نصيحه ما تتفوت للمقبلات على الزواج أو لسه عروس لا تبخلو عليا بالرد

لاتحسبين العرس توفي وكتكات
ولا تحسبينه توكس وإلا بونتي..
ولا تحسبين العرس كيكه وطرطات
وصله قطعتيها ووصله بلعتي..
ولاتحسبين العرس تصفيق وأصوات
وأنتي على صوت الغطاريف همتي..
ولاتحسبين العرس كوشه ولمبات
وأنتي كما الطاووس فيها جلستي..
ولاتحسبين العرس أحلام في الشات
ياما بنيتيها وياما هدمتي..
ولا تحسبين العرس روحه وجيات
هيا اقضبي بيتك عسى مانهبلتي..
ليله سعيده وأنتي أحلى الجميلات
تشخص عيون الناس إذا حضرتي..
(واللاينر) حطيه بلا زيادات
لا يخرب المكياج إذا دمعتي..
(والمسكره) تحتاج لطف ومدارات
حتى يبان أزين إذا غمضتي..
(والاسبريه ) رشيه حتى البصيلات
يمسك شعرك زين ولو كان زدتي..
وترى(المحدد) فن يحتاج رسمات
يبان رسمه زين إذا ابتسمتي..
العرس يابنت ماهو شعارات
تفنى مراسيمه وتبقين أنتي..
ويبقى شريك العمر راعي الطويلات
هذا هو العرس الحقيقي عرفتي..
أول نصيحه لك حفظ الصلوات
صلي العشا والفجر في كل وقتي..
وفي ليلة العرس الموفق وبالذات
ادعي الكريم الله إذا سجدتي..
والتعري لاترضين عند الكوفيرات
ولبسك يملي العين إذا لبستي..
واللي على زوجك تحرضك مرات
أرجوك شوتيها شوتت بلنتي..
والصبر في العشره حتى على فتات
ياماحلا فعلتك يومك صبرتي..
وإذا حفظت السر مع المدارات
زوجك ترى في عيونه أنتي كبرتي..
والسوق يعني هاه وقت الضرورات
وإلاترى زوجك يدور لمفتي..
زيدي الغطايه وكثري في العبايات
والله يرضى عنك إذا سترتي..
أوصيك بالكبسه وكثر اليدامات
حتى لوانك من سببها متنتي..
وخلي الرجيم اللي فشلتي فيه مرات
سويه مرةً واحدة لا ولدتي..
أوراق شاعر يرسل أزكى التحيات
خصيه بالدعوة إذا دعوتي..
منقول