هل من عادات اهل القصيم يزفوا العروسة

ان شاء الله البات يفيدونك ,, بس ما اعتقد وش الي محرم معقوله
دخول الزوج اوكي بس العروس

هلا فيك فراشة
وين البقية

هلا فيك اختي ايه عادي ينزفون بنات القصيم ومافيه شي اسمه حرام ودائما بتكون على حسب راي البنت هي تبي والا ماتبي بس الا غلبيه ينزفون وبالتوفبق ياقلبي

ههه
الحمدلله والشكر بس ..
لاحبيبتي وش من المحرمات وش هالكلام ..
لا عاادي عندهم سوي الي تبين الزفه عموما عند القصمآن وغيرهم تعتمد على نفس عادات العآئله يعني ماله دخل اذا كانوا قصمآن ولا لا ..
بعدين يااوخيتي ذآ الي سمعتي منهم ان الزفات من المحرمات لاعاد تآخذين منهم الكلام ترا واضح انهم فآهمين غلط ..
ووشسمه ذآ من نصيحتي لكم لاتسوون زفه والله مايجي من ورا هالزفات الا المشآكل واسمعي القصص انواع واشكال خصوصا اذا زفوا مع البنت رجلها لدرجه والله احيانا توصل السالفه للطلاق بنفس ليله الزواج يامن عين او تصير مشكله ..
وبس بالتوفيق ان شاء الله والله يجمع بين العروسين على خير ..

شوفي ياختي فيه ناس تزف بناتهم وفيه ناس لا يعني يختلفون فيه اللي يحب ولازم يسوي وفيه اللي يعتبره ماله داعي
مثل اهل امي ينزفون عادي ويدخل المعرس واخوانه ويرقصون ونسويلهم زفه كمان بس اهل ابوي مايعترفون بشي اسمه زفه يعني تختلف من عايله الى عايله بس اذا بتسويين عادي سوي ولايهمك احد

اهلا بالجميع
واحب اوضح انه مو انا العروسة
ومن خلال مشاركاتكم فهمت صراحه ان القصمان اغلبيتهم مايزفون
او ماعندهم وسط اما يزفون العروس مع زوجها وااخوانها
او يصكون عليها بالغرفة بالغرفة لامن شاف ولا من درى
اعذروني لكن هذا اعتقادي وخير الامور الوسط واحنا بنزف العروس وسط حريم وممنوع دخول الرجال
وعلى الله .....وربنا يستر

اللي اعرفه انه اكبر عيب تنزف العروس عندهم او احد يشوفها
وبالتوفيق للعروسين
استغفر الله واتوب اليه

اذا بتسوين زفه ترى عادي
واذا ماتبين أنتي ورغبتك يعني الزفه عندنا حسب
رغبة البنت والله يوفقكم