هذي سالفة اختي مع زوجها على لسانها طويله بس ابي رايكم ضروري

1. ولاروحه لأهلك ولاجوال ولا صديقات ولا شي قلت ابشر ..


2. وشرفي وهو الى الان يعبث به بالكلام..


3. واتصت اخته بخالتي اخت امي واخبرتها بكل المشكله وهو ايضا كلم خالتي.


4. واذكر لهم المشكله ليحلوها لك بالدين بعيدا عن العاطفه..


5. انا الان عند اهلي لي شهر ولم يتصل


6. حاكي زوجك قلب راسي دخلت وكلمته كان وجهه فيه شر طلع ابوي وتناقشنا


7. ومافيه فايد نفس الكلام ينعاد واستفزني بالكلام حاولت اصرف نفسي بطلع


8. هذا اللي عندي مااسوي الا اللي يريحني انا بس قلت لا قال يعني قلت طلقني


9. قال مصره قلت ايه قال ابشري وطلع وبعدها سفهني


10. وكل ال4سنوات على بالي مطلقها

كان عندي أنا وأختي أيميل قبل الزواج نستخدمه لمشاريعنا بالكلية (تخصصنا حاسب إلي) وكنا نضيف صديقاتنا وقد قمنا بإضافة بعض الأشخاص اللذين لديهم معرفه بالفوتوشوب وتصميم المواقع والبرمجة ليساعدوننا بالمشاريع التي نعملها وكان والدي على علم بما نفعله وبعد الكلية تركنا الايميل لكن اختي التي تصغرني (متزوجة)فتحت موقع ورجعت للإيميل عشان تستعين بهم بتصميم الموقع وكي تضيف به المراقبين والمراقبات والمشرفين ومشرفات للموقع....(هذه قصة الايميل اللذي هو سبب مشكلتي اللتي سأكتبها لكم الان
أنا متزوجة من ثلاث سنوات وعندي ولد عمره سنتان وزوجي سبق له الزواج وعنده بنت من زوجته السابقة وساكنه مع أهله..
في يوم الأحد 7من ربيع أول العام الماضي المغرب قال لي زوجي جيبي جوالك عطيته جوالي وجلس يفتح فيه تذكرت إني فاتحه أيميل أختي
حق الموقع ليلة أمس ونسيت أغلقه (علما باني نادرا ماادخله وادخله عشان وحده من البنات تعرفت عليها بمنتدى وتقريبا من تزوجت مادخلته إلا خمس مرات تقريبا من تزوجت وإذا دخلت أقوم بحظر جميع ايميلات الشباب الموجودين بالايميل) سألني وش هالايميل قلت هذا ايميل اختي وقلت له سالفة الايميل قال ماأصدق قلت له يعني تشك فيني قال ايه ثم قال لك نصف ساعه تلمين اغراضك فيها وولدي لاتاخذينه ولاتبقين لك أثر وطلع وتعوذت من إبليس ولم أحرك شي فقط أخذت ولدي وجلست أطالع فيه.
مومصدقه كلام أبوه..جا وقال لي أنزل باقي شناطك قلت لا..طلع وجا بلاب تب وقال لي افتحي الايميل بالجهاز قلت له ليه هو مفتوح عندك بالجوال قال لا أفتحية بالاب تب رفضت قال افتحيه وإلا بتروحين لأهلك رفضت وبدأ يضربني قال ترضين ينخرب بيتك ولا تفتحين الايميل قلت له الايميل أساسا مولي مالي حق افتحه لك قال الا تفتحينه والا بكلم زوج أختك ومازال يضرب الكفوف ويشد بشعري أحسست بالآم فضيعه كل ضرباته كانت بالرأس ثم اتصل بأختي وكلمها يسألها إن كان الايميل لها أم لا وضربني وهو يكلمها وقال لها اسمعي إنا اضرب أختك ثم سكر ورجع لضربي ثم طقت أخته الباب ودخلت وعرفت أن فيه مشكلة وهدأته وطلبت منه يأخذ دش عشان يهدا كان هائجا بشكل ليوصف وقالت أفتحي الايميل قلت لها انا عارفه وش بيصير اذا فتحته المهم جاء وقال افتحيه ورفضت وضربني قدام أخته ثم اتصلت أخته على اختي وكلمتها ثم خلتني اكلم اختي عشان تعطيني الرقم السري للايميل
قالت اختي اتحيه لاتخافين انا بمسح كل اللي فيه وفتحته وشاف الايميلات تنمسح قام يضحك ويقول لاخته هذا اكبر دليل ان فيه شي خايفين منه بالايميل بعدها طلع هو واخته وجلس يكلمها خارج الغرفه ثم طلع من البيت ولما جا قال ترى ماعاد فيه طلعه من البيت

ولاروحه لأهلك ولاجوال ولا صديقات ولا شي قلت ابشر ..

من بكره خذت جوال بنت اخوه ودقيت على اختي وسالتها عن الايميل كنت خايفه يرجع اللي في بطريقه ما قالت خلاص مستحيل يرجع سكرت بسرعه خفت احد يحس ولكن البنت من بكره جاها رقم غريب وتوقعته اختي وقالت لي جاعلى جوال رقم غريب يمكن انه اختك وكانت عمتها اللي حضرت السالفه موجوده وعارفه ان اخوها ماخذ الجوال مني وقايل لاتكلمي من أي جوال من البيت
من بكره نادتني العمه وقالت لي ليش تاخذين جوال البنت مو زوجك قايل لاتكلمين احد من أي جوال قلت ايه قالت انا سالت البنت من كلمتي ووش قلتي ليش تكلمين اهلك سكت قالت اجل شك اخوي بمحله انا اعرف البنات من عيونهم انتي شكلك راعية لف ودوران قلت هذا رائك فيني وانتي اقرب وحده لي بالبيت وتعرفين اشياء كثير عن حياتي واشتشيرك بكثير من مشاكلي مع اخوك قالت ولو انا ماعاد اثق وشلون ءأمن على بنت اخوي تربينها وانتي كذا وأسمحي لي ماراح اكلمك الا بخصوص ولدك واخته بس وغيره مابيني وبينك كلام انا انصدمت من كلامها وطلعت وبنفس اليوم (ثاني يوم من المشكله)بالليل تعذرت له وجبت المصحف وحلفت له عليه أني لم امس أسمه بما يكره اويشوه سمعته بشي ولايمكن يحصل هذا مني وقال لي طيب وش سبب رفضك فتح الايميل مع مقارنتي له بطلاقك؟ وليش يوم فتحتي الايميل انمسحت الايميلات والرسائل ؟ لكن راح تظلين كذا بدون طلعه من البيت ومن دون جوال لين تقولين لي أي مبررات لهالاسئله واخليك قدامي عشان أي شي تسوينه اعرفه مدامك كذا بتخبين عني وتسوين اشياء من وراي وانهينا النقاش
جلسنا ايام اول اسبوع بعدالمشكله لاياكل ولا يشرب بالبيت حتى الفروض اللي بيصليها بالبيت اول هالسبوع ماشفته يصليها انا كنت اقوم بواجباته على اكمل وجه وكان يعاملني كاني متواجده فقط لخدمتة وتلبية رغباته بدون أي مراعات لمشاعري من ناحية المشكله
تناقشت معه مرتين بعدها ولكن بدون فائده يقول ماراح ارتاح لين تجاوبيني على تساؤلاتي وتعترفين بعد ثلاث اسابيع من المشكله اكتشفت اني حامل بعد كم يوم ناقشته بعد ومن ضمن نقاشي له قلت يعني بعد حلفي وكل الامور اللي تناقشنا فيها مو مصدق لها الدرجه مافيه ثقه قال من قال لك انه بعد المشكله فيه ثقه اساسأ سكت ومن بكره بعد ما عشيته المغرب قلت له ابي جوالك اكلم ابوي يجي ياخذني قال ليه قلت اقعد عند واحد مايثق فيني
قال خذي دقي عليه وكلمت ابوي بعدها طلع وجا ويوم جا ابوي قلت له السالفه وكلمه ابوي بالحكمه وان ميثاق الزواج اقوى من أي شي واي مشكله تحته تكون صغيره مقارنه بانهاء الحياة الزوجيه وكان جايب زوجي جوالي (كان ماخذن من يوم المشكله)ويقول لأبوي ان فيه رقم غريب يدق من خذيت الجوال شكله يعرفها وخلاني اكلم الرجال بالسبيكر قدام ابوي ثم خذه وسبه وهزئه يوم سكر قال شفت انه يعرفها ليش قطع بوجهي يوم دقيت ودق هو ثم التفت علي وقال شفتي جبتي ابوك عشان تسودين وجهه المهم ابوي طلع على اساس انه ماراح يتدخل واننا نحلها بيننا وانه بدري على تدخله هو وقال حلوها بينكم لااحد يدري بالسالفه
جلست بعدها شهر تخلله نقاشات ولكن كان يعيد لي نفس الاسباب ويردد نفس الكلام الذي يقوله في كل نقاش وكان كل نقاش ينهيه بكلمه هل تريدين الطلاق؟
بعد الشهرين كلمه ابوي وقاله يااخي اماا مساك بمعروف اوتسريح بإحسان اما انك حاجرها شهرين كذا موب صحيح ..جاني كالثور الهائج اعزك الله انتي تبين الطلاق قلت لاليش قال ابوك يقول اماامساك بمعروف او تسريح بإحسان وش قصده على العموم قدامك يومين تفكرين يأما انك تعيشين معي حياتك كلها زي ماقلت(مافي طلعه لااقارب ولازيارات لأحد اهلك على كيفي متى مااوديك اوديك واهلك بس امك وابوك موتقولين خواتي مالي دخل بأحد وجوال مافيه 24بالبيت)
فكرت وكلمته قلت خيارات احلاهما مر صعبه جدا (يعني قصده اجلسي بالبيت ولاتتحاشين اختي ومرت اخوي وماذكرته قبل شوي) انتهى نقاشنا مثل كل مره وكاد يضرب رأسي بكاس زجاج لولالطف الله
بعدها باسبوعين طفح الكيل وقلت ابروح لأهلي رجع لنقاشاته السابقه وقال اذا رحتى ماراح اخذك الااذا اتصلتي وقلت انا عقلت وتعال خذني وتجين وتعرترفين باللي سويتيه
وولدي متى ماابيه بجي اخذه..
طبعا اخذت اغراضي وانا عازمه على الا اعود لأنه لاثقه بيني وبينه وكرامتي وانهانت

وشرفي وهو الى الان يعبث به بالكلام..

اليوم اللي رحت فيه لأهلي سحب من رصيدي مبلغ من المال كان مصروف لي كنت لا اصرفه شهريا كان 2800 سحب 1500 وهو يعلم اني احتاج الى السوق لأني من الشتاء الماضي لم اتسوق.. رحت لأهلي الخميس اتصل الجمعه يبي ياخذني ورفضت علىطول قال وش قصدك تبين تطلقين انا من القهر قلت ايه..كلم ابوي وقاله نفس كل مره وقاله ابوي شهرين ونصف ماحليتو المشكله مو صحيح قال على العموم هي عندكم ومصروفها ومصروف ولدها واللي ببطنها بيوصلها على حسابها..(هذا الكلام الجمعه يعني بعد ماسحب ال1500)

واتصت اخته بخالتي اخت امي واخبرتها بكل المشكله وهو ايضا كلم خالتي.

ومن كلامها لخالتي*ان ليش تمسح الايميل معناه عندها بلاوي تبي تخبيها عنا

• وان اخوي قال لها بوديك لدكتور نفسي يمكن ان الضغوطات هي اللي خلتها تكلم رجال(مع العلم انه ماقال لي الا بلفظه(بوديك لدكتور نفسي او لامستشار اسري )وكان هذا بعد اخر مكالمه لابوي يوم يقول له امساك بمعروف قال له يااخي رح(لمركز واعي)

واذكر لهم المشكله ليحلوها لك بالدين بعيدا عن العاطفه..

• هي ليش ماتعترف وتريحنا..واختها ليش تمسح الايميل والله اني ادعي عليها
• قالت لها خالتي ليش تسحبون الفلوس من حسابها قالت انه خايف انها تشتري جوال
• كلمي اختها خليها تعقلها مدام انها تاخذ بكلامها مو هي سبب المشكلة أنا قايله لأخوي ان مارجعت زوجتك كلم زوج اختها تخرب حياة اخوي ونسكت لها
• وانها تجي على جوال اخوي رسائل عني(انتبه لاختك شف وين تروح وين تجي وخاف الله في بنت الناس ضف حرمتك وولدك وكافي مشاكل..(هم شاكين ان الرسائل من طرفي انا..وفي مكالمه اخري لخالتي قالت لها)اننا يوم قلنا لك عن الرسائل وقفت ماعاد جانا شي..
• قالت لها خالتي يااختي انا حاكيت البنت ياختي ماسوت هذا كله وقبله قالت لزوجها هالكلام قالت(لابالله اخوي جازم انها تكلم)

انا الان عند اهلي لي شهر ولم يتصل

وياتيني كلام انه كذا اشخاص من خارج البيت علموا بالموضوع ..غير انه خرج كلام من اخته لزوجه واحد من اخوانها انني احادث شباب..وكذلك تحرضه على ان لايرسل لي مصروف ولايتركني عند اهلي استانس بل ياتي بي ويحجرني بالبيت..
بعد شهر وزياده كان جايب الولد ماخذه خمس ايام ودخله ابوي عشان يتفاهم معه قام يتكلم كثير ويجيب سوالف قديمه بالعربي (قلب راس ابوي بالبربره) قالي ابوي تعالي

حاكي زوجك قلب راسي دخلت وكلمته كان وجهه فيه شر طلع ابوي وتناقشنا

ومافيه فايد نفس الكلام ينعاد واستفزني بالكلام حاولت اصرف نفسي بطلع

تخيلو لحقني وحجزني عن الباب لا اطلع كنت اسرع بطلع بسرعه كنت خايفه يضربني قام سحبني والله بغيت اطيح وانا كنت بالشهر الرابع وجلست اصارخ وجت امي وابوي وقال كذابه ماكنت بربها وهو كان ماسك يدي بقووه انا انهرت
وجلست اصيح واتكلم المهم الجلسه طولت تخيلو من اذان العشاء الى الساعه 12
اخر شي قال وش تبين عيشه بدون جوال ونت واهلك متى ماابي اوديك لهم

هذا اللي عندي مااسوي الا اللي يريحني انا بس قلت لا قال يعني قلت طلقني

قال مصره قلت ايه قال ابشري وطلع وبعدها سفهني

علما بان زوجي غير مستقيم_مدخن_راعي سفريات بالذات البحرين مستحل يجلس خمس شهور ماراح وإذا راح هو يقول لي بالنهار بالسينما وبالليل بالديسكو_وله شقه هو واصحابه يجتمعون فيها بشكل يومي يوجد بها الفضائيات المفتوحه والشيش والانترنت يدخلون البالتوك والشاتات الصوتيه..طبعا هذا عرفته من كلامه هو..
ابي يقول هذا شرف وهو يتهمني بدون أي اثبات ووالدي يفكر ان عجز عن اقناعه برفع دعوى عليه بالمحكمه بانه يتهمني بسمعتي وشرفي..
يوم جا شهر شعبان ماارسل مصروف يعني بس ارسل حق شهر 6و7 وبعد اول شهر اخذ الولد فيه ماعاد روح معه شي لاحفاظ ولا حليب بس كنت هذيك الايم احاول افطمه منه سفهته قلت اشتري راحتي خصوصا اني حامل والنفسيه زفت قلت ارحم نفسي شوي
المهم عدت الشهور كل شهرين ياخذ الولد خمس ايام يوم جا شهري التاسع تعبت وكان عندي موعد وكان معي علامات ولاده
ودخلت الملاحظه عشان يتاكدون ابوي توقعها ولاده راح وكان معه ولدي ومر به على بيت ابوه عشان ماكان بالبيت الا امي وامي ماتشوف وساله وش فيكم قال زوجتك تولد ذاك ماصدق جا للمستشفى وكانوا قيلين لي خروج وكنت انتظر ابوي مادريت ان هذا بيجي جلست شوي نادوني قالوا احد من اهلك يبيك طلعت الازوجي عند الباب والله اني رجعت لورى وجلس يسال وش الاخبار ولاكان شي صاير انا ماعرفت اتصرف مامعي جوال واهلي اساسا برى المنطقه يعني ساعه بينهم وبين المنطقه اللي ساكنتها مع زوجي المهم قال برجعك لبيتنا والا بيت اهلك قلت اكيد بيت اهلي قال اللي تبين وبعد ماركبت السياره جلس يتكلم ويقول (بما اننا تقابلنا لازم نحل الموضوع وجلسنا نلف بالسياره ونتكلم نفس الكلام نعيد ونزيد تخيلو يابنات من اذان المغرب الى الساعه11وانا بالتاسع وتعبانه ومافيني حيل المهم الاترجعين وبتتغير حياتنا وماادري ايش المهم اقنعني وقررت ارجع بس بشرط مو اللحين بعد نفاس وقال اجل نجلس مع بعض كم يوم في شقه مفروشه قالت اوكي ورحت معه جلسنا 4ايام وحس انه مصروف مو سهل بس كان فرحا مرره حسيت انه متحسف انه تركنا هالمده كلها وبعدها رحت بيت اهلي وكانت مواعيد كل اسبوع وصار كل مااجي موعد ناخذ شقه ليله او ليلتين يمكن مرتين وجا عيد الاضحى جلسنا يوم بليله معه ثم بعدها جا تاريخ 15 بدايه الدوامات رحت اراجع وقررو يولدوني وجبت الولد الثاني وجوني اهله بالمستشفى وبعد نفاس سوولي عزيمه وكل شي عادي بس اهل البيت احس انهم يعرفون عن الموضوع مافيه احد يكلمني زي العالم والناس مع اننا 2حريم عيال وانا الثالثه واخته اللي بالمشكله طبعا اخته انتهت علاقتي بها قبل الولاده بس سلام وبس المهم كنت دائما بغرفتي حسيت ان حياتي راح تتغير لكن بعد 3شهور من جيتي للبيت كان تارك جهاز الاب تب بالغرفه وكنت عارفه انه يبي يشوف هل انا بستخدمه من وراه والا لا لكن مره كان بالدوام قلت بافتحه بشوف هو وش يدخل ويوم فتحته لقيت سجل المحادثات ودخلته وشفت محادثتين له مع اصدقاء له يطلبون منه يجيب لهم شراب من رجال هو يعرفه انا نصدمت وتاريخ هالمحادثه كان رجب الفتره اللي كنت فيها عند اهلي بعدها مافيه شي مسجل بس هو شاري بلاك بيري بشعبان يعني ممكن نقل محادثاته للبلاك وبالاضافه لقيت عنده هارديسك خارجي مليان مقاطع اباحيه بصراحه طاح من عيني
سكت على هالموضوع بس اني خذيت نسخه من المحادثات بفلاش ميموري وسكتت وبعدها اصلا بدى الوضع يرجع زي ماكان يدور الزعل من اتفه سبب واهلي تخيلوا ماكلمهم الا بجوله وامي بس مااكلم غيرها المهم بالاسبوع اللي قبل اجازه الربيع كان كله طقاق على اسباب تافهه استحي والله اذكرها تافهه جدا منها ليش تمرين من عندي وانا مدخل السياره تاخذين الاغراض من يدي تخيلوا المهم كان يوم احد كان معصب طول اليوم جيت بكلمه قلت له شفيك كل هالايام معصب وانفجر فيني يهاوش ثم قام وتروش وخذ شماغه وطلع ينام برى البيت انا طار عقلي من هالحركه وش سويت بس عشان يسوي هالشي المهم صرت الف بالغفه مثل المجنونه المهم مدري وش جاب على بالي شنطه عنده من يوم تزوجته مقفوله زي حقت رجال الاعمال المهم جا ببالي افتحها وحاولت وفتحتها ولقيت اشياء صدمتني اكثر مثل 1:زوجته الاولى خالعته مو هو اللي مطلقها مع انها ماجلست عنده الا اقل من سنه

وكل ال4سنوات على بالي مطلقها

2:لقيت صورتين كبر المجله لبنت ومعها ورقه كتب عليها معاهده حب يتعهدون فيها على الحب للابد وموقع عليها هو وهي يعني كانو متقابلين هذاك اليوم واللي ذبحني مكتوب التاريخ تخيلو كان التاريخ 6وزواجنا كان يوم 25 يعني كم يوم بس وكان متملك علي كنت على ذمته يالله وربي غبنه .بعدها خلاص عافه خاطري مع اني اموت عليه احبه بس اللي شفته كثير المهم مابينت له اني اعرف شي وكتبت له رساله طلعت كل اللي بقلبي فيه والله انها 3صفحات وكتبت له حديث الرسول صلى الله عليه وسلم(لعن الله بائع الخمر وشاربها وحاملها والمحموله اليه)وقلت له عن كل شي شفته ويوم بدت الاجازه حاولت اروح الاهلي ورحت وبعد كم يوم كان بيجي ياخذني وقررت اعلمه عن مكان الرساله كنت مخبيتها في مكان كنت متردده بس استخرت الله وارسلت له فيه رساله ابيك تقراها بالمكان الفلاني كان هالكلام الصبح والعصر جا هو واخوه الكبير المهم قال يكلمني وجلست انا وياه وكان هادي على عكس ذيك المشكله كان معصب كان مبتسم ويحاكيني بكل هدوء وانا مصره مالي رجعه معه المهم حاول واستعطفني وانا مصره ويقول تقدرين تعيشين بدوني قلت ايه المهم قال اللي يريحك باس راسي وقال هاتي الصور اللي تجمعنا اشقها والذهب رحت جبت له الذهب والصور مع المفروض مااعطيه الذهب الا لما يطلق بس كنت ابي افتك
وراح على انه بيطلق بعد اسبوع لاويقول لأبوي حول لي 20 الف عشان الخلع قلت ليه الذهب يكفي الذهب بيجيب له 25الف اما كان اكثر بعد المهم جلست اسبوعين ماسوا شي ارسلت له الجمعه اللي طافت (ممكن تخلص اوراق الخلع واتوقع الذهب كافي كعوض )ولارد علي قبل امس كلم ابوي اخوه الكبير قال انه ينتظر المبلغ عشان يخلص الاوراق المهم كلمت اخوه انا وقال لي انتي اكسبي سمعتك ولاترفعين دعوى بتسبب شوشره عليك والواحد اهم ماعليه سمعته ومن هالكلام ولوتبيني اساعدك بالمبلغ ساعدتك بس بشرط ماتعلمينه عشان تنتهي السالفه (تخيلوا لهالدرجه مايبيني ارفع دعوى )المهم انا قلت بفكر وارد لك مع اني بقراره نفسي برفع دعوى ولاعندي فااحد شرايكم بالموضوع كله على بعضه ابي تفاعل تكفون