نصائح رجيمية لاخت نقصت 33 كيلو في 8 شهور

السلام عليكم ,,
الكل منا يبي يكوون له جسم متناسق و وزن مثالي وان شاء الله كلنا نووصل له ..
طفشنا من السمن والشحوم واللحم ..
هنا بقدم لكم نصائح اكتسبتها في 8 شهور ومازلت اتعلم ..
نقصت فيها 33 كيلو ..
بس حبيت افيديكم ..
1- الأرادة ,,
اهم شي في الرجيم الأرادة ..
مو تجيين تقولين بنات ساعدوني ابي اسوي رجيم انا تعبت انا تعقدت ما اقدر اكمل اسبوع دايت ..؟؟؟؟؟!
محد يقدر يساعدك الا نفسسك اذا انتي ما عندك الأراده البنات وش يقدرون يقدمون لك ..
لازم تكونين مقتنه داخليا انك تبين تسوين دايت وتبين تنحفين ..
مو كل اسبوع تقولين ببدأ السبت ويجي السبت تخربين ببدأ السبت الجاي.؟! لا ابدا ماينفع الكلام هذا ..
تحدي نفسك وقولي اقدر اوصل وراح تستمرين ان شاء الله ..
2- الروتين ,,
الروتين شي مهم في الرجيم ولازم تنظمين يومك ولا يصير معفووس يعني الغدا عندك المغرب والعشا عندك الفجر والفطور الظهر !!
3- النظام الغذائي ,,
هنا الطامه الكبرى الي تحل ع البنات تبي اي شي سريع ينقص وزنها !!
طيب ليه ..؟ وزن اكتسبتيه خلال سنوات طويله تبين تنحفينه بمده قليله يعني معقول تبين تنحفين 8 كيلو بأسبوع ..؟!
مستحيل طبعا ..
وتجلسين تجربين انواع الرجيمات وتعفسين بجسمك ليه ..؟
تدرين كذا تخربين عملية الحرق بجسمك وانتي ما تدرين صحيح تضعفين بخرابيط والأنظمه العشوائيه والغير مدروسه بس تخسرين صحتك ..
وولا تسوين رجيم النوع الواحد تضعفين صحيح ..؟ لاكن ما اسرع ما ترجعين كل شي ضعفتيه ..!
وبعد الرجيمات العشوائيه راح يرجع وزنك وتبين تنحفين مره ثانيه ما تقدرين ليه ..؟
عشانك لعبتي بجسمك وجربتي كل شي جسمك صار ما يتجاوب معك ..
انتبهوا بنات لازم تسوون رجيم صحي مكتمل العناصر الغذائيه ..
4- الهرم الغدائي ,,
في نظامك الغذائي لازم يكون اكلك متنوع حسب الهرم الغذائي ..
لازم كل يوم تاكلين فاكهه و تاخذين حليب او زبادي او لبن
ولازم تاكلين لحوم ونشويات ولازم تاخذين خضار ..!!
واحسن رجيم هوو السعرات الحراريه اوو النقاط ..
5- الفطور ,,
اهم وجبه في الرجيم هي الفطور لازم تاكلين فطور ..
بتقولين ليه ..؟ عشان لما تصحين من النوم وماتاكلين شي وتروحين الدوام بضنك خففتي وتركتي وجبه انتي ارتكبتي اكبر خطأ ..
عشان ماحفزتي جسمك ع الحرق ..
مثلا لو دوامك من الساعه 6 الى 1 او 12 وش تسوين .؟!
اول ماتصحين تشربين مويه كثير وتاكلين فاكهه او تمر والساعه 9 ونص تفطرين ..
صحيح قلت لك الفطور مهم بس مو تفطرين 6 وتجلسين طوال فتره 6 - 12 مافيه اكل ..!!!
6- خمس ساعات ,,
لازم وضروري تكون بين الوجبه والآخرى خمس ساعات عششان الجسم يحررق الوجبه الي اكلتيها قبل ..
7 - السنآآك ,,
الوجبه الخفيفه تاكلينها مره وحده باليوم بعد الوجبه الرئيسيه بساعتيين ..
8- لا للنوم بعد الأكل ,,
حذاري تاكلين وتنامين بعد الأكل ع الطول جسمك وانتي نايمه مايحرق وتتأخر عمليه الحرق عندك ..
ف كلنا نتغدا وننام وهذا اكبر خطأ !! لازم ما ننام بعد الغدا مباشره ..
وش الحل ..؟
الحل انو تاكلي السلطه وتنامي لك ساعه ساعه ونص اذا كثرتي و تصحين وتاكلين غداك ..
9- ثلاث ساعات ,,
لازم تكون اخر وجبه تاكلينها قبل النوم ب 3 ساعات ..
0- المويه ,,
الماء وما ادراك ما الماء ..!
الكل يعرف اهميه الماء ليه نتهاون بشربه ..؟
لازم الأنسان الطبيعي يشرب باليوم 8 اكووااب ..
والي يبي يضعف لازم يزيد كوبين يعني صاروا 10 من دون جهد رياضي ..
يعني لو تمارسي ريااضه لازم تشربين اكثر من 10 اكوااب ..
والدهون تحتاج لوسط مائي عشان تذووب ..
لا تستهينون بالمويه بنات ممكن سبب عدم نزولك هو عدم شربك كميه كافيه من المويه ..!
1- لا للحرمان ,,
وانتي تسوين رجيم لا تحرمين نفسك من شي حابه تاكلين شوكليت كلي قطعه صغيره مخصصه للدايت ..
او حتي مو مخصصه ..
الكل يعرف انو الحرمان يولد الانفجار ..
اشتهيتي برجر او باستا او برياني ..!
من قالك ما تقدرين تاكلينيهم وانتي تسوين دايت ..!
المسأله مسألة شطاره تتفنني بطبخهم ب زيت قليل و بدون شحم و استمتعي باكلهم ..
2- الأمساك ,,
طبعا معروف انو الدايت يسبب امساك ليه ..؟
لانك ماتاكلين الياف كثير والي هي موجوده بالفواكه والخضار ..
والحل ..؟

• لازم تاكلين خضار كثير صحن كبير قبل كل وجبه وبين الوجبات كلي ..
• اول ما تصحين من النوم كلي خذي فاكهه اليافها كثير مثل : البرتقال - التفاح - الكيوي واكليها مع مويه كثير ..

13- استمتعي بالدايت ,,
انتي تسوين دايت استمتعي وشوفي وش نزلتي وكيف كان وزنك وش صار ..
وحاولي ما تتحطمين ما نزلتي هالاسبوع الاسبوع الجاي ان شاء الله تنزلين ..
لا تخلين الأحباط يدخل لك ابدا ..
تخليني شكلك بعد ما ترمين هالشحوم كيف بيصير ..
كيف بتقدرين تركضين وتلعبين ..
و كل انواع الملابس تنفع لك ماتقولين هذا بخليني سمينه وهذا مو حلو علي ..!
4- الرياضه ,,
لازم تسوين رياضه شي مهم في الرجيم واقلها المشي لايقل عن 30 دقيقه يوميا ..
لان الجسم عشان يحممي لحرق الدهون يبي له 26 دقيقه ..
وبعدين حاولي تسوين رياضه لمناطق الجسم الي تتراكم فيها الدهون ..
لانك لو اكتفيتي بالمشي صح راح تنحفين بس بتضل عندك دهون متراكمه في بعض المناطق يبي لها رياضه
\\
مواقع فادتني شخصيا وانا اسوي دايت ..
1\ موقع يحسب لك السعرات الي تاخذينها عشان تنحفين ..
فيه خانات تحطين النشاط الرياضي والفتره الي تبين تنحفين فيها وعمرك وزنك وطولك ويحدد لك السعرات مره حلو ..
How Many Calories Do I Require To Lose Weight?
2\ هناك السعرات الحراريه الموجوده بالأكل ..
جدول السعرات الحرارية
3\ موقع يحسب السعرات الحراريه الي حرقتيها اثناء النشاط الرياضي ..
السعرات الحراريه المستهلكة بالرياضه و النشاط
burn calories sport and activity
4\ وصفات قليله السعرات الحراريه
Low Calorie Recipes - MyRecipes.com
بقلم :كادي جزاها الله خير