هدية لزوجي من صنع يدي

طُهر

16-10-2022 - 10:41 pm

بسم الله الرحمن الرحيم
السلام عليكم ورحمة الله وبركاته
جت في بالي فكرة .. أسوي هدية .. وما كلفتني بنوب بنوب .. كل الأمور من البيت
عندي قطعة صفراء ساتان .. حصلتها من ساعة ملفوفة بالساتان من شركة المناعي كانت موجودة عندي عاطينا إياها هدية .. فقلت ليش ما أستغل هالقطعة وخشيتها .. واليوم جا دورها
ومرة كنت رايحة الأنوار .. وشريت شرايط حلوة .. بربيتين .. وخشيتهم واليوم جا دورهم
فقمت .. وقصيت على طول الأربع الأضلاع .. ولصقتهم بالسبر قلوو

التعليقات (5)

طُهر

17-10-2022 - 01:09 am

وخذيت ورقة A4 وكتبت عليها كلام حلو .. وقمت وخيطته بشكل دقيق .. بلون يناسب
وبعدها .. صار ورى تطلع الخيوط وشلون مكركبة .. ومو حلو .. فقمت أفكر شسوي شسوي .. جا في بالي وخذيت قطعة حمراء اللون وقصيته بحجم بحيث إن يغطي الكلام والشربكة
ولصقتها بالسبر قلوو .. بس في النهاية خلص وأني كنت مستعجلة فلصقت البقية بالصمغ
عاد بعدين .. رحت الخياط وقلت له ابي نتفة (طبعاً بدون بيزات) من عندك تناسب هالخلق الأصفر .. بيج أو أصفر فاتح .. فحصلت وخذيتها ..
بس بعد يوم رجعت له لأن ما كان عندي وقت أخيط اللي ورى .. فقلت له أبيك بس تخيط ورى دقايق ما ياخذ وقت .. وخيطه وعجبه .. يقول موو إنت مسوي!! .. قال يبي عليها دينار! يقول لأن واجد ممتاز .. قلت له لا إنت ما سويت شي إلا دينار .. قال على كيفك وعطيته في النهاية 5 ربيات
وهني فتحة .. عشان ندخل الغصن << غصن صدقي مجفف
وهذا الشكل النهائي
وهني .. كملت والحمدلله
أعجبت زوجي كثيراً .. وقال إنها ستظل ذكرى على مر الأعوام
اش رايكم؟

شــــ الــــــروووح ــووق

17-10-2022 - 02:10 am

ماشاء الله عليك
فكرة جنان
تسلم الايادي

جـــــــورية الكـــــويت

17-10-2022 - 03:11 am

مشاء الله
روعه
تسلم ايدج يالغاليه على الصور والافكار الحلوه

شنطة امي

17-10-2022 - 04:12 am

روعة
ماشاء الله
تسلم يدك يااعسسل
سارة

طُهر

17-10-2022 - 05:13 am

يسلمكم ربي

اللي ذوق تدخل←
الإنارة الجيدة وغرفة النوم→