هل انا غلطانه ام هو

مساء الخير عليكم يافراشات طبعا الكل عارفيني من قبل فترة كنت كاتبه عدة مواضيع عن حياتي ومشاكلي واليوم صار سوء تفاهم بيني وبين زوجي فهل ياترى انا غلطانه او هو
المهم مثل ما انتم عارفين ان زوجي متقاعد عن العمل وظروف الحياة صعبهعلينا شوي المهم قلت له انا راتبي تحت امرك لان راتبه ما يغطي مصاريفينا ومصاريف عياله واذا احتاج اي شي على طول اعطيه البطاقه الصراف واقول روح خذ اللي تبي انا وفلوسي تحت امرك وما في فرق بيني وبينك المهم مرة كنت انا وهو في المطعم نتغدا طبعا على حسابي والصرافه معه عشان يحاسب طبعا ما زينه في حقه اني احاسب في المطعم وهو واقف يتفرج علي لان انا ما احب احرجه قدام اي احد المهم دق عليه ولده الكبير وقال له انا محتاج مبلغ من المال انا واخوي وبما انه ما عنده فلوس تخيلو راح وسحب من حسابي واعطى عياله والمشكله هو ما قال ميدي انا لما رحت اسحب عشان اطلع فستاني من الخياطه اكتشفت ان حسابي ناقص وخفت ان البنك ساحب على شي بحكم ان علي قرض وكلمته وسالته انت يوم تسحب وتحاسب على الغداء كم في حسابي قال لي ليش قلت لان الحساب ناقص قلت عشان الكلم البنك واستفسر قال لي لا تدقين انا سحبت واعطيت عيالي لانهم محتاجين قلت له طيب كان قلت لي عشان ما اظلم احد رجع وسحب وراح شرى فيها شي انا ما احب انه يجيبه ويوم جيت اتكلم معه قال اوعدك اذا جاء راتبي راح ارجع لك كل شي اخذته اعتبريه دين علي قلت له انا وانت واحد وما في فرق بيني ويبنك لان انت زوجي وابو بنتي المهم نزل راتبه وما فكر حتى يعطيني اي شي منه وبعد اسبوع قلت له ممكن تعطيني مصروف لان ما عندي ولا ريال حتى لو بغيت اشتري شي في العمل من فطور وغيرة تخيلو وش قال ما راح اعطيك اي شي انتي عندك راتبك قلت له انا راتبي مابقى منه اي شي قال ليش وين راح نسى انه كان ما خذمنه ونسى انا شرينا اغراض البيت اللي ناقصه قلت له انا ما طلبت منك الفلوس اللي اخذتها مني لان قلت عيب علي اخذ اي شي منه وانا اذا احتجت ماراح يقصر معي لكن للاسف صار العكس وعصب علي وقال لي راح ارجع لك فلوسك وانا رفضت قلت لا تمن علي فيها قال لا تصجيني بكثرة الكلام وقال لي وش رايك انك تروحين لاهلك وانا كل شهر ارسل مصروف بنتك لك كل هذا عشان قلت عطني مصروف اجل لو قلت رجع لي فلوسي الظاهر راح يطلقني الله يستر هذي اخرة اللي تظحي بكل شي عشان تقول اعيش مع زوجي لو كانت فيها بعض سوء التفاهم الظاهر هو يبيني مثل الصنم عنده اطبخ وانفخ ولكن بدون اني افتح ثمي بكلمه والله يابنات ما حلفتوني اني من يوم اطلع من العمل وانا اسوي شغل البيت كله واسوي الغداء لكن ما في شي يملي عينون الرجال الا ( التراب ) لا تواخذوني على هاذي الكلمه لكن من حر ما فيني
لكن اعطوني حل وش اسوي هل اني ما عاد اعطيه البطاقه واخليه هو يدبر كل شي لانه هو المسؤل الاول والاخير والا اصبر و اتحمل كل اللي يصير افيدوني الله يخليكم
واسفه اني طولت عليكم العذر والسموحه