هل الي انا اسويه حلال او حرام

1. السلام عليكم ورحمة الله وبركاته

السلام عليكم ورحمة الله وبركاته

كيفكم حبيباتي الفراشات الحلوات وكيف ايامكم الله يجعلها كلها خير في خير حبيباتي انا عندي موضوع حابه استشيركم فيه طبعا ولله الحمد انا تقريبا قبل ثلاث شهور ولدت وجبت حمودي الله يحفظه يارب وكنت قبل ما خلص الاربعين دار بيني وبين زوجي نقاش قلت له الحمد لله جبت حمودي بالسلامه وبإذن الله ماراح اجيب اخو او اخت له الا على الاقل لما يكمل ثلاث سنوات وياخذ حقه من الحب والحنان وانا ارتاح من الحمل والولاده طبعا وكعادة زوجي العزيز رفض رفض شديد وقال ياويلك لو تأخري الحمل انا ماتزوجت الا ليصير عندي عيال وانتي تبين تحرميني منهم هذا رزق من ربي واحنا نرفضه شوفي الناس يعالجو ويدفعو فلوس يبون اطفال وانتي تبين تمنعينهم واعطاني محاضره طويله عريضه في اضرار حبوب منع الحمل وانها قد تسبب العقم وانها باقي شوي ويقول تسبب الوفاة وقال والله لايبيح منك ولا يسامحك وقلبي مو راضي عنك لو تاخذي شي من وراي او تمنعي الحمل بأي وسيله انا انصدمت وجلست ابكي حرام عليك واحد مو قادره عليه وانا كل هذا علشانك وعلشان اتفرغ لك قال كلامي واضح ولا تناقشيني في الموضوع هذا مره ثانيه ومشى بعدها دقيت على امي وقلت لها قالت اتركيه منك هذا ماعنده سالفه بكره لاتعبتي وانشغلتي بالاطفال راح تزوج عليك وقالت روحي للدكتوره توصفها لك وانا اجيبها انتي ماراح يضيعك الا خوفك منه وبالفعل جابتها امي لي تهرييب واستخدمتها بدون علمه لكني احس بتأنيب الضمير واني قاعده اسوي شي غلط وحرام وبيني وبينكم الاسبوع الي فات تعب زوجي ومرض انا خفت لايصير له شي ( بسم الله عليه ) وهو قالي انه مو راضي عني ايش بيكون حالي وفي نفس الوقت ماقدر اخاطر واتركها ويمكن احمل وولدي توه صغير ما دري احس اني قاعده اسوي شي حرام بالرغم ان امي افتت لي بجوازها ههه مفتي الديار على غفله ويش اسوي وكله كوم ولو يدري كوم ثاني مباشرة احس اني محتاره ويش اسوي اقترحو علي الله يسعدكم يارب