هذه قصتي ارجوكم ساعدوني لاتتركوني ظاق صدري

السلام عليكم
كيفكم اخواتي الغاليات
ترردت كثير قبل مااكتب قصتي بس والله والله والله تعبت والله يااخواتي تعبت
ارجوكم ساعدوني لا تتركوني فأنا بحاجه لكم ماابي اسوي شي واندم عليه ويمكن وحده منكم تنصحني نصيحه استفيد منها الله يجزاكم خير ولايضيع لها تعب الي تساعدني ويرزقها من حيث لاتحتسب
انا قصتي مع زوجي تزوجت من فتره 9 شهور تقريبا وحصل زواجي سريع لانه كان في مشاكل بين العائله
وزوجي ماشفته غير كم مره ايام الملكه وماتعرفنا على بعض يعني مانفهم بعض لاننا ماكنا نكلم بعض كاان يحاول يتهرب مني واذا سالوه اهلي ليه مايكلمني ولايسال عني يتحجج انه مشغول وكذا بعدها تزوجنا
وكنت مو طايقته بسبب افعاله معي ايام الملكه وتطنيشه لي والله يابنات كنت اعطيه الاعذار
بس للاسف هذا اكبر خطا سويته بحياتي خليته يتمادا ويحس اني ضعيفه
والله يابنات انا عايشه بجحيم ومحد يدري عن معاناتي حتى اهلي مااحكي لهم
كنت عاايشه عند اهلي مدله والله ماتتوقعون الدلال الي كنت فيه كنت مرحه طيبه والكل يحبني لاني انسانه اجتماعيه لدرجه ماتتوقعونها احب الناس والجمعاات واخواني متعلقين فيني ويحبوني
انحرمت من الي كنت فيه صررت وحيده زوجي يجي من الدواام ياكل وينام وبعدها يصحى ويطلع ومايجي غير وقت النوم والله كرهت نفسي من الوحده مدري وش اقلكم احس نفسي ملخبطه
زوجي مايحس فيني والله حتى الكلام الحلو مااسمعه منه مع اني والله الشاهد مااقصر معاه بشي كل شي اسويه له وحتى بكلامي معه ادلعه واسوي الاكل الي يحبه واحاول اغير بالبيت والبس واغير من شكلي واسوي له مفاجات
والله يابنات كذا مره قلت له انا محتاجتك حن علي يقول انا مااعرف بالرومنسيه وهالكلام الفاظي
وان الحياة الزوجيه اكبر من كذا حاولت اتكلم معااه لاكن بدون فايده وتنتهي بمشاكل
كرهت نفسي والله حاسه نفسي عايشه لوحدي صبرت وصبرت حتى اهلي اذا جيتهم يسالوني شفيك وليه وجهك شااحب صرت كئيبه بس ابكي تغيرت كثير بعد الزواج
حتى صديقاتي حسوا وداايم يقولوا لي كرهتينا بالزوواج مع اني مااشتكي لهم بس هم حسوا اني تغيرت بعد ماكنت الانسانه المرحه المتفائله الي كلها حياه
زوجي يحسب ان الزوجه بحاجه فقط للماده وغير كذا لاء داايم يقولي انا بايش قصرت معك باكلك ولا لبسك هذا المهم عندي
تكفون ساعدوني ايش الحل فكرت اطلب الطلاق
لاكني تعوذت وقلت يمكن مسالت وقت ويتغير ولاني احبه بس كل ماصبرت يزيد معي
داايم يعيب فيني ويحطمني ومره قالي اني انساانه فاشله والله ماانساها ويمدح فحرمت اخوه انها سنعه واذا سالته ليه وش تفرق عني قال انتي تدورين المشاكل باي طريقههه تخيلوا
انتظركم والله حالي مايعلم فيه غير ربي