نقاط مهمه ل فترة جهازك من مانجو قيرل

هاي يا فراشات شخباركم ؟؟
طبعا انا تزوجت من فتره بسيطه و عشان المعاناه اللي شفتها بالتجهيز .. حبيت اكتب نصائح او اشياء تعلمتها بفترة الجهاز وممكن تفيدكم :
1-
اولاً لازم يكون عندك دفتر صغير note و قلم بشنطتك دائما .. تكتبين فيه كل شي .. الاشياء اللي بقتلك وتبين تشترينها و النواقص و الحسابات .. الخ .. ومهم بعد تطبعينلك كلندر لشهر واحد و تحددين عليه الامور اللي راح تسويها
2-
لا تكثرين في جهازك بس اهم شي تركزين على التنويع في كل شي .. يعني كم شنطه جديده وكم ساعه جديده و الخ .. ما تقتصرين على شي معين
3-
الفستان يعتمد عليك .. في ناس يفضلون الايجار .. وفي ناس تحب الجاهز مع انو مافي جاهز حلو .. و في ناس تحب انها تفصل من نفسها .. انا سويت خياط و الحمدالله توفقت فيه و على فكره انا عارضته للإيجار اللي مهتمه ترسلي على الخاص
4-
بالنسبه للمكياج والله الشي الناعم احلى شي يعني حاولو انكم تسون شي هاديء وناعم وفخم بنفس الوقت ماله داعي المهرجانات اللي تصير بالوجه نفس الشي الشعر .. يعني حلو انه يكون طوق ناعم وبارز بنفس الوقت .. بس مو حلو الاشياء البارزه بزياده والله تشوه حتى منظر العروسه يعني احيانا المبالغه مو حلوه و اختاري الشي اليل يناسبك
5-
لا تتعبين نفسك على الصندل .. لأنه ماراح يبين .. اهم شي يكون ابيض او اوف وايت و يكون ارتفاعه نفس اللي تبين .. و انا لاحظت الصنادل هذي ما تلقينها الا بالاسواق العاديه سوق الدمام او صحارى مول بالرياض ججهة الصنادل
6-
الاكسسوار تعبني واجد صراحه بالموت لقيت شي حلو ! .. بس في بمارينا مول الدمام محل او محلين عنتدهم شغلات حلوه الظاهر اسمه شموع او شي زي كذا
7-
الزفه .. شي مهم في ليلة عرسك .. يعني لا تقولين باخذ من طرب و بوديها محل سيديات يضبطونها او يعني تسوين اي شي .. لا .. لازم تفكرين فيها عدل او تختارين شي تحسينه لما ينحط الكل راح يسكت .. انا صراحه ما احب الموسيقى .. احب انه الزفه تكون اغنيه و كلام .. في محل حق زفات اكثر من روعه اسمه أجمل زفه في حي العدامه بالدمام .. عنده زفات جديده و حلوه واسعاره معقووله و معاملته سلسه و ممتازه جدا ً .. سويت زفتي عنده طلعت شي مو طبيعي .. صوت ووضوح وكل شي .. .. اللي حابه اعطيها الرقم ترسلي على الخاص
8-
بالنسبه للمشتريات و الملابس لا تكثرون ملابس داخليه اشتري كم قطعه قميص نوم و اشياء خفيفه وبعدين شوفي وضعك و ايش الاشياء اللي تحسين انك استهلكتيها و حبيتيها و راقت لزوجك
9-
اشتري اشياء الدلع من شموع و علاقات و ورد مجفف .. لا تنسيناه و بعد فريمات .. ممكن تحطون بطاقة العرس حقتكم في فريم و تحطونها بالصاله او تعلقونها .. هذي الفكره مره خطيره .. بس مابعد اشتري الفريم حق البطاقه حقت عرسي =)
10-
بنات الرياض في عالم ساكو عند مخرج 5 بعد الزواج روحوه عنده شغلا للشقه تجن سلال و الاواني حقته رهيبه و نوعيه ممتازه و اشكاله كوول .. انا مره حبيته
11-
بنات الاحساء .. انصحكم في استديو ليان للتصوير .. صور رايقه و معامله حلوه و مريحه .. و انصحكم ما تفكرون تروحون اورانوس .. ترى الكل يذم فيه .. و يقول صوره مره مو حلوه .. و انا بعد خسرت ألف ريال عندهم والسبه عدم المبالاه اللي عندهم .. قبل الزواج بليله يوم اكلمهم على الموعد قالولي انو التصوير للعروسه بس مدتها 3 ساعات !! وانه كل ساعه تزيد مية ريال على الفديو و مية ريال على العادي ! تخيلو يعني .. واللي يقهر انها قالتلي انه حتى لو جات المصوره الساعه 10 و انا ما انزفيت الا الساعه 11 تنحسب الساعه ! يعني قمة النصب صراحه .. و يوم قلت لها انتي ما قلتيلي هالشي وقت الحجز .. انكرت ! .. و الى هالحظه الألف عندها ! مارضت ترجع العربون لي ! .. يعني تعامل بايخ و نصابين و شغل فاشل .. انصحكم ب ليان .. مره روعه و رحمه من ربي انهم كانو فاضين يومها
12-
مشغل الفراشه مره رايق تسريحاتهم جنان و مكياجهم مره خطير خصوصا اذا شرحتيلها شنو تبين بالضبط و جلسيت معاها حبه حبه .. تسويلك الشي اللي على مززاجك .. فاطمه السعيد مكياجها رايق الباقين ما جربتهم .. وما انصحكم في مشغل منتهى الجمال بالمره يمكن مكياجهم يمشي الحال بس معاملتهم سيئه ومو مريحه !
13-
بنات لازم تسون لسته للأِشياء الفاينل .. يعني اللي لازم تسوينها بس بالاخير من تأكيد حجوزات و اشياء زي كذا
ان شاء الله لي رجعه مع نصايح ثانيه و امور راح تفيدكم كثير بالجهاز و تقلل الضغط اللي انتو فيه =)