نداء للاخت نموله بليز

كل سنه وانتم أحلى زوجين يارب
ويديم عليكم السعاده والموده ولا يغير عليكم

هلا رشا ..
اول شيء أقولج مبروك
و عقبال مليون سنة يارب ..
***
و كل عام و أنتي بخير "مبارك عليج الشهر "
*********
المهم بعطيج شويه افكار كنت حاطتنها بالمنتدى
+
شويه أفكار جديدة و اتمنى يعجبج شيء يا رب
*********
اخذي لج ورد طبيعي أو صناعي شكله حلوو و حطيه داخل الكاسات و في الكاسات حطي عصير ليمون
والله والله يطلع المنظر رهيب و جديد ..
************
حطي في الصاله اللي بتكونين فيها طاوله حجمها كبير شوي .. و حطي فيها شمووع بأشكال
و الوان مختلفه و نثري على الطاوله بتلات ورد و تقدرين تحطين قفص ذهبي فيه عصفورين
و في مقدمه الطاوله قرآن مفتوح على سورة الرحمن "عروس القرآن "
****************
سوي لج 100 او 200 حبه حلاوة .. مغلفين بطريقه حلوة و جذابه بشرايط و خرز
و ورق مقوى ...الخ و وزعيها في سلال على قد الطاوله و اذا اهلج سلمو عليج اعطيهم من هالحلاوة
***************
الدبل حطيهم في شيء مميز .. مثلا شجرة غصون .. علبه راقيه و شكلها حلوو
**************
لا تنسين الحنه .. تراه شيء مهم و حلو .. حني اليدين و الرجلين
*************
حطي صحن صغير فيه عسل و بعد تلبيس الدبل اخذي شويه عسل بالاصبع الاخيرة
الصغيرة و خلي زوجك ياكله و هو يسوي لج نفس الشيء (( يقولون تخلد الحب و تخلي ايامهم
عسل و سكر ))
- حطي لج وعاء معدني حجمه متوسط و حطي فيه ماء ورد و بتلات ورد و غطسي رجلينج فيه
يبارك لج و يعطي شكل حلو "طقوس هنديه " تقدرين تسوينها بنهايه الحفله و تصورين
*************
بعد عندي افكار
انتظريني

- البطاقات تقدرين تاخذين بطاقات جاهزة و تزينينها بنفسج
يعني اشتري بطاقات عاديه و بالمطبعه او القرطاسيه يطبعون عليها الدعوة
و التزيين انتي سويه .. والله يطلع شغل حلو و مميز و انا مجربه
و براويج الاشكال اللي سويت مثلها
عاد سمعيني في البطاقه اكتبي شيء يدل على انج تحتفلين
بذكرى زواجك مثل :
" ندعوكم لنجدد الذكرى .. ذكرى من أجمل الذكريات التي لا تنسى .. تاريخ محفور في قلوبنا
و أسطورة رائعة .. حيث في هذه الليلة كما سجل التاريخ زواج .......و .......... و تم زفافهما بعد رحلة طويلة
و الليلة نستعيد الذكريات و نكمل قصة العشاق و نزف التهاني لهما من جديد ..........الخ
**************
و تقدرين تسوين في المكان اللي بتحتفلين فيه ديكور بسيط
مثل خيمه او كوشة من شيفونات
***************
و البسي فستانج مال زواجك و اذا مو عندج سوي لج فستان بسيط
يعني شويه شيفون و ستن و دانتيل ناعم و شوفي هالموديلات
***************
و حطي لج موسيقى كلاسيك طول الحفله و خلج كول
ولا تنسين اهم شيء غرفه النوم اشتري لج شرشف كشخه
و انثري عليه شويه ورد و عطر و هديه مثلا " ملابس داخليه " ههه
**********
اذا حصلت لج افكار بقولج
يالله اذن الفجر بروح اصلي و انام اشوى اليوم مافي جامعه
تصبحون على خير

يعطيكم الف عافيه والله ماقصرتو وا بس على فكره نموله الحفله بتكون مختصره لي انا وزوجي بس اللي ابغاه اني اسوي كروت لاهلي واهله اذكرهم بمرور سنه على زواجنا ايش تقترحين حبيبتي بليز نوريني

ثانكيو نموله قلبي ..
افكار روعه .. لو اني ما اايدك في فكره تقليد طقوس الهنود في وضع القدم في ماء ورد لكي يُبارك لنا !
او نغطس الاصبع بالعسل حتى تكون حياتنا عسل وسكر .. يعني اخاف ان هذا الشي يمس العقيده فتركه اولى ..
دمتي للفراشة

صراحة انتي يانموولة مبدعة
افكارك و لا اروع
اشكركي ,,,

صراحة يا نمولة عندك افكار بتأخذ العقل شو هل الأبداع ؟؟
بس ابغى اسأل انت متزوجة ولا لسه لأنو محظوظ الي يتزوجك
اكيد رح تخلي حياته سعادة ورومانسية ودايماً متجددة , والله يوفقك