نصيحة لكل عروسة محتويات الشنطة في شهر العسل

صباح الخير ياحلوين
طبعا انا قبل سنة كنت حايسة مثلكم وماخليت ولاتركت موضوع ولامنتدى الاونبشت فيه لحد ماطلعت بهذي النتيجة المرضية
وانا راح اكتبلكم بعض الاشياء اللي تحتاجوها في بداية حياتكم
وماأبغى منكم الا دعوة ان الله يسهل علي ولادتي ويقومني بالسلامة انا والنونو وافرح بشوفته يارب
طبعا اللي عندها اضافات تحطها عشان الباقين يستفيدوا
اذا جهزتي اغراضك وودوها اهلك لعش الزوجية
انتي خلي عندك شنطة صغيرة انا عن نفسي كان الطقم حق الشنط معاه شنطتين صغار اخذت وحدة منهم وحطيت فيها اغراضي اللي نفعتني ومن يومها مااستغنى عنها
تحطي في الشنطة الغسول اللي راح تستخدميه وانا انصح بغسول سيباميد يعني انا جربته وجربت كير فري ناسبني سيباميد اكثر
وفوط للأستخدام اليومي من كير فري طبعا خذي اللي بالقطن
خلي معاك عدد من الامواس للأحتياط "انا كنت عاملة ليزر فما احتجت الموس كثير"
بودرة للجسم سواء بودرة اطفال او اي وحدة انتي مرتاحة عليها
وبودرة بلمعة ونكهة "هذي ضرورية"
اختها من نكتار
سبراي للجسم وكريم "انا اخذت وايت مسك من بودي شوب"
لابيلو
مسك سائل من القرشي
مزيل عرق
زيت جونسون "اختياري اذا حابة ترطبي جسمك"
قطن من الصيدلية "اللي يكون دوائر"
تونيك وميلك للوجه "انصح بنيفيا"
مقشر للوجه
اعواد اذن وخيط للأسنان وفرشاة ومعجون وغسول للفم
هذي لازم تاخذيها معاك كل مكان تروحيه وماتستغني عنها ابدا
ان شاء الله ماأكون نسيت شي
طبعا بعد اللفلفة طول اليوم وترجعوا للفندق ادخلي خذي شور ومعاك الشنطة وبعدي في نفسك انتي وذوقك
الله يوفقكم
بنات اللي بتسافر مكان حار زي ماليزيا لاتحط كريم في جسمها قبل الخروج الا اذا كان بدون ريحة
لان الكريمات لما تحطيها على جسمك وتطلعي وتتعرضي للحر يختلط العرق مع الكريم ويجيب ريحة مو حلوة
خلي الكريم قبل النوم ولما ترجعوا من السفر وتكوني في البيت استخدمي الكريم
وسلامتكم
دعواتكم يابنات ربي يسهل ولادتي