هذا يرضي احد ياناس

السلآم عليكم
كيفكم يابنات يارب بأفضل حال
انا من النوع الي ما احب احد يطلع على مشاكلي
لكن والله مالجأت لكم الا من حرقه وألم فظيع بقلبي واحس بإنفجار مو قادرة اتحمل
وشفتكم كيف تساندوا بعض ماشاء الله عليكم ونعم الأخوات
بأحاول اختصر الي تاعبني رغم ان حياتي مجلد من التعب ورحلة من الجروح
قبل مايتزوجني زوجي كان خاطب وحده قبلي من بنات جماعته لكن ماحصل نصيب
بعدها بفتره تقدم لخطبتي ووافق الوالد رغم رفضي بسبب سني الصغير وبسبب رغبتي بالدراسه وتم الزواج الحمدلله على كل حال
الحاصل ان البنت الي خطبها قبلي وبما انها من اقاربه اقابلها بكل مكان وتضايقني بالسب والشتم !
وتحاول تقلل من قيمتي قدام كل الحضور ووصل فيها الأمر بالتطاول حتى على والدتي المسكينه
وبأنها تحب زوجي الي كان خطيبها وتتمناه وتحول هالشي لكره فظيع لي مع ان مالي اي ذنب
انا والله يابنات ماعمري غلطت عليها ولا عمري جرحتها ولا حتى ارد عليها ولا كأني سامعه شي
أدخل واخرج من المكان ولا احد يسمع مني كلمة وحده
المهم دارت الدنيآ ومشت السنين وخطبها اخو زوجي وتم الزواج وللأسف صارت سلفتي
كل الي ذكرته يهون ومو مشكله
المشكله ان زوجي عارف كل الي تسويه فيني وعارف مدى تعبي منها وعارفني زين ما اخطيء ولا
احب الخطأ وانسانه تحب تعيش بهدوء وفي حالها
جا كلمني وقال بسوي لأخوي عشا انا اعترضت اولا في اخوه الي اكبر منه ثانيا كلها اسبوعين وتبدأ
الإجازه وراح يتجمعون كلهم ويسوون عشا جماعي في مزرعتهم كذا احسن
وثانيا الآدميه هذي ما ابي يكون لي معاها اي احتكاك ولا ابيها تدخل بيتي بسبب معاملتها السيئه لي وبسبب معرفتي التامه بأنها تتمنى زوجي وهذا سبب كرهها لي
ثالثا والأهم اني حامل وتعبانه بشكل محد يتصوره ورغم تعبي والله مايهون علي اشوفه جوعان اقوم اسوي له رغم توصية الأطباء لي بالراحه التامه وهو يدري ولا اخلص الطبخ الا وانا ابكي من الألم
والأخ شايفني مو مقصره معاه مفكرني حديد ودايس علي لاني صابره ومتحمله
ايش كان رده؟؟
انقلعي عند اهلك ومابقي الا انتي تقولين لا
على اي كلمه يذلني ويقولي روحي لأهلك حسبي الله على كل ظالم
غير هذا كله زوجي كان بيوم سبب دماري ونفسيتي السيئه واكتشفت اشياء فيه وتسترت عليه
ووقفت جنبه كله ولا يتعب وانا تحملت التعب والصدمه لدرجة الإنهيار
يسافر من ورى اهله وانا اتستر عليه واضغط على نفسي واجلس لوحدي رغم حالتي الي ماتسمح اجلس لوحدي بس كله عشان خاطره
صبرت كثير تحملت كثير انذليت كثير ليه كل هذا والله ماستحق منه هالمعامله وهل جزاء الإحسان الا الإحسان
والله اني محروقه منه ولا طايقته كل يوم اكرهه اكثر
ايش رايكم في الي يحصل يابنات هذا يرضي احد؟