هل زوجك يعطيك مصروف

أنا كان بيعطيني شهريا ويكفيني
وكنت مستانسة
بس الحين لما زادت المصاريف وتجهيزات الشقة
قمت أقول له ما أبي
والحين اهو بنفسه ما يعطيني

انا عن نفسي لانه تونا متزوجين ماصارلنا سنه وماعندنا عيال فمو شايلين الا هم الاقساط خ خصوصا اني ماشتغل للحيني ادرس فراتبه اول ماينزل يكون لي وله وعمرنا ماحسبنا بعض منو صرف اكثر ولا ليش صرف والحمدالله عايشين

والله موضوع مهم بس مدري ماشوف ردود كثيره الظاهر الكل ياخذ مصروف !!
انا كنت اخذ مصروف بس قطعت للظروف والمصاريف لكن صدقوني
ابنك على ماتربيه وزوجك على ماتعوديه ..
اكيد فاهمين قصدي ومشكوره على الموضوع ..
تحياتي ..

انا للحين ما تزوجت بعدي مخطوبة بداية الايام كان يعطيني مصروف و استحي آخذه بعدين عادي قمت آخذه و اطلب منه اذا ينقصني
الحين يوم بدأنا نجهز شقه و مصاريف للزواج ام صرت احاسب له اكثر .. حتى انا عن نفسي ما ابيه يصرف وايد على مطاعم و ملابس و سينما ...الخ بس وايد جذيه حياتنا صعبه لان نبي نستانس بالخطوبة + نبي نجهز الشقه و الحفله عشان نتزوج في اقرب وقت .. بس عموما آخذ منه مصروف للجامعه و لما اطلع معاه هو يشتري لي اللي ابيه
ادعوا لنا الله يوفقنا و تترتب امورنا

موضوع حلو,,
اني الحين مخطوبة,,وأول ما ينزل الراتب على طوول يعطيني مصروفي ويقول لي اذا نقص قولي ولا تستحين,,واذا خلص مصروفي قبل نهاية الشهر بعد يعطيني وما يقول شي حتى لدرجة اني استحي منه ساعات,,واني عادي اذا خلص مصروفي اقول له ما استحي,,
تحياتي,,

تقصدين مصروف شخصى علشانى؟

السلام عليكم ورحمة اللة وبركاتة انا راح اخوش دغري بالموضوع
اولأ : زوجي مبسوط بالمرة يعني حالتة المادية ممتازة وما يقصر علي بشي أبد
بس المشكلة الوحيدة ما يعطيني مصروف أبد ماادري ليش؟ مو بخل منة باالعكس كريم جدا
دايم اقلولة يعطيني ويصرفني يقول اخر الشهر هذا لا الي بعدة وتمر الأيام وحنا على هذا الموال
وانا اقول بكل صراحة مايعطيني مصرف ويش اسوي في الحالة هذي لاتقولو نجلس سوى نتفاهم قدجلسنا نعمة واللة يعطيكم العافية (لاتطنشوني ردو علي بسرعة )

السلام عليكم ورحمة الله وبركاته
بالرغم من اني موظفة الا انه مايقصر ويعطيني مصروف
ودايما الزوج ملزوم على انه يصرف على زوجته حتى لو كانت ماديتها احسن من ماديته لان هذي حقوقها عليه .
تحياتي

الله يخلية لي يعطيني ويكفيني واذا اروح معاة نشتري الاغراض مايخليني ادفع
مشكورة اختي على الموضوع