هل انتن راضيين عن دولاب ملابسكم شاركينا الحديث والافكار

موضوع غريب وحلو
انا عن نفسي راضيه عن دولابي
لانه مرتب ومقسم
قسم للتنانير والعبايات وارضية الدولاب فيها الصنادل والنعل مع علبها
والقسم الثاني للقمصات وتحته ادراج للملابس الداخليه
والقسم الوسطي فيه مكان لتعليق البناطلين
والارفف فيها رف للتيشيرتات ورف للبجايم ورف للشيل
ودولاب ثاني لفساتين السهره (( هذا الدولاب اللي يكون بالطوفه ))
وطبعا بين فتره وفتره احب اغير اماكن الملابس
لاني بهالطريقه احس بالتجديد وهالشعور جدا جميل

انا صراحه موراضيه رغم ان دولابي مرتب ,ليه مو راضيه انا عندي دولاب واحد جه وحد بس للملابس معلقه فساتين السهره والبلايز الي يبغالها تعليق واللي عادي ما تتأثر بطي ارتبها بلكوي وأخليها في ارضية الدولاب والتنانير كلها بأرضية الدولاب الملابس الداخليه في درج طويل تحت هذا الدولاب العبايات مصفطه كمان في أرضية الدولاب الجزم خارج الغرفه لأن زوجي يرفض وجودها بلغرفه يعني دولابي مرتب قسمين شي معلق وشي في قاع الدولاب وهذا يضايقني كثير رغم فيعه أدراج مقسمه لكنه مرتفعه فوق درج واحد ممكن أتعامل معاه بس ما يأدي للغرض اللي اتمناه أحب أشوف دولاب مقسم وأغلبه تعليق وأشيا بسيطه وقليليه من الملابس مثل القطع الصغيره أحب ارتبها في درج لوحدها والملابس الداخليه أتمنى درجين لها ,درج للكولوتات ودرج للحمالات او سوتيانات وشكرا على طرح الموضوع وخاصه التفاصيل الصغيره والمهمه في الترتيب والنظام لأننا نستفيد من أفكار البنات

الله على دولابج يا نمول
والله مو راضية كلش كلش
لو تشوفون دولابي يا ناس مهزله .. فساتين السهره معلقه
و شويه قمصان << اللي ما البسهم معلقه
و اللي البسهم
في جبل .. كل الملابس على بعض و لما ابي شيء
ابحث في الانقاض
و كل مرة ارتب ثيابي بعد يومين لازم يعتفس
و طبعا الملابس الداخليه و التي شيرت في الرفوف
و الاكسسوارات عندي له رف بعد الله لا يراويكم اياه
صراع اكسسوارات متشبركين مع بعض
و لما ابي البس شيء افكك السلاسل و الخواتم و الاقراط عن بعض
من جديه لما بطلع مكان لازم اجهز شنو بلبس و الاكسسوارات
و المكياج من قبل 3 ساعات .. عشان لا اتأخر و ادخل في معركه عنيفه
و حتى الدولاب الصغير حق الكتب الجامعيه و الاوراق المهمه زلزال
فيه ههه
يالله ساعدوني

مشكوره نساء علي طرح هالفكره
انا بصراحه اشوف انو اهم شي في البيت هو الخزانات
انا دولابي مرتب كل شي في مكانه
لكن عندي مشكله بعض الاحيان اكون مستعجله
وادور علي تنوره اوي شي بلبسه ما اشوفه
متي القاه بعد ما ارجع من طلعتي
هذا كله بسبب العجله
وانا دايم افكر اول شي بسويه ان شاء الله لبنينا البيت هو
غرفه ملابس في غرفه نومي تكفي البيت والجيران بعد
ههها
وهذي صوره حاطتها ببالي وسلمتي يا نساء

شوفوا الفرق ..
و هذولالالالالالالا ...
هاه شرايكم ؟؟ ههه انا دولابي هذا

ملسونا
اختي ملسونا طريقة رائعة بترتيب دولاب فيسهل عليك تناول اغراضك بسهولة
بارك الله فيك00

ألوان الحياه
اهلا الوان الحياة
احسست من طريقتك ان دولابك مرتب ولكن ينقصة بعض التنظيم فمثلا تقومين بغسل العبايات وكيها ومن ثم تعليقها افضل وحاولي تضعين فساتين السهرة بدرج مستقل افضل وامالبلوزات والتيشيرت قومي بطيها ووضعها في الادراج العلوية التي ذكرتيها اجمل من بقائها اسفل الدرج وتذكري ان وضعك للملابس مرتبة ومطوية يوفر مساحة اكبر
اما الملابس الدخلية خصصي لها ارفف منفردة بهذة تصبح اكثر نظامية
اتمنى انك استفدتي من افكاري

نمووله
تدرين وش ذكرتين فية يانموولة ذكرتيني بحال دولابي قبل خمس سنوات قبل لا اتزوج
إلا ان الملابس مكدسة فوقب بعضها البعض دون طي
والأوراق لا تعرف للترتيب من طريق. والإكسسورات وكانهم قمامة لا فائدة منها
وابوابه عبارة عن مذكرات تاريخية ورسومات وتعليقات وأسماء المعلمات الذين احب
ولكن قلت لازم اعرف ليش دولابي مايجلس حتى يومين مرتب
فحاولت اني اضع الملابس في الدرج وهي نظيفة ومكوية فخصصت لكل رف شئ مثلا رف لتيشيرتات والبلايز السبورت
وجزاء للملابس الدخلية لان كل ماكانت الملابس مرتبة ومطوية بشكل مرتب راح توفر مساحة اكثر
اما الاكسسورات
راح اعطيك كذا فكرة
الفكرة الاولى
للأساور .......إستخدمي حامل الأكواب لاتحتاجين لة ، بحيث كل مجموعة مع بعض
و ممكن تغلفين الحامل بالكلف أو بورق الشامواه ....
الفكرة الثانية
الاسطوانة حقت مناديل الرول الأسطوانية بعد تغليفها بالتجليد الشامواه مثلاً او اي تغليفة تفضلين
اما بالنسبة للكتب والاورق خصصي للكتب مكتبة صغيرة في ركن فارغ من غرفتك اما الاوراق احفظيها بصندوق
افضل وضعيها اسفل الدرج
شوفي شكل هذا الدولاب
وهذا شكلة على الواقع
اتمنى يانموولة اني افدتك ولو بالقليل

مشكورة لانا على تعقيبك ويمكن انتي ماتشوفين الاشياء الابعد ماترجعين يمكن علشان موكل اغراض مع بعضة
ان شاء الله تستفيدين من الافكار اللي اعطيتهم للخوات
يالله يافراشات وينكم نبي خبراتكم وافكاركم الحلوة