نفسي ومنى عيني اتعلم انجليزي واصير بلبل

ليه بس كذا ولا رد
مافي تفاعل ولا عشان تعرفون انجليزي خلاص شفتو نفسكم علي والله اني مسكينه ابي اتعلم يا ناس

شوفي يالغلا
كلنا ودنا نرطن انجليزي
ومو انجليزي وبس الا كل لغات العالم < طموح غير واقعي
بس لمن نجلس ونطالع الناس ونقول يابختهم وننقهر ماراح نستفيد
وبرضو لو بتنتظرين البنات انهم يدرسون معك ماراح تستفيدين قد ما انتي تبدين من نفسك لنفسك
وحلو ان زوجك معه لغة < ياليت زوجي كذا
بقولك ع حل .. بس لمن تستمرين عليه وربي وربي في فترة قصيرة راح تبدعين بالانجليزي
الحل ..
تابعي افلام بانجليزي مترجمة ...
مابي اكسب اثمك بالافلام لكن شوفي افلام والت دزني .. مثل حياة حشرة ومولان وحكايات لعبة وغيرها
اختاري واحد تحبينه .. شوفي الفلم وافهمي القصة
ثم عيدي الفلم مرة ثانية واكتبي اي كلمة تمر عليك في دفتر عندك
ثم جيبي لاصق وحطيه ع الشاشة من تحت ولو تجيبي نسخة ثانية من الفلم غير مترجمة احلا واحلا
ثم تابعي الفلم وركزي ع الترجمة ..
وحاولي ترددين معهم ..
هنا في الفلم الواحد تعتبرين خلصتي نص اللغة
شلون لو تكررينها
مثلا ترسمين لك جدول كل اسبوع تسوين في فلم معين
ومن ناحية المحادثة .. ادخلي مواقع بريطانية وتحدثي مع اي احد ...
او اذا رحتي مستشفى او رحتي مشغل ..
انا تعودت في المشاغل مع الفلبينيات انجليزي مع ان انجليزتي مكسرة بس عادي احاول ماتفشل بالعكس افرح اني اغلطت عشان اعلم نفسي بنفسي
وعندك اقرب حل زوجك ... في البيت لا تتحدثون الاانجليزي ..
الحين انا وزوجي فيه بعض الجمل قررنا مانتكلم فيها الا انجليزي
مثل
blease bring to me some water
مثل بعد اذا بغا ينزل للسوبرماركت وانا بالسيارة .. عاد زوجي ينام بالسوبر ماركت وانا ملوله مررة
اقوله
blease don't be late
خلاص تعودنا نستخدم هذي الجملة
وغيرها جمل ,, بس مشكلتنا ما نستمر ونبحث عن كلمات وجمل ثانية
اللغة الانجليزيه سهله بس لو نتحرك خلاص ..
وعندي لك فكرة ثانية بس ترا لاحد يشوفك اخاف يقولون عنك مجنونه خ
اوقفي قدام المراية وهرجي نفسك مثل الاطفال الصغار لاشافو نفسهم بالمراية يسولفون ع انفسهم
انتي سولفي ع نفسك كأنك تتكلمين مع بنت ثانية اوصفي اللي تشوفين بالمراية .. علقي ع لبسها .. وهكذا
ان شاءالله ردي يفيدك

نسيت اقولك
حملي محادثات في جوالك وقبل تنامين استمعي لها او وقت الفراغ او وقت غسيل المواعين
وكرريها كرريها لحد مايتعود سمعك ع اللغة الانجليزيه

يالبى قلبك يا حرم فهد باشا من جد ذوق الله يسخر لك فهيد ويبارك لك فيه
ان شاء الله بحاول بس حتى ذا الافلام قامو يترجمونها كويتي و سوري بس ان شاءالله بتعلم يعني بتعلم بالقوة والغصب بالين بتعلم

الاخت حرم فهد باشا ما قصرت نصايحها ممتازة
الانجليزي يبغال له اجتهاد مو اتكال
يعني لا تنتظرين احد يجي يعلمك او يشرح لك
نصيحة تابعي مقاطعي الي انزلها في الموقع
انا اختار مقاطع تفيد المتعلمين للغة الانجليزية و اترجمها
جيبي معك و رقة و دفتر و اكتبي اي كلمة او جملة تسمعينها
لو حبيتي تتأكدين من الاملاء او من صحة الجملة ارسليها لي على الخاص و اصححها لك

انا اول كنت دايم اتابع برنامج افتح ياسمسم كان الانقليزي في القناة الثانيه بس الحين شكله ماعاد فيه
بس تابعي القناه الثانيه واقري قصص قصيره مصوره او مسموعه انا القصص فادتني كثير
والله يوفقك ان شاء الله

جزاكم الله خير
بنات انا الي طلبته كل وحده تعلمني كلمه كلمتين على الطاير

لي عوده
موضوعك مره بطل
لاني زي حالتك <<خ

اوك يا ام جوري الله يحيك
وانا منتضره اي وحده تجي تعلمني كلمه على الطاير افتكرها كذا وارددها الين احفظها