نفسيتي تعبانه

السلام عليكم ورحمة الله وبركاته
اسال الله الكريم ان يرزقنا بالحمل السليم الثابت يارب العالمين بهذا الشهر الفضيل
خواتي انا اليوم كنت معزومة في بيت اهل زوجي على الفطور وسلفتي (زوجة اخو زوجي الوسطى ) تغار مني وبصراحة انسانه غيورة وحسودة وتحب تفتن
وانا ولله الحمد علاقتي باهل زوجي حلوة مرة وهي تبي تخربها عشاان تطلع هي الاولى والطيبة
تحاول تاخذ كلام مني عشاان تقوول لهم وتسوي مشااكل بيني وبينهم عشان يكرهوني بس الحمدلله
ما عطيتها مجال ابد
المهم وهي جالسة جنبي تسالني تقوول هاه في شئ يعني في حمل
قلت لا للحين المهم سكتت وانا اصلا مزكمة اليوم وراسي يوجعني يعني تعباانه مره
ومن اول ما دخلت وانا اقولهم ترى انا تعبانه انتبهو لا اعدي احد فيكم
صرت اسولف مع سلفتي الثانيه (زوجة اخو زوجي الكبير) اقولها احس بدوخه واحس نفسي ابستفرغ نفسي لايعه
شوى اللى سلفتي اللى تغار مني تضم ولدها وتبعد عني وتقوول بصوت عالي :يع
سكت وطنشتها وكملت كلامي مع سلفتي
المهم والحركة الثانيه : صورت ولدها بالجوال هو وبنت اخت زوجي وهي يعضون بعض ووريتهم الصورة وقعدو يضحكون ..
يوم رحت المطبخ انا وخوات زوجي راحت سلفتي تفتح جوالها وتقعد توري خوات زوجي الصور وانا بينهم حاقرتني
ما توريني يعني ولا كني موجودة حسيت يا بنات بالاحراج وسويت الوضع ولا كنه همني ,,
بس قهرتني تحاول تستفزني بتصرفاتها يو خافت على ولدها مني عشاان ما عندي عياال وخافت لا اعديه طيب انتي تدرين اني مريضة وشلوله هالحركة ؟
بنات تكفوون دعواتكم لي بالحمل بالولد الصالح يارب العالمين
نفسيتي زفت بسببها والله رجعت البيت وانا ضايق صدري
ودي اصلي وادعي ربي لكن فيني الدورة
ادعو لي يمكن توافق ساعه اجابه يارب يا كريم
اختكم وصيفة خير