هديه ل

21 مشاهده
ولكن لا توجد ردود !!!!
عالعموم الشكر الجزيل لكل من مر على الموضوع ولم يرد
تحياتي

حبيبتي روحي محلات
بيانكا في السلمانية
عندهم أشياء وايد حلوة
هو صاير مقابل المستشفى
بعد محل المفروشات على طول
أتمنى يعجبج المكان

عاد ريفيرا احسن شي موجود بالبحرين
روحي باتشي هو قريب من السلمانيه
وعندك في بوكواره اكيد محلات كثيره متخصصه في التغليف وغيره

الغلا اذا حابه افكار غريبه بامكانج تحطين الهديه في علبه مخمل وتحطين العلبه في علبه شفافه اكبر منثور عليها ورد طبيعي ومنها على طبق كرستال مملوء بالشوكلاته ومغلف بقطعة اورقنزا بنفس لون العلبه المخمل..
او
تحطين الهديه في علبه محكمه ومن ثم وضعها في حوض سمك صغيرمزين بورد طبيعي مع سمكه مكتوب عليها احبك.. ترى يسوونها في محلات الاسماك..
دعائكم

حلوه حركة حوض الاسماك ابي وين القاها يابنات في الرياض ووشلون يكتبون على السمكه احبك

مشكورين خواتي ما قصرتوا
وبالنسبه لحركه حوض الاسماك وايد حلوة
وان شالله راح نسويها
مشكورة ا ختي

ولا يهمك مالك الا اللي يرضيك
ولا تشرهين على اللي دخلوا ولا علقوا يمكن هم زيك يبون افكار
على العموم وش رايك بهالحركه: غلفي دهن العود بقطعة تل والا اورغانزا واربطيها من فوق بشريطه فيها نقشه باللون الذهبي ترا هذا اللون يعطي فخامه وقبل تربطينه حطي جوا القماش خرز وترتر وكرستال وورد مجفف له ريحه حلوه وبكذ مره بسيطه وحلوه
وفيه حركه ثانيه بس يبي لها خياط وهي
الطلبات:
ربع متر قماش اورقانزا
وربع متر قماش تفته ((اللي فيه لمعه او لون ثاني معاه ))
بلستر او قطن
ورد مجفف و ورد صناعي بالوان حلوه ومناسبه للاقمشه وشريطه
الطريقه::::::
تعرفين مخدات الكنب اللي يجيك شكلها مربع هذي كذا بس يكون نصف القماش اورغانزا والنصف الثاني تفته وتحشين داخل المخده من جهة التفته القطن او البلستر ومن جهة الاورغانز تحشينها الورد المجفف وبعدين شريطه مناسبه في وسط المخده ثم في الوسط ورد صناعي بالوان جذابه فيها ورق اخضر ثم تجيبين دهن العود وتربطينه بشريطه على الورد الصناعي في الوسط يعني............................يمكن افكاري قديمه والا سخيفه بس والله هذا اللي قدرت عليه
وتحياتي لك بس بغيت انصحك لوجه الله ترا اعياد الميلاد لاتجوز حرام لان المسلمين بس عيدين عندهم هذي افكار الكفار يعني دخيل على الاسلام
واسفه اذا ضايقتك بس صدقيني ما ابغى ولا فراشه بهالمنتدى تمسه النار

هلا دمعتي ما قصرتي يالغاليه
افكارك حلوة
وبالنسبه لعيد الميلاد
زوجه اخوي دوم تفاجئه بهدايا وذي مو اول مرة
بس هي كانت حابه تفاجئه بيوم ميلاده واهو ما يدري
مشكورة اختي عالنصيحه وابد ما ضايقتيني
اشكرج على تشريفج صفحتي