نصيحة لعرايس جدة

أنا قلت لكم عن الكوافير ( لينا ) اللي في مركز ريما
نصيحة من قلبي ..
قسماً بالله كرهتني في نفسي ...
أسلوب مقرف .. وروح في منتهى العفاشة
أنا فكرتها لبنانية واستغربت أسلوبها.. إلا طلعت سورية
ومال السوريات ومال المكياج
حاولت فيها تعدل لي أشياء ورفضت تماماً
وطلبت منها أشياء ورفضت
هذا غير إنها طول الوقت يا توقف عشان تتكلم مع زميلاتها
وتمدح نفسها معاهم إنها الأحلى والأشيك و
يا توقف مع الموظفة في الكوفي وتكلمها عن الاسبريسو والكابتشينو
يعني مافي احترام للزباين
وسواء إنتِ عروس ولاغيره ... ما تفرق
والله نفسيتي تعبت وانكسرت نفسي ورحت الفندق وأنا قمة في الكآبة
حتى الكل استغرب إن مكياجي بهذا الشكل
والرموش حطوها بشكل مرعب
حتى لما طاحت في الفندق .. قالت المصورة أفضل لأنها مرة كبيرة
وقعدت بعدها أعدل في مكياج العين
والمصورات الله يسعدهم حنوا عليا وقعدوا يهدوني وأنا الله العالم في حالي
الله لا يحطكم في الموقف اللي حصل لي
الله يرضى عليكم
أبداً لا تروحوا مكان ما عملتوا فيه بروفا
لأن لينا قالت أنا ما أعمل بروفا
وانا اعتمدت على كلام اللي مدحوها الله يسامحهم
الله ييسر لكم يارب