هل انا غلطانهساعدوني الله يسعدكم

1. أنا عندي مشكلة بس ما ادري هي مشكلة ولا انا الي مكبرة الموضوع؟

مرحبا يا فرشات...انا اول مرة بحياتي اشترك بالمنتديات النسائية...بس قرأت مواضيع كثير وحسيت انكم فعلا فرشات طيبات وقلوبكم على بعض وخبرتكم حلوة بالحياة الزوجية.

أنا عندي مشكلة بس ما ادري هي مشكلة ولا انا الي مكبرة الموضوع؟

انا عمري 19 سنة متزوجة لي شهرين واسبوع زوجي طيب وحبوب ومحترم وكل شي وانا واعشقة واحبه بس...هو كثير جريء وانا كثير خجولة...انا فترة الملكة كانت عندي مختلفة يعني سوينا الملكة وعقد علي وسافر لندن عشان يخلص الماستر...واول ما رجع صار العرس...يعني مو متعودة عليه كثير..وهو مقدر اني اخجل منه بس احسه مل...يعني لمتى راح اضل خجولة منه؟...طول الوقت وهوا يتغزل فيني طول الوقت وهو لاصق فيني حتى لما نكون عند اهله يحرجني يجلس جنبي ويلعب في شعري ويبوسني ويجلسني بحضنه...وعمتي الي هي امه مبسوطة مرة كأنها تشجعه يعني لما يبدأ يسوي هالحركات وهم معانا في الصالة مثلا يطلعو ويخلونا...انا مررة انقهر منه...وحاولت اقول له بطريقة غير مباشرة اني اتضايق بس لا حياة لمن تنادي...يعني يبعد عني وقت العشاء مثلا وبعد العشاء ترجع ريما لحالتها القديمة<<<ما ادري اذا صح كذا اول لأ ويقول لي جاي أحلي
حتى ونحنا في البيت يسوي تصرفات ما ادري كيف؟يعني طول الوقت يبغاني جنبه ويعصب لما اكلم تلفون ولا اقوم المطبخ واخليه... يقولي انا اشتاق لك احسه يحبني بطريقة ممكن تزهقني منه حتى لما يجي يكلمني كلام عادي يقرب مني لدرجة احس انه يتنفس انفاسي
واف لما اكون معزومة عند احد طول ما أنا البس وهو فوق راسي البسي ذا ولا تلبسي ذا...وتعالي البسك وتعالي اعدل لك هذا...يعني يرفع ضغطي...ومرة قهرني بعد ما لبست وجهزت قال لي خلاص كنسلنا العزومة ومافي روحه ابغاك تسهر معي..انا ولعت بس اتحكمت في اعصابي قدر الامكان وبينت له اني اصلا ماكان لي نفس اروح
وفي شي انا استغرب منه لما نكون مع بعض وتصير في اثار على رقبتي يقول لي افتحي شعرك واظل طوول اليوم وانا فاتحة شعري كأن مجنونة ولما سألته ليش؟ قالي احس نفسي مجرم لما اشوف العلامات الي فيك مني بس مو بقصدي لاني انسى نفسي...وانا بعد ما نصحى من النوم وكذا ما اقدر احط عيني بعينه ولا اقدر اكلمة كلمتين على بعض بس بعد كذا تعودت شوي.
ادري ان زوجي مو غلطان ويمكن في نظركم مافي مشكلة بالأساس بس انا احس ان هذا الاسلوب مو مريحني...يعني اكذب عليكم لو اقولكم اني مو مبسوطة معاه او مو حابة تصرفاته وحبه واهتمامه فيني بس احسه مزودها خصوصا عند اهله
انا اسفة يا فرشات اذا ازعجتكم...بس محتاجة احد يتكلم معي وافضفض له...انا امي متوفيه وما عندي خوات وما اقدر اتكلم مع اي احد فما لقيت غيركم اتكلم معاه بكل صدق وحرية
اعطوني اراءكم الجميلة ونصائحكم؟