم ايضا ..
الكل منا يحلم من يوم انه صغير
انه يكون له اسره وبيت .... الخ
وفجاه مع الايام ينتظر ويقول وين
ووين ووين اللي كنا نحلم ونفكر
به .. صح ولالا ..
انا مااعترض على قدر ربي لي
بالعكس اقول الحمد لله خيره بس مايمنع اني اتكلم واقول وش
بخاطري وبدليل اني اكتب بكل
عفويه الموضوع لامترتب ولا شي اهم
ماعندي ان احساسي يوصل لكم ويدخل
لعقلكم وقلوبكم ..
ادري نصيبي مابعد جا وعارفه ان
كله على الله بس والله يابنات
اتمنى ان يكون عندي بيت حالي
من حال باقي البنات يكون لي زوج
واسره اعتني فيهم واهتم فيهم
انا مو شفقانه على الزواج ابد لان
الحمد لله وضعي بالبيت مره حلو
ومافي احد يجرحني بالكلام ولا شي
كنت اول اقول متى متى متى بس
الحين ابغى مو اني ماابغى بس قلت
لهفتي وشحفي على الزواج عن اول
يعني وكلت الامر لله وقلت خلاص
متى ماجا النصيب يجي بس والله
خايفه من بكره انا مابي اتزوج
الا بعمري هذا ( انا بالعشرينات )
صراحه احلى سن للدلع والغنج
والدلال ... الخ انا مااقول باقي
البنات اللي اكبر من هالعمر
مالهم فرصه ونصيب من هالامور لكن
نتكلم بصراحه لما تكونين بعمر 30
هل راح تطايرين وتتدلعين وتسوين
مثل لما يكون عمرك (بالعشرينات )
معروف ان الوحده كل ماكبرت تصير
عاقله ورزينه وثقيله انا اتمنى
امنيه اني يجيني واحد طيب وحبوب
ومتفهم وفرفوشي << اهم شي ههه
واتمنى لكل البنات والله مو لنفسي بس
على فكره انا مانيب احسد احد على شي
يعني بنات العيله او صديقاتي ... الخ
وربي ادعي لهن من قلب ان ربي يوفقهم ويهنيهم بحياتهم الجديده
هذا بالاول والاخير ارزاق واذا لي
قسمه في هالرزق بيوصلني لمكاني
احيانا لما اطلع السوق واشوف المتزوجين
اتخيل نفسي اني اتمشى مع زوج المستقبل واروح واجي واقضي
ولا اذا رحت المطعم ماشاء الله
الجلسه كيف تكون حلوه مع البنت وزوجها تحسون اخر روقان ههه
ولا السوبر ماركت اذا شفتهم يقضون للبيت ياسلام ولا احلى من كذا
ان شاء الله ربي يكتب لي الخير لي ولكم ولبنات المسلمين اجمعين
يارب هذا يوم جمعه دعيتك لاتردني
انك تفرح قلبي بنصيب يعوضني عن كل مافات من عمري وكل لحظه راحت من وقتي وتجمعني به وتقر عيني به وتقر عينه بي انا وبنات المسلمين اجمعين اللهم امين
اكثر شي يقهرني اذا صار في عيال من العيله نفسها وراحت الام تخطب له من برى طيب ليه بنات العيله فيهم شي يعيبهم اذا كانت الاوضاع طيبه والامور بخير وش فيها اذا تزوج الولد من قريبه له ..
الام ماتشوف ولا منعميه ولا وش السبب ابي اعرف انا هالظاهره ..

يابنات مالنا الا الصبر وربي كريم

وارحم والطف بعباده من خلقه

يعني احيانا اقول على هالصبر ربي بيجازيني بخير ويجمعني بنصيب ان شاء الله ان عوض عن الايام اللي راحت خلونا نتوكل على الله وربي مابيردنا خايبين وبالنسبه لباقي البنات اللي يشتكون من بعض التجريحات لاتشيلون بخاطركم ولا شي
وسعي صدرك هذا رزق وموزع متى ماجا دورك بتاخذينه غصبن عن الكل
واللي تقول وش لكم بالزواج كله قلق ومافيه راحه مافي شي فيه راحه يعني كل المتزوجين عايشين حياه حلوه لابد في يوم حلو ويوم مر مافي شي يصفى طول العمر الحياه كذا يوم لك ويوم عليك
بنات كلكم في هاللحظه ارفعي يدكم
واطلبي الله يرزقني ويرزقك ويرزق بنات المسلمين اجمعين ويسعدنا ويسر عيونا وقلبنا بفرج من عنده
وابي منكم شخصيا تدعون لي بان ربي يهديني ويصلحني ويثبتني ويغفر لي ويصلح لي حالي واموري
ويستر علي ويوفقني ويجعلني له كما يحب اللهم امين لي ولكم باذن الله تقبلوني اخت لكن واعذروني على الاطاله ..
الموضوع كما ذكرت بالسابق عفوي وغير مترتب الافكار لذلك ارجوا المعذره منكن يااخواتي