همبورجراتي الصغيرة لاتفوتكم صبايا

مرحبا صبايا...
صلو صلو على النبي وخشوا اتفرجوا...
المهم ياحلوين هذي طبختي لفطور اليوم اول شي سندوتشات الهمبرجر الصغيرة...
وهذي مقاديرها:
اول شي ناخذ كيس دجاج مفروم ونحط معاه 3 بصلات مفرومة شويا او مقطعة صغار على الاخير
ونحط معاه ملح وفلفل وكزبرة ناشفة ونخلطهم مع بعض زي الصورة....
بعد كدا نعملو دوائر مسطحة وندخلو الفرن لين تستوي زي الصورة اللي تحت...
بعدها نجيب التوست ونقطعه بالقطاعة او قوالب او اي شي ينفع للتقطيع...
زي هذي الصورة..
بعدها ندهن التوست بكاتشاب او مايونيز او صلصة اللي تحبوة وانا دهنته بمايونيز اللي بالكاتشاب
وبعدها نحط عليها اللحمة بعد مانخرجها من الفرن ونرش عليها جبنة مبشورة وندخلها الفرن الين تسيح...
وبكدا يكون الطبق جاهز وبالهنا والعافية يارب..