نصائح زوجية

1. أخواتي في الله العزيزات


2. أخواتي


3. النصيحة2:


4. لا ثم لا للتدقيق حاولي تطنشين قد ماتقدرين خصوصا بالاشياء الاماتستاهل


5. النصيحه3 :


6. النصيحه4:


7. تدلعي على زوجك بس لا تثقلين عليه خليك خفيفة ظل


8. النصيحه8 :


9. النصيحة9 :


10. النصيحه12 :


11. النصيحة 13 :


12. النصيحه14:


13. لازم تعرفين كيف تكونين له الفاتنه و تكونين متجدده في كل لحظه


14. النصيحه17:


15. النصيحة 18 :

أخواتي في الله العزيزات

الحياه الزوجيه في بدايتها مثل السفينه تلاطمها الامواج القويه وتعصف بها الرياح يمينا ويسارا ولكن بعد فتره تبدا بالهدوء بس أهم شئ المرأة تكون ذكيه وتعرف كيف تكسب زوجها عليها رحمة الله من أعطتني مفاتيح السعاده الزوجية انا و بنات عمتي وأعمامي بصراحه كانت حياتي بركان دائم الثوران لكن بعد النصايح وطبقتها واستفدت عقبال الكل

أخواتي

أول نصيحة: كانت دايم تقولها لي يابنتي الصبر والهون ابرك مايكون بس لاني تزوجت صغيره وكنت وحيدة اهلي ماكنت اعرف وش القصد من هالكلام وصرت اسالها وش لون يعني قالتلي يوم تتهوشين انت واياه علميني بعد الهوشه على طول بس شرط مهما قال زوجك لاتفتحين فمك بكلمه حتى تتصلين علي وتعلميني واقولك شتسوين وفعلا جاء يوم الهوشه خصوصاواناهوشاتي معه مثل الوجبه السريعه غلى طول المهم سويت مثل ماقالت ولا رديت على صراخه والفاظه وعصبيته لاني احتريه يبعد شوي واروح ادق على جدتي وتصدقون شفت علامات الدهشه على وجهه كيف اني صابره غلى غير العاده على هجومه ويوم ابعد شوي دقيت على جدتي وحكيتها الموضوع ضحكت وقالتلي يعني صبرتي وراحت الهوشه بسلام ومارديتي عليه وزودتي المشكله وكل مره خليك كذا وفعلا مره بمره حتى صار زوجي اهداء مني ويجيني متندم بعد اي هوشه حتى لو كانت بسيطه وانا اتغلى عليه وكل نصيحه اطبقها واعيش حياة جديده معاها عسى جدتي بجنات النعيم واي وحده تبي تسال عن شي انا حاضره بالنصيحه بس ابغا دعوه

النصيحة2:

حذاري وقت الزعل تخرجين من بيتك او من غرفتك تراها لحظة غضب سرعان ماتزول وتندمين انك خرجتي وتنتظرينه يجي عشان يردك بس حتنتظرين طويل لانه بيقول زي ماطلعتي ارجعي وطلعتك من بيتك خليها السلاح الاي يخاف زوجك منه فلا تسوينها ويصير شي عادي عنده

لا ثم لا للتدقيق حاولي تطنشين قد ماتقدرين خصوصا بالاشياء الاماتستاهل

النصيحه3 :

اظهار الطاعه العمياء وبتكون طاعه عمياء له مغلفه باالطاعه لك يعني اذا حسستيه انك له مطيعه حتى في الشي الامخالف لرغبتك مع الوقت بيسير يطيعك وينعدي منك وبسهوله يطيعك فلو اظهرتي العناد بتلاقين خير من يعاند

النصيحه4:

احذرك من املاء الاوامر عليه اذا بغيتي منه طلب خليه بطريقة رجاء مؤدب وخلي له مساحه يحس ان له الحريه في الرفض او القبول وبيقبل على طول اما ان جيتيه باسلوب انت مجبور صدقيني بيثبت عليك رجولته ومايفكر فيك
النصيحه5 : تقبلي انتقاده لك بكل رحابة صدر وتضاهري بهذا حتى لو اغضبك وخير لك تعرفين الاشياء اللي ما يحبه فيك وتحاولين التصحيح خير لك من ان يرى فيك مايكره واساليه ان لم يتكلم واذا قال ليش قولي اخاف اني مقصره معك
النصيحه6 :
وهذه مني خلي لك يوم في الاسبوع يكون مميز بكل مافيه من اناقه في لبسك وفي المكان وتنسيق جميل وغيري كل فتره في غرفه من البيت
النصيحه7:

تدلعي على زوجك بس لا تثقلين عليه خليك خفيفة ظل

النصيحه8 :

الاحترام في الالفاظ والتصرفات مع الزوج ومراعاة دقائق الامور ومن الالفاظ الهمه عند نداء الزوج لزوجته فحين يناديها تجيبه بصوت يغلب صوته ها فانصحكي اخيتي باستبدالها ب سم ,ابشر,لبيه,هلا,وبكل نعومه ومن هذا تقبيل راسه ولامانع من يده خصوصا عند رجوعه من سفر او بعد صلاة العيدين فهذه كلها حركات تجبره على عشقك والشعور بانك مصدر احساسه بكيانه فلا تتكبري على هذا فزوجك هو جنتك ونارك

النصيحة9 :

دائما حبيبتي حسسيه انه هو مصدر سعادتك وانك ماتجدين هاالسعاده الامعاه مثلا كنت في مكان ما مع اهلك تمشيه او زياره تليفون بسيط قوليله كلهم مبسوطين الا انا وبيسالك ليش تجاوبينه والله الوناسه ما احسها الاوانت موجود انت سر السعاده الله يخليك لي وصدقيني راح تشوفين وقع هاالكلمتين وتدعين لي
النصيحه 10:
اسمعيه كلمات الاعجاب بعد نظرات عميقه بكلمات مختصره بس معبره
النصيحه11 :
دائما سوي رسايل قصيره لعقله الباطن وهذا انك ترمين كلمات صغيره عن اي شي تبينه يسويه ان كانت فكره او تصرف ومع الوقت بتلقينه هو ينفذها عن قناعه بس اهم شي الصبر يااختي هو الابخليك عروس دائمه

النصيحه12 :

انصحيه دائما في بر والديه حتى ولو كانوا اسوا الناس معك واعينيه على برهم تدرين ليش والله والله وبالله ان تعاملتي مع الله بهذا الموضوع بالذات وهذا شي جربته ان يرمي الله حبك في قلبه وانا زوجي كان اقدر اقول انه مقصر وانا يوم تزوجته اعرف اش يعني البر وانصحه كثير وبشكل دائم ببرهم حتى رمى الله محبتي في نفسه ولله الحمد

النصيحة 13 :

هذي ركزي عليها شوي عوديه تدلعينه مثل طفلك ولبي طلباته بنفسك اولا باول يعني دللي فيه قد ماتقدرين حتى ماعاد يقدر تبعدين عنه ويوم ماتحسين انك وصلت لهدفك بتصيرزمام الامور كلها بايدك ومايقدر على زعلك مو فراقك نقطه مهمه يابنات

النصيحه14:

عوديه على المرح في وجهك دخلي عليه الفرح وعلى هذا اكد الرسول صلى الله عليه وسلم يوم قال ان تلقى اخيك بوجه طلق واهم لحظه لحظة دخوله للبيت على طول ابتسامه وهلا بنور البيت وفوقها بوسه ولحظة دخوله النوم بوسه صامته معبره مع الله يحفظك واهم شي الاستمرار خصوصا الامو متعودين على كذا مع الوقت لو حصل اي زعل او خلاف وتغيرت ملامح وجهك راح يدري ان في خاطرك شي وسيده راح يحاول يرجع البسمه الاتعود عليها
النصيحه15 :
والا المفروض انها الاولى بس ماحتتمكنين منها تمام حتى تتمكنين من قلبه وهي اربطيه بالله ودايما ذكريه ان الله عليه هو الرقيب واكثري الدعاء والنصيحه الرابعه غشر خليكي مع الله في حالة اتصال
النصيحه 16:

لازم تعرفين كيف تكونين له الفاتنه و تكونين متجدده في كل لحظه

النصيحه17:

الخوف عليه بجنون وانك تخافين عليه اكثر من نفسك ومن اولادك وهذا بحركات حلوه وهاديه لان عقل الرجل يقفل في الضجه فلو يوم تاخر اتصال هادي وصوتك ملهوف وقلق اش فيك تاخرت قلقت عليك واذا قالك طيب قولي اه ان شاء الله دوم والله مادريت اني اخاف عليك كذا ولو كان من النوع الا يعصب اذا اتصلتي عليه لان زوجي كان يعصب اذا اتصلت عليه وقلت له وش فيك تاخرت لانه كان يعتبر سؤالي هذا من باب التحكم في تاخره خارج البيت لانه كان من محبي السمرات بس شوي شوي دخلت في عقله انه من باب الخوف ليس الا

النصيحة 18 :

والمهمه المدح امتدحيه امدحي تصرفاته وامدحيه امام الناس وبدون علمه عشان الناس راح يوصلون له الكلام ان عاجلا او اجلاواذاسمع بيحاول يطبق هاالشئ اذاكان مو فيهو افتخري فيه امامه انازوجة فلان الناس يحسدوني عليك وراح تشوفين هذا الاسلوب قد ايش مهم ومن موافق الافتخار رحت احد حفلات الزواج واعجبهم فستاني وتسريحتي ومن رجعت قلت له اعجبتهم طبعا لاني زوجتك مو حيا الله وبكذا ضربت عصفورين بحجر حسسته اني افتخر فيه وبطريق غير مباشر علمت منقول
أرجوكم الدعاء لي بالزوج الصالح
نصائح اعجبتني و حبيت الكل يستفيد منها جزى الله خيرا كاتبهاا و انا نقلتها لكم كماا قرأتها
لكن مني أرق تحية