هبال بنات ورجة شباب روايتي الأولى

بسم الله الرحمن الرحيم
السلام عليكم ورحمة الله وبركاته
هذي روايتنا الأولى لي انا ~همسة غلا~ و احساس هادئ و ~شموخ انسانه~ وان شاء الله تعجبكم
ملاحظه:_(الروايه عطوني اياها 3 بنات من أقاربي اللي اكتبوها وخلوني أنزلها هنا وأتمنى يصير فيه تفاعل وطبعا متابعين الموضوع ومتحمسين لردودكم )
نبدا بالتعريف عن الشخصيات:
عائلة ابو تركي
ابوتركي:محمد عنده 4شركات ويشتغل فيهم
وزوجته هدى(ام تركي) كانت تشتغل مديره بعدين استقالت يوم جابت ليان و عندهم 3 عيال وبنت وحده
تركي:25 سنه طويل مملوح شعره ناعم اسود وكثيف لون عيونه عسليه خشمه سيف لون بشرته اسمر بس مو مره يعني سماره حلو متخرج ويشتغل مهندس
ريان:22سنه مملوح وفيه شبه كبير من تركي اخوه لكن الفرق ان عيونه لونه اسود و لون بشرته اقل سمار ويدرس
عزام:18سنه ب3ثانوي داج بمعنى الكلمه الدراسه يمين وهو يسار ويحب يستهبل على اخته ليان ويرفع ضغطها حليو مو زين ولا شين بس اقرب يعني للزين
ليان:17سنه ب2ثانوي فيها دلع بس مو دلع ماصخ دلعها لايق عليها حلوه عيونها رماديه كبار--تذبح يعني خ-- بيضاء شعرها الى نص ظهرها خشمها سيف مملوحة العايله
ودلوعة امهاوابوها لانها البنت الوحيده.

• - - - - - - - - - - - - - - - - - - - - - - -

عائلة ابو فيصل
ابو فيصل:بندر تاجر وعنده 3 محلات ذهب والماس
ام فيصل:نوره ماتشتغل عندها ولد واحد
فيصل:25سنه صديق وولد خالة تركي وطلال الروح بالروح واسرار تركي وطلال عنده كله وهو نفس الشي ماعنده اخوان ولا اخوات وامه وابوه مايردون له طلب مواصفاته طويل نحيف مو مره
يعني بشرته لونها حنطي شعره ناعم طويل شوي ولونه اسود وكثير وخشمه سيف ولون عيونه بني يدرس برى مع طلال ادارة اعمال

• - - - - - - - - - - - - - - - - - -

عائلة ابو طلال
ابو طلال:عبدالله يشتغل مدير بشركه كبيره
ام طلال:هند تشتغل بمدرسة...... بالاداره وعنده ولد و4بنات
عهود:26 سنه متزوجه من ولد خاله وحامل بالشهر السادس
طلال:24سنه طويل شعره اسود مرره جسمه معضل شوي لون عيونه اسود لون بشرته اسمر بس مو مره يعني بالوسط وهو الوحيد من العيال عنده غمازات ويدرس برى مع فيصل ادارة اعمال
جوري :18سنه توأم جودي عربجيه تحب تستهبل على العيال وعلى جودي عيونه لونه عسليه طبق الاصل من جودي مااحد يفرق بينهم الا بلون عيونهم وتصرفاتهم وطريقة لبسهم وكلهم مملوحات ب3ثانوي
جودي:18سنه توأم جوري نعوومه وحسااسه وتصدق كل شي ينقال لها ودايم جوري تنصب عليه لون عيونه بني ب3 ثانوي
ندى:16سنه ب1ثانوي اكثر وحده مجنونه وتستهبل وهي الي تخطط للبنات حلوه مرره وبيضاء شعره بني فاتح الى خصره عيونه رماديه وهي ا الوحيده من البنات الي عندها غمازات

• - - - - - - - - - - - - - - - - - - -

عائلة ابو سعود
ابو سعود:عبد الرحمن عنده شركتين ومحل ذهب
ام سعود:اسماء ماتشتغل وعندها ولد وبنت
سعود:27سنه متزوج عهود ويشتغل بشركة من شركات ابوه
رهف:20سنه تدرس بالجامعه حاسب حبوبه وطيوبه ودايما تواسي البنات

• - - - - - - - - - - - - - - - - - - -

ملاحظه: ام طلال + ام تركي + ام فيصل + ابو سعود اخوان اما زوجة ابو سعود فهي من برى العايله ورجال ام طلال +ام تركي+ام فيصل من برى العايله بعد.

• - - - - - - - - - - - - - - - - - - -

الباب الاول
في بيت ابو سعود البنات مجتمعين كلهم نايمين من امس
في غرفة رهف البنات نايمين
رهف توها صاحيه :ياربي الساعه كم -وتشوف ساعة الجوال-اوف الساعه 4العصر وهذولا للحين نايمين هي انتم قومو<<<بصراخ
جوري:وجع نبي ننام ياغبيه
رهف:اقول قوومي بس وساعديني بتقويمهم
جوري ترمي عليها المخده :اقول اوص لا اصيحك هنا <<<بعرابجه خ
رهف:وجع يا غبيه -وترمي عليها مخده بس جت على جودي-
جودي:وجع من الحماره الي رمت المخده هاه<<<<بصراخ
رهف:معلييش ماكان قصدي اسفه بس بما انك قمت يالله حبيبتي ساعديني بتقويمهم
جودي بعناد:لا عشان مره ثانيه تصحيني زين
رهف:اجل احسن يوم ضربتك المخده
جودي:لا والله
ندى:عمى بلا عمى ليش تصارخون هاه
ليان:وجع ندى ياغبيه ليش تصارخين
ندى:من هذولي على كيفهم يصارخون الاغبياء
ليان: وانتم يا همج ليش تصارخون
رهف رمت على ليان المخده:لييش تقولين همج هاه
ليان:وجع مالك دخل كيفي
جوري رمت على ليان ورهف المخده:يالله خلاص حبايبي حليت الموضوع مخده عليك ومخده عليها
ليان ورهف:اي وجع ياعربجيه بشويش<<بصراخ
جودي:حدكم هذي اختي وتوأمي
ندى:الله والتوأم عاد
جوري:لاوالله
ندى:ايه والله
جوري:طيب انا اوريك
وتبدا معركه بالمخدات وصراخ وهبال
ودخلت ام سعود من الصراخ بس طبعا البنات ما انتبهوا ورمت عليها رهف مخده
ام سعود:اي وجع رهفوه خير إن شاء الله انا امك
رهف:اسفه يمه والله ماانتبهت عليك
جوري:نصابه انتبهتي حتى انا شفتك ترمين المخده من قصد<<<<تبي تنتقم لانها قومتهم
رهف بقلبها اوريك ياحماره اناراميه المخده من قصد هااه بس خلي امي تطلع وانا اوريك
ام سعود:المهم يالله روحوا غسلوا وجيهكم وصلوا والبسوا عشان العزيمه
ويوم طلعت ام سعود....
تتوقعون وش راح تسوي رهف بجوري؟؟
ووش راح يصير بالعزيمه؟؟؟
واذا اعجبكم البارت الاول نزلنا البارت الثاني