هذا روتينا اليومي وش رايكم يافراشات

1. انا وحيده ماعندي خوات


2. زوجي دوامه الصبح ويطلع الظهر ويرجع يداوم بعد صلاة العصر ويطلع المغرب


3. اذن العصر صحي من النوم راح لصلاه من الصلاه لدوم

بسم الله الرحمن الرحيم
السلام عليكم ورحمة الله وبركاته
بنات انا بقولكم روتينا اليومي المملل وقولوا وش اسوي قسم بالله مليت ذبحني بس الوسواس

انا وحيده ماعندي خوات

زوجي دوامه الصبح ويطلع الظهر ويرجع يداوم بعد صلاة العصر ويطلع المغرب

تخيلوا الروتين يفطر يطلع لدوام يرجع الظهر يتغداء يلعب مع عيالي ولا يهتم لي حتى لو اسولف مايسمعني اذا مالعب مع عياله مسك الجوال بالويتس اب بقروب مع خوانه لاحظوا ان اخوانه كلهم بنفس المنطقه اللي حنا فيها نام له ساعه تقريبا

اذن العصر صحي من النوم راح لصلاه من الصلاه لدوم

اذا بغيت شي من سوبر ماركت او اي شي قلت له وجاب لي بعد مايطلع من الصلاه وهو بالسياره يتصل يقول خلي الشغاله تنزل تنزل الشغاله وتاخذ الاغراض
راح لدوام انتهى دوامه طلع من الدوام راح لاهله او لمكتب يايشتري ارض يايبيع ارض اذا مارح لاهله راح لمكتب بعد مايخلص من المكتب راح لاهله اذا بغيت منه شي يقول عندنا رجال بعدين ومستحيل انه يسوي شي بالبيت الا بعد مشاكلوزعل وعذره دوامه واذا فضى مايجي البيت يخلص شغل لا يروح لاهله وانا فبيتي
ساكته جيران ماعندي خوات ماعندي لاتقولون قرايب اللحين القرايب عقارب
واصلا مايبوني ومشاكل
جاء البيت الساعه 11 او 12باليل على طول حطيت العشاء تعشا وهو ساكت واذا تكلمت قام يهاوش وانتي اسلوبك اسلوبك
اذكر لكم موقف
قلت ابو فلان معقول مالقيت لنا بيت غير ذا البيت كلامي ذا فيه شي امانه
وهو ينط فوجهي ويهاوش قلت انا وش قلت عشان ترد علي كذا قال عدلي اسلوبك
انا بعرف وش اسوي كلما قام قال اسلوبك اذل عاتبته زعل مايحبني اقول ليش كذا او حس فيني طلعني مشني
المهم وهو يتعشا يشتغل بالجوال مع خوانه وانا متاكده هو ماعنده سوالف بنات لانه ملتزم
خلص عشا راح للغرفه طق طق بالجوال لعب مع عياله نام
والله والله والله ياخواتي هذا الشي ماقدرت اقوله لامي اقرب الناس لي بقوله لكم
انه حتى الحاجه اللي بين الرجال وزوجته ماتصير بينا غير بعد اسبوعين واكثر ولافيها اي مداعبات
ادري وانا اتكلم بتحسون اني بشعه ووسخه لاكن والله والله الكل يشهد لي بخفة الدم والجمال والله والله
وحب النظافه وتعالوا شوفوا اللوشنات والكريمات ولاكن الله يعن والله حتى شعري طلع فيه الشيب من الوحده والتجاهل من زوجي المشكله واللي جارحني ليش الحاجه اللي بينا كازوجين كذا عذره انا مقصره يبيني انا اللي اجيه واطلب منه هو مايطلب ولايحسسني انه يبي شي مني بنات ارجوكم فهمتو علي انا عندي ثلاث اولاد منه وهذا حلنا مع بعض
بنات انتم خواتي ماابي اشكي لاميمع اني اليوم فكرت اني اروح لاهلي واطلب الطلاق وخلاص لاني احس اني كبرت فوق عمري عشرين سنه مدري وش الحل خلاص نفسيتي تعبت من هالحياه احس صار فيني مرض نفسي فوق كل ذا ماني لاقيه وظيفه اتسلى فيها واضيع وقتي
ارجوكم بنات ادعولي وساعدوني تكفون