نفذي المكتوب وانشالله ماتقولين انا طفشت منه

..
.
.
.
.
.
وصف ات مجربه
.
.
السلام عليكم ورحمه الله وبركاته
وش لونكم حبيباتي انشالله مناح اليوم جايه وجايبه لكم وصفات تدوخ اللي مايدوخ اتمنى انها تعجبكم
للازواج فقط
هاذي افكار تستعملينها مع زوجك وتشوفين النتيجه يشيلك على راسه.....
فكره حلوه بعد الغداء دلكي رجليه بكريم وسويله مساج ترا الرياجيل يموتون على المساج
فبل مايرجع من دوامه بخري دولاب الملابس حقه وتشوفين ان ماقال الله يخليها لي ولا يحرمني منها
اذا كان بعلك من اللي يحبون الكمبيوتر كثير افتحي شاشه التوقف واكتبي اي شعر غزلي او اي شي تحبين
خليك دايم معه اذا نام حتى لو مافيك نوم وتعودي انك تغطينه وتقولين له تصبح على خير وعلى وجهي المشرق ههه
اذا زوجك عنده عمل استغلي الفرصه واخذي جواله وغيري اسمك واكتبي
(يابعدهم كلهم_وراك وراك_الجوال يبي ينفجر رد بسرعه_او اي شي تحبين )واذا قراه بيتفاجا واكيد بيضحك
اذا بتروحين لاهلك وبتنامين عندهم عطري غرفه النوم بعطرك المفضل واذا رجع راح يشمه ويتذكرك
اجعلي اخر كلامك معه (((اشوفك على خير ياعمري )))فلها اثر كبير في قلبه وحتى لو مايقولها
وصفه 1000 حبه لعلاج المشاكل الزوجيه $سبحان الله والحمد لله ولا إله الا الله والله اكبر$
استقبليه اذا جاب طلبات للبيت بكلمات حلوه (يعطيك العافيه .عساك على القوه .ماقصرت ياقلبي.انا مااعرف من غيرك وشلون اعيش )ومن هالكلام تراه يموت حتى لومابانت عليه وتلقينه كل يوم ينط ويجيب للبيت عشان تمدحينه
امسحي المخده اللي ينام عليها بدهن عود عشان ماينام الا على ريحه حلوه مثل ريحتك
اخذي رايه في اي شي قدام اهله هاذا الشي يرضي غرور الرجال وينبسط بعد اسئلي مجرب
احرصي على الاجتماع معه على قيام الليل ولو بركعتين فبهاذي تجي السعاده في البيت
اذا رجالك عنده بكره دوام في الليل اكتبي على المرايه اللي كل يوم يتميلح عليها (اول مره اشوف قمر يطالع نفسه بالمرايه سبحان الله .او صباح الخير ياقمر )واطبعي بوسه بالروج على المرايه
والله تلقينه بيتشقق من الوناسه
العبي مع زوجك اي لعبه من العاب الصغار غميمه او باصره او كيرم والله ينبسط وماوده يفارقك
اذا تبين منه طلب خلي كلام الحب يسبق كلامك مثل (الله يخليك لي ابي ..........._فديتك ياروح روحي ......._)ومن هالكلام
عوديه يوم الاجازه اول مايقوم من القيلوله الحلا جاهزحتى اذا بعدين زعلتي منه يتضايق يؤؤؤؤؤؤؤؤؤؤؤؤ مافيه حلا والله لايجيب الزعل
حطي المنبه في جواله وهو مداوم وخلي رساله التنبيه تقول.. الحب الذي في قلبي حلق اليك مسافرا فشعر به جوالك فهل تشعر به انت************والله مره حلوه جربوها
اذا كتبتي طلبات البيت اكتبيها وانتي تتغزلين ولا تضحكين مثل جب معك بيذنجان مثل لون شعرك ولا فراوله مثل شفايفك وانتي وذوقك
اذ دخل زوجك البت لانتنشغلين عنه بالتلفون والقرقه اجلسي معه وشوفي وش يبي
كثري من الدعاء وقت الصلاه (اللهم استر عنه عيوبي واستر عني عيوبه واضهر له محاسني وارضني بما رزقتني وبارك لي فيه )
اطلبي اغراض البيت بطريقه رومنسيه مثل ترسمين اغراض البيت بالكمبيوتر على شكل قلوب وكل قلب فيه طلب والله يستغرب وتعجبه
اذا زعل منك زوجك سلمي على راسه وقولي ادري انك زعلان مني بس ماتكرهني خذ مني هاذي البوسه هاذي بوسه حب مو بوسه رضى وتلاقيه رضى على طول
اكتبي له شيك بعدد.......تحددين فيه بوسات وتطلبين منه انه يصرفها
امسكي يده وداعبي شعره هاذي الحركات مع انها صغيره بس تبني اشياء كبيره
اذا دخل عليك المطبخ وانتي تقطعين سلطه امسكي قطعه من الخيار بطرف فمك وخليه ياكل الجزء الثاني تلاقيه يضحك وفرحان والله الرياجيل زي البزران يبيلهم شويه حنان ودلع
واله
يابنات عندي كلام كثير بس ماودي اطول عليكم واوعدكم انشالله لي رجعه
واتمنى من كل قلبي ان الموضوع عجبكم وكل وحده تدخل تقول النقطه اللي عجبتها بليز
وياويلها اللي تقرا وماتنفذ نفذوها وادعوا لي بالذريه الصالحه ...امين ...