هذا موديلي وعطوني اقتراحاتكم بليز للذويقات و المصممات والخبيرات

السلام عليكم
كيفكم صبايا
عندي زواج قريب وقلت ابي افصل لي فستاان ويكون هالمره غير
العاده فساتيني اما جاهزه او اشتري قطعة قماش وموديلها معاها في الكاتالوج
بس هالمره ابي قماش تفته ناعم لونه اخضر وادخل عليها كلف وكرستال وورد ودانتيل ذهبي
1 -انا اجمالا وزني تقريبا 48 واحاول اوصله 50 ابي موديل ما يطلعني نحيفه
2-وطولي 155 يعني قصيره و صدري مو كبير "يعني ابي موديل يعطيني صدر" وكتوفي ضعيفه"يعني ابي شي يعطيني حجم من فوق"
4- ما البس عاري حدي جبنيز مع اني ابيه بكم طويل وابي الموديل قطعتين
3- الاقمشه اللي ابيها تفته-خيش ناعم ذهبي-دانتيل طبقات ذهبي (شفته في محلات لوازم الخياطه)
وفيه بعد ورود محشيه كلها كرستال-كرستال احجام ذهبي واخضر- جلد على شكل ورود ذهبي مطفي
رسمة الموديل بس ابي أرائكم وخبرتكم واذا فيه تعديلات اسويها او اضيفها
""ادري الرسم مو ذاك الزود بس استحملوه ""
هذا الموديل عموما
هذا التوب من الامام
"الشرح"
تعرفون حركة المروحه جايه من فوق الكتف اليمين وداخله من عند الخصر اليمين ومسويه نص دائره ومن الجهه الثانيه
كلف وشك وتركيبات من الورود والكرستال والحركات" اللي راح القاها بلوازم الخياطه توني ما دورت" وممتده
الى الكم ومسويه ربع كم وبعدين راح افصل معه الكم الجاهز وعباره عن الدانتيل الطبقات
والكم الثاني عباره عن تل لحمي مثل لون الجلد وجاي عليه الشك والورد كأنه مثل الحيه الملفوفه على عمود"اعوذ بالله للتشبيه فقط"
وهذا التوب من الخلف
ابي مساعدتكم ,,,,, شسوي فيه من ورى ما احبه كذا فاضي لو حركه بسيطه
لاني افكر بتسريحتي راح تكون مرتفعه فمو حلو لما اقفي يكون فاضي من ورى
التنوره من الامام
" الشرح"
من فوق خيش او شبك ناعم ذهبي وبعدين نازل من الجنب خطوط
من الكرستال ونهاية كل خط ورده اما من الجلد او الكرستال تو ما توضحت الصوره
ومن تحت راح اقوله يحط جيبون خفيف من قدام عشان ما يعقدني في المشي وطبقتين من ورى لانو فيه ذيل
التنوره من الخلف
تكملة الخيش او الشبك وكرستال ووردبس الورد هذا من الجلد وفي وسط الورده كرستاله كبيره
واخترة الجلد عشان ما يضايقني لما قعدت
اتمنى تكون الصوره واضحه عندكم وماتبخلون علي بأرائكم لانها تهمني
واخيرا حقوق الطبع محفوظه