هذه قصتي مع حبيبي وأطفالي وزوجي يتيمه بحبها

أعتذر لعدم أكمآلي لقصتي بسبب إنشغآلي ..
وأشكر كل من تجآوب معي بأحدآث قصتي ...
وأشكر جميع آلفرأشآت الهجوميآت ..
أتمنى منكن جميعاً إن لا أرى هجوم ..هنآ
سأكمل كتآبتها بالعاميه ..
(( زوجي من فتره ويده طآلت علي وصار يضربني على
أتفه سبب وكنت أسكت حتى زعلي ما يطول
وصابره والله حتى اهلي ما اخبرهم اقول لحظه غضب والشيطان شاطر حتى قبل ما اعرف غيره
وكنت اول ما يجي يراضيني ارضى لاني اصلا ما اعرف ازعل حاولت وحاولت وما فاد وكان يقولي ابي افهم هالطيبه والتسامح من وين تجيبينها وما كنت ارد وانا من داخلي والله اتالم
استمرت علاقتي بحبيبي والله ان ربي كان دووم معي وكنت ادعي ربي يستر علي ويدلني على الطريق الصح
انا ما انكر ان الطريق اللي مشيته اكبر خطأ بس والله يابنات كان ربي دوم معي بأشياء كثيره مدري يمكن لاني طيبه كثير
وعمري ما شلت بقلبي على احد
وكنت ما احب هالحياة بيتي واتمنى اترك زوجي
بس انا متأكده انه حتى لو ابي اتركه هو ما بيوافق واذا هو وافق ابوه مستحيل يوافق لانه يموت بي ودوم يوصي ولده علي
ويقول ترى ربي رزقك بنت حلال وطيبه وكل شيء يتمناه الرجال فيها وهو دوم ما يهتم
ودائما اسمع منه هالكلمتين اصلا انا ما تزوجتك إلا لجمالك
ولان سمعة امك بكل مكان والبنت لامها وكنت اقول دام زواجي منك بسبب ماما فهذا والله شيء افخر به ..لانه يقهرني
والبنت دوم تبي واحد يحبها لقلبها ماهو لشكلها
ولا أي شي ثاني
زوجي مقصر من ناحيتي في أشياء كثيره غير المشاعر حتى بالفراش ..وما اذكر انه اهداني شيء من سنين ..
وانا والله مو مقصره حتى بعلاقتي مع غيره ما قصرت ابدا معه
يرجع من دوامه وكل شيء جاهز غداه من كل ما يشتهي
وانا اصلا احب الطبخ والتفنن بتقديمه وكل ما يحب
ولا يهتم وكنت اقول انا اسوي كذا لي ولولدي اللي عمره 6 سنوات ولدي والله انه صديق لي ومرات كثيره اسولف انا وياه
كأننا اصحاب وكان اذا ابوه مد ايده علي يتم زعلان وما ينساها
ويجلس يهاوش ابوه لانه مره متعلق بي وبصراحه الشيء الوحيد اللي بزواجي حلو هو ولدي الكبير حتى بنتي اموت بها بس دائما الاول له مكانه ويمكن لانه يحن علي كثير
علاقتي بحبيبي بديت أحس انه وهم كبير خصوصا انه لا يمكن يفكر بزواج رغم انه متعلق بي وانا احساسي ما يخيب بأي شيء
وكنت احس انه متعلق بس رجعت لواقعي وتذكرت رب العباد
وخفت كثير من العواقب
وصرت ما اكلمه واطنشه ايام وتوصل اسبوع واكثر وكان دوم
يزعل ويعاتب وانا مطنشه قلت له انا مقدر احقق لك اللي تبيه
يسأل ليه وما ليه قلت بساطه انا مو مثل البنات اللي حولك
بحكم انه رجل معروف اعلاميا ولاني من معجباتك اللي يلاحقونك
وكان وربي يموت حتى بهواشي له يعشقني
ولا هو قادر يبعد عني بس انا ما يهمني شهرته وكان يقول
مثلك ما شفت حتى اسمي انتي ما تهتمين به وشهرتي ما تهمك قلت ولا بتهمني لانها اضواء ايام وراح تفقد بريقها مع الوقت
والبنات بردودهم السابقه يوم يقولون لعاب هو مو لعاب ولو يبي يلعب او يضرني بامكانه لكن وربي ما سوى شيء وقالي اذا نويتي بالبعد تأكدي إني لا يمكن اضرك لو على دفنتي
وأنا إحساسي بكلامه كبير انه صادق
والله اني بعدت عنه كثير صحيح احبه بس لكل شيء نهاية وانا ماني عارفه وش نهاية علاقتنا وقررت ابعد
وفي خلال هذي الفترة حاولت اتقرب من بنتي لاني بعيده شوي عنها بسبب غيرة اخوها
ويوم عيد الاضحى عايدت اهلي واهله واقاربنا وكنت حاسه انه بصير شيء مدري حسيت وفعلا صار
ثاني يوم من ايام عيد الاضحى زوجي ضربني ضرب مبرح واثار ضربه بكل جسمي وبدون اي سبب وكأنت اكبر إهانه أخذتها بحياتي حملت حالي عقب ضربه لغرفتي وقفلت على نفسي
وكنت ابكي بدون صوت ما ابي الجيران يسمعون صراخ او اصوات
حيل استحي واخجل من مثل هالمواقف سكت وصبرت
وقتها قررت إني ما استمر معه لاني تعبت من ضربه بلا مبرر اذا صار معصب يضرب ليه وش سويت انا وكنت اقول بنفسي اخبر بابا او اسكت لان بابا يموت فيه وما كنت ابي اخرب اللي بينهم من ود وحب ومعزه
بس هالمره تعبت جلست بغرفتي افكر وقلت ما ابي اخرب على اهلي افراح عيدهم
وسكت لحد ما جاء خامس يوم العيد رتبت كل أغراضي وقررت الفراق لاني بشر والضرب مو لغير الحيوانات
توقعت خلال هالفتره اليومين اللي جلستهم معه عقب ضربه انه بيحاول يهديني شيء يراضيني بهديه لاني ما كنت اكلمه ولا ارد عليه ( تطنيش ×تطنيش ) حتى ما انام معه بالغرفه انام بغرفه اطفالي كرهته ما احب اشوفه وما ضغفت ودقيت على حبيبي
لا صبرت
لميت اغراضي وقلت له أنتبه لاطفالك هو انصدم وكان مصعوق
من قراري بترك اطفالي معه
سأكمل قصتي ….غداً لانشغالي الان ..
أختكم
يتيمه بحبها