همسات الجنون للسالكين عكس الدروب

رواية جميلة ...
استغرب الذين دخلو وما ردووا ...
غرريبه ..
\\
أقوول بس كملي
وإن شاء الله تلااقين العضوات حواليك

{{**الب ارت الثان ي **]] الفصل الثاني .. همس ه .. أسقطتني ,, من بنيتها ما أصعب أن تبكي ..بلا,,{.. دموع ..} المستشفى : بعد ما طلعت روابي بسرعه أخذ مصعب الجوال بيكلم بسام .. بس اللي استغربه ايده ترتجف ما هو قادر يدق عليه .. كيف بيتكلم في عاره .. كيف يقول انها مع يزيد .. نفس الشخص اللي قال عنه بسام الى هنا مايقدر .. جلس على الكرسي دقائق .؟. على الاقل يهدي نفسه في النهايه قرر يكتب له رساله . . ريقه جاف حتى الكلمه ماهي قادره تطلع واخذ يكتب بسام الحق علي روابي ومسحها ماهو قادر يكتب شيء بس في النهايه لازم يدري على الاقل نربي هايزيد ال###### بسام الحق على آختك جايبها يزيد المستشفى وهي مغمى عليها واكيد كانت في بيته لان امه جايه معه اسم عايلته ال$$$$$$ وبعد تردد كثير ايده ترتجف وهو يكتب بس راح يكون اقوى من كذا ,وفي النهايه قرر يرسل الرساله :::::::::::::::::::: في بيت ابو بسام بسام على سريره يتمنى ينام بس ما اتوقع ينام بعد المصيبه اللي حلت فوق راسه ما عاد قدر يصبر اكثر من كذا شوي الا نغمةالرسائل عنده قرءاها وماهو مستوعب الى الان اهو ما يقدر يتصرف ولد ال$$$$$ يزيد ما غيره فز من على سريره وركض لأبوه يعلمه بالسالفه أكثر من كذا يسكت مستحيل ..!!
رجعو ا البيت وعلامات الدهشه والاستفهام والحيره على وجوههم من البلشه اللي ابتلشوا فيها اما روابي ما ند ري اهي نايمه من تعب الاختبارات او مغمى عليها من الخوف اللي لاقته وقف يزيد السياره في القراج امه نزلت من السياره ومستنيته ينزلها صاير حمال للبنت ذي بس وش علينا نسوي خير لله نزل من السياره متوجه للباب الخلفي .. وهي واصله عنده ..>> الأخ مطرطع و اول ما فتح الباب الخلفي تنح .. البنت عبايتها مفتوحه ,,وسيقانها اللي طالعه ..عليها جمال .. ما عاد قدر يتحرك ذي البنت فتنه وربي فتنه تذكر وجهها على جسمها لا اهو في ذي الحاله .. غير كلمه انفتن ما اتوقع تنقال .. ام يزن : يزيد ما ودك تنزلها يزيد : طيب يمه جاي جاي اخذ البنت على قولته حتى ما حاول يسأل عن اسمها نزلها من السيارة وحسب تعليمات امه طلعا غرفة ريماز ,,وهي بتحاول فيها .. وبعد ماطلعها .. راح يتسبح في غرفته ؟؟ الىّ اذان العصر خلاص ما يمديه ابد يقيل ونجلاء اللي طفشت لحالها في بيت عمتها ما حسبت وهم يجون يحاولون فيها حطوا بصل حطوا عطر بس روابي الى الان ما فيه شيء صحاها .. قالت نجلاء اهم شيء نتطمن انها حيه واكيد راح تصحا بعدين بس ام يزن ما قدرت تخليها اكيد .. البنت فيها مرض ولا ما صار زي كذا
] .. : بسام : 20 سنه اول جامعه وصديق ولد عمه مصعب مع ان مصعب اكبر منه بكثير روابي : 19 سنه ثالث ثانوي سامي : 10 سنوات مروج : 8 سنوات ما أصعب أن تبكي ..بلا,,{.. دموع ..} .. :: ما أصعب بكاء الأب على ذريته .. أتحسبون انه بالأمر الهين كلا والله كلا .. ابو بسام والدخان يطلع من راسه ,, اخذ يسب ويلعن وبنته وبيت $$$$$ وإنهم ما تربوا دمروا بنته و وطووا رأسه واللي فجر راسه او ما صدقه يوم يقول امه معهم معقوله شكلها مي امه احد ثاني بس ما احد راح يربيه الا ابوه روابي ما غيرها بنتي اشد شخص ,, كاد ينهار .. هو الاب ,, بعد ما هدى شوي ابو بسام با ين عليه كاتم غضبه : بسام انت متأكد بسام : مو بس متأكد اسأل مصعب بعد .. جابها يزيد الله يلعن جدفه ,, هو وامه المستشفى عندهم .. واسمه يزيد ال$$$$ ام بسام :واهي تبكي كذابين وربي كذابين.. لا تصدقوا بنتي ما تسوي كذا انا اعرفها روابي .. والله ما تسوي كذا ,, انا عارفتها بنتي ضناي . الكل صامت وخاصه الاب اللي ذي الكلمات تدور براسه .. بس اهو اقوى من انه يبكي سامي ومروج الخوف كاسيهم اول مره يشوفون امهم القويه الحنونه بنظرهم تبكي ابوهم ,, اللي ما عمره عصب عليهم يعصب .. روابي اختهم وينها.. نايمه عند بنات عمها بس!! ابوهم يقول ما يدري وينها ,, وبسام يقول لالالا هنا ما هم مستوعبين وش يقصد بسام ابو بسام : اهدي يا ام بسام ان شاء الله خير ,, بسام قوم معي المكتب ,, وبإذن الله وبصوت اشبه للهمس بريئه بإذن الله .. وبصوت اعلى قوم يالله بسام .. وبعد مناقشات وتدوير للحقيقه .. وان عايله ال$$$$ اللي نفس الحي ما يعرف من عياله الا يزن وماهر .. وثاني يعرف منهم انس يعني ما فيه عندهم يزيد .. بس ما احد يدري قررو يروحون بعد العمارة اللي قال عنها .. فاعل الخير .., اللي حاقدين عليه .. في النهايه ,, قال بسام وهو متوتر : يوبه انا ما قلت لك شيء يوم عرفت بالسالفه؟.بتردد ,,آ..آآ...آآقسم بالله تصرفت من غير وعي ابو بسام وباين فيه الغضب :وش سويت بسام :اول مادريت رميتها في حديقه حينا عشان تتأدب وتعرف انا ممكن نتركها لو سوت مره ثانيه مثل ذا الشيء.. ابو بسام بيشوف وش نهايه .. بسام : ايه ويوم جيت برجعلها الظهر دق علي بسام وقالي ان يزيد جايبها المستشفى ,, مع اني شايل جوالها بس يزيد ما ادري كيف درى عنها ابو بسام : تتوقع يزيد آه يالله يالله قوم نرورح للعماره .. وطنش بسام معنه كان وده يضربه بس ليش يرمي روابي المفرض خلاها في البيت على الاقل يبروها يعلموها ان الله حق بس خلاص فات الفوت .. ابو بسام ما توقع ابد ابويزن ولا ابو انس معروفين عيالهم ونعم التربيه.. في بيت ابو يزن كل البيت مستغرب من البنت اللي جت عندهم مارضيت تصحى لهم .. وابوهم .. مايدري من اهلها .. والمشكله نجلاء نسيت اسم عايلتها كل ما حاولوا فيها طلعت لهم ميتين اسم كله .. في النهايه عصب ابوم يزن عليها وقعدت تصيح ياربي ناسيه .. والله ما اتذكر .. ابد ما اتذكر .. قام ابو طارق( ماهر )اخذ بناته نهى وربى .. ومرته بما انه شافها داقه مناحه في بيت اهله ابو طارق "ماهر" وهو معصب في السياره وهم رادين لبيتهم :اش ذا الصياح بيت اهلي فشلتيني الله يفشلك نجلاء بصياح يفجر الراس : والله قول لبوك كيف يتكلم معي خير بنته انا ينافخ علي وهذا بيت اهلك لاعاد طبيته فأنا حماره .. ماهر: تطيبنه وانت حماره فاهمه ولا قسم لأحبسك في البيت لا لأهلك ولا لأهلي نجلاء : طيب اهلك كريهين وحتى ريمازوه ولا عمري جيت وفكرت تجلس معي دومها في غرفتها ولا لاجيت طلعت من البيت وامك كل ما اجي لبست عبايتها وللجيران حتى ما تتنازل تقول لي روحي معي واكثر من مره انت تشوفني اروح لهم والكل يخليني ويروح تتوقع هذول ناس يحبوني انا ما قلت حبوني بس يحترموني ونهايتها جاي ابوك اليوم يصارخ علي بنته ولا بنته انا ماهر وهو يحاول يكتم غضبه لأنه شايف البنات يناظروهم وهم خايفات ربى ونهى :3سنوات توأم ماهر: خلاص طيب (( : كأنه يسكتها )) وهو شاد على اسنانه في البيت خلاص سكري فمك .. سكتت وكملت بكي في السياره الحين ما وده بناته يشوفونه يتهاوشون يشوفونها تبكي كيف افهم ذي المره حريم الله لا يلوم اللي قال عنهم ناقصات عقل ودين .. لو انها مفكره متى تهاوش متى تتكلم جعلها وجلس يتحرطم في داخله من نجلاء اللي صياحهها عور راسه .. بعد مضي ساعات .
الساعه 3 الليل ,, صحت ريماز نايمه من الظهر صراحه طلعت كل النوم اللي ما نامته ايام الاختبارات صلت العصر والمغرب والعشاء جمع بس مو قصر ,, وصلت الوتر يوم سلمت فيه زي الجسم على الكنبه الطويله اللي جنب التسريحه .. هنا جن جنونها م..!!؟؟ !!..ي..؟؟!! !!..ن على طول حتى من دون ما تفسخ المحرم (الجلال ) ورفعت الشرشف مين ذي البنت ولا عمرها شافتها ولابسه عبايتها وهي نايمه بس الغريب ان البنت كأنها باكيه .. وبعدين بعدت عنها بسرعه لاشكلها سكنيه .. واخذت تقرى المعوذات بس ما اختفت هنا تأكدت انها انسي بس من تكون قربت منها ... وتضرب على كتفها بخفيف ..روابي فتحت عيونها وهي منفخه .. روابي :بسم الله مين وفزت وين انا مين انتي ..؟؟ ريماز :مين انتي مو انا اللي مين .. في غرفتي وفي بيتنا ومين انتي بعد والله حاله .. روابي تناظر البنت منفجعه من البنت اللي شبّت في وجهها على طول ,, جلست ريماز,,على الكنبه يوم شافت البنت مفجوعه قالت :يووه انتي في بيتنا انا كنت نايمه انتي مين ومتى جيتي عندنا روابي ساكته بلا رد امداها تجلس عنهم اللي كانت منحرجه منه يوم تدخل بيتهم صار دنقت براسها وبخوف حكت لها السالفه .. ريمازحزنت عليها بس الاكثر هي طارت من الفرح ريماز : تصدقين كنت هامه اصحى الليل لحالي واي وقعت تنطط ساعه..>> اسعدت روابي ,, ريماز صرااحه استانست بس قصتها حزنتني تخيلت اني مكانها ريماز : خلاص تعالي خذي من بجايمي ولا عجبتك الجلسه بعبايتك .. روابي : لا عادي انا كذا مرتاحه وفسخت العبايه .. ريماز : واي تنورتك تجنن من وين شاريتها روابي :من ****** تعرفيه ريماز : اكيد فيه بنت في السعوديه ما تعرفه بس حلو يعجبني انا والبنات وجلسوا سوالف انبسطت روابي مره وخاصه ان ريماز نفس عمرها صلوا الفجر وبدلت روابي ببجامه من بجايم ريماز برمودا موزع القلوب فيه بشكل حلوا البلوزه ساده وفيها قلب على جنب طالعه جنان عليها ريماز : يالدبه طا لعه عليك جنان احلى منها يومها علي : ثانكس ريماز :موب ثانكس منتي جالسه جنبي بسير جيكره :ههه طيري هناك ريماز :اشرايك نروح نفطر حدي جوعانه ,, بموت :لا استحي ريماز :"بالجزمه على وجهك امشي قدامي بس ,, :ما عندك ابد خليكي ناعمه شوي ريماز :ربي بلاني ببيت كله اولاد من وين اجيب النعومه :ههه ريماز : وانتي فالحه بس تضحكين نزلنا من الدرج وكان البيت هادي مره ريماز : غريبه ليش ما قصيتي الى الان شعرك .. روابي : احبه كذا .. كنت فالته وطالع جنان ريماز : الله يسعدك فيه روابي : ليش تبيني اخليه زيك بوي ريماز : لا هذا لوكي لا تقلدينه روابي :اش اللي محببك فيه مع اني احسك ناعمه بس كلامك دفش شوي حركاتك طبعك .. دخلنا المطبخ وجلسنا نسوي لنا فطور اخذت لي توست وحطيت فيه مرتدلا وماينيز وشريحه جبن وخيار ,, لفيت على ريماز محتاسه في التوست ولعبت في ابو جده روابي : ريمو حرام عليك وش تسوين ناظرت لي وباين عليها متوهقه ::هه ما اعرف تصدقين .. روابي : يا حليلك كان علمتيني اسويلك ريماز : اقول سوي لي وانت ساكته طلعت توست إلاواحد ناط عليهم من باب الحديقه .. جلست أناظر الطاوله وموجهه له ظهري مستحيه وجهي محمر والدبه ريماز ما عرفت تتصرف يزن : s hi girl يزن ماخذ راحته على الكامل :سماهر انتي من بيتنا ما تطفشين .. ريماز : يزن وجه اطلع هذي مي سماهر ومن غير اكتراث شال التوست حق روابي وطلع لصاله :ريماز give me جوس روابي تمنيت الارض تنشق وتبلعني وش ذا الاحراج ريماز : خلاص روابي ما عليم منه ريماز اخذت العصير وطلعت الصاله ليزن :تفضل يزن : الا ما لتي لي مين اللي عندنا ريماز : هذي روابي يزن : مين ريماز : ما تعرف اش قصتها يزن : وانا وش يدريني ريماز : اللي جات عندنا الظهر يزن : ايه اللي جات مع نجلاء يزن وهو مخلص التوست من زمان .. اخذ العصير وجلس يشربه بهدوء :يزن تدري يا الدب انك اخذ توست روابي يزن : وانا اقول ريماز تعرف تسويه غريبه قولي لها يزن يقولك الف شكر ::::::::::::::::::::::::::::::::::::::::::::: {{بيت أم مشبب }} .. $$ مع شروق الشمس فتحت غرفتي اكيد الحين كلهم مفللين والبيت فاضي مشيت رايحه لباب المرقص شفت غرفة غازي ظلما اكيد الحين نايم مع وحده من ها العاهرات ,, ادرت مقبض الباب و فتحت ريحته اف من زمان عنه ,, اللي نايم على الكنب واللي على الارض وحالتهم حاله ,, رحت لأول رجال عارفه الحريم ما منهم فايده الا اذا كان في الشنط ..لابس بنطلون زيتي فتشته وطلعت من بوكه ميتين خمسين خمس مئة ريالات وعشرتين خليتهم له بلا في شكله حتى الف كامله مهي معه ورحت لثاني لقيت الف يالله نعمه وجلست ادور عليهم واحد واحد وافتش جيوبهم وبوكاتهم في النهايه فيه ولد شكله صغير حزنّي جاي هنا ليه فتشته بعد ما معه شيء بس جواله يرن وحاطه على الصامت تركت البوك على الارض واشوف مين اللي يدق ههه يا حليله كاتب وزاره الداخلية ,, ارد هه بوهقه وجلست ساعه ارد ما ارد في النهايه قلت برد بس سكرت وزاره الداخلية ودق برقم ثاني العمده هه رديت وصوت رجال معصب : يا ############### وينك ,, واستمر يسب يالصايع والداشر وما فيه سبه في العالم الا سبه فيها وانا كله ساكته في النهايه قال لك لساعه 7 ياويلك لو ما تجي ثمن سكر ,, هه يضحك يحق له حاط على الصامت وهو جاي للاماكن ذي يقلعه جاي ولا قرش في جيبه اخذت الجوال ورجعت الشريحه وحطيتها في جيب بنطلونه الابيض البرمودا ببلاش يجي وانا طالعه لفتني واحد يا عليه جماال وسيم لدرجه وشكله منغنغ انا كيف فاتني ما فتشته ليقت معه6 الاف والله مو هين جلس ساعه اطالع في ملامحه يا ربيه يهبل الايخقق شوي وفتح عيونه على طول وقفت ثمن قال : شكلي عاجبك ركض للباب وطلعت من الباب الصغير اللي يطل على بيتنا الطين وسكرته بالمفتاح على طول خوفني رحت لغرفتي اعد الفلوس اللي معي اليوم كسبنا 30 الف والله مو هينه بس قهر بالعاده ايام الصيف نكسب خمسين سبعين بس يا الله تونا في البدايه بس خوف لو ما لحقت على نفسي كان رحت وطي وقعدت على كرسيها تصيح كل يوم تحمد ربها اللي نجاها .. في كل حزه في كل ثانيه ,,, بس قررت قرار رااح يكون معي لمثل هامواقف ********* ايه عشان يحميني .. مالي الا كذا :::::::::::::::::::::::::::::::::::::::::::::::::: ؟؟ بيت ابو يزن يزيد بعد ما صلى جلس في المسجد يقرأ قرءان وهو راجع مر المطبخ بيشرب ماء او ياخذ له لقمه قبل ما يرجع ينام وهو داخل شاب بنت حاطه راسها على الطاوله مين ذي بيطلع بس رجوله ما تحركت يا عليها شعر اسود وطويل وحرير يوصل لنهايه الكرسي وحاطه راسها على الطاوله مين تكون ,,..؟؟ بس تذكر ايه البنت اللي امس والله مو سهله اخيرا صحيت امس بالشتهم يزيد : لو سمحتي روابي وهي مازالت على حركتها رفعت راسها وتوها بتباعد الخصل اللي على وجهها رجال على طول غطت وجهها بيدينها يزيد>> يوه ما تستحي على خشتك يالثور وطلع بدون اي صوت .. روابي يوه احراج .. شكل من جد ما عندها اخوات .. وين راحت بس انقهرت مره ليه ما اعطتني على الاقل جلال قهر طلع يزيد وعلى الدرج على طول لا شرب ولا اكل .. تقهر على اي اساس امس حمال واليوم حارمتني من الاكل بس يالله فدا للجميلة ريماز شافته وهو طالع : صباح الخير يزيدوه يزيد : صباح النور وكمل طريقه ريماز :يزيد ليكون رحت المطبخ شكله اختبص :لالا مادخلته ليش ريماز : لا سلامتك الا مادريت عن البنت اللي جات امس يزيد : ايه شوفي هي بنت مين عشان نرجعها لأهلها ,, ريماز : استغربت صراحه >> بكمل كلامي طلع وتركها وباين عليه سرح اسغربت منه ماعلي ورحت للمطبخ عند روابي >> ..صفاء .. >> خلاص اليوم قراري ما اغيره .. راحت لدولاب وطلعت لها بنطلون جنز ماسك وطلعت لي بدي وردي ,, يوم لبستها ,, بسوي بروفات قبل ما اطلع لسوق جسمي مسود سواد اش ذا ليش بنت خالتي روابي مو مثلي .. نزلت دموعي قهر صادقه دعد يوم تقول اني سوداء كيف ماقد شفت نفسي ليش كذا حسبي الله على من كان السبب رحت لجوالي اللي معي من زمان بس ماعمري استخدمته دقيت على بنت جارتنا ليان هي اخبر في الحركات هذي ودقيت طوط طوط طوط بعد ثلاث دقات ردت ليان : هلا عمري ياصباح الورد صفاء: صباح الخير ليان : لا انا كذا ما اتحمل صفاء داقه علي لا انا يبغى لي حفله اليوم صفاء ضحكت ضحكه مجامله وباهته مره : ههه ليان : امري عمري انا تحت الخدمه صفاء :لا بس وحكيت لها سالفه جسمي .. ياربيه يا ذي البنت حبوبه قالت بتروح معي اليوم لمركز تجميل الساعه 8 وان شاء الله مع العلاجات ازين وجالسه تقول واني حلوه وبتغطين علي بعدين ,, استحيت بس فرحت بقوه الله يسعدها من جد فرحتني .. ....................... بيت ابو يزن ريماز : هاي روابي نمتي كانت روابي الى الان حاطه راسها على الطاوله .. رفعت راسها بهدوء روابي : لا مانتمت الا انتي طولتي جلسنا م

لالالالالالالالالالالالالالالالالالا انا كذا بوقف القصه ,, >>>> اذا ما اعجبت احد ليش انزلها ...

همسات الجنون للسالكين عكس الدروب .. .. .. .. مازلنا في البداية !! !
] ((,و البارت الر ابع .. ,,, )) وكل عام وانتم بخير .. لرمضان وقبل العيد .. (( ,,على أرجوحه الحياآآآآآآآآآآآآآآه ,,)) لمن تدوم الحياة ..؟؟!! لا اعتقد ..!! بل ربما ,, لك ,, أو لي في كثير من الأحيان يشعر الناس بعدم القدرة على الهرب من الواقع المرير وهناك من يقدر وهناك من يستسلم أمور نعيشها في حياتنا البعض يرها بالنظرة الايجابية والبعض تسيطر عليها مشاعره فيراها بنظرة عاطفيه والبعض يتصنع القوه ليتجاوز تلك المخاطر مازلنا نريد ان تصفوا حياتنا من كل المعكرات فهل نستطيع ... ؟؟ أيهما أنت..؟؟ ام يزن بعد ما نادت روابي اللي بتنجن من الفرح بعد يوم طويل عليها من الاحراج اخيرا اهلها دروا فيها بدلت ولبست التيور اللي جات فيه بعد ما جابته سرياتي مغسل ونظيف ونزلت مسرعه للمجلس لأن على حسب كلام ام يزن ابوها يبيها وهي تمشي للمجلس ,, روابي ,, وانا امشي رايحه لابوي الا اشوف الأجنبي قدامي عرفتوه اللي يوم دخلت بيتهم كان يرقص .. احراج كم مره شفته لا هذا شبع مني ,, تبلمت في مكاني مو عارفه وش اسوي يا الاهي امشي واخليه والا استناه يروح وانا بين افكاري قال :يا زين ها الوجه وانت توك راجع من الدوام احراج ما عطيته وجه وكملت طريقي ,, وما اهتميت للموقف ابد لأن عندي اللي اهم منه وهي عند الباب ابتسمت اكيد الحين ابوها خايف عليها تخيلت كيف يضمها وكيف يعاقب بسام بعدين لأنه تركها دخلت روابي بصوت عالي من الفرح:بابا بس استغربت فيه رجال كبير ما طلع ليه بس ما اهتمت فيه ما دام فيه ابوها ما عليها وراحت ركض بتضم ابوها بس المشكله ما ابتسم نظرته كانت نظره صخريه قربت تبي تحضنه بس ماحست الا بكف على خدها : آآآآآهه من قوته طيحها على الارض في البدايه توقعت انها دخلت على شخص غريب عشان كذا بس ليش ذا العنف والابو استلمها ضرب جلس على ركبته وبسرعه شدها من شعرها ويضرب في الارض : هذي نهايه ثقتنا فيك هذي نهايتك انا اللي ما ربيتك انا اللي ماعلمتك وقف واخذ الفازا اللي على الطاوله وورمها عليها روابي ما قدرت تتحرك لورى تبي تهرب بأي طريقه تحاول تزحف نفسها على ورى بس الالم مو قادره منه تمشي جلست على الارض وانفاسها متقطعه والدم يطلع من انفها وفمها و تتنفس بفمها مخنوقه تبي تبكي حتى ماسمح لها تبكي يوم شافها ابوها جلست اخذ يرفص في بطنها هنا ماعاد قدرت ايدها اللي متكي فيها على الارض زلقت وماعاد قدرت تمسك نفسها اكثر وصار جسمها كله طايح على الارض وابوها يضرب فيها ويتكلم بكلمات من العصبيه ما عادت تنفهم ومع كل رفصه تصرخ بألم بتقولوا وين ابو يزن من المنظر اللي شافه رجوله بردت ماعاده قادر يوقف الضغط عنده ارتفع والسكر ما قصر يبي يتكلم شيء لسانه انربط اهو نفسه منصدم من ولده ما توقع ان يزيد يسوي كذا اهو اعقل من اخوانه كلهم اهو اكثر واحد متدين من اخوانه وما توقع ابد ان ابو بسام بهاذي الشراسه راس روابي يطلع منه الدم وهي تصارخ بس كل ماجاء صوتها يخف.. يزن بعد ماجاء ما فكر مين اللي جاي او اش سالفه الرجال مع يزيد طلع غرفته يستريح شوي يزيد وهو داخل البيت من الاصل هو ما ابعد من البيت سمع صوت صراخ مره يقل مره يرتفع وباين منه انه صراخ احد يتألم دخل المجلس كله دم و ابوه طايح على الكنبه شكله حتى مو قادر يقوم و ابو بسام يضرب في البنت قام يزيد ومسك ابو بسام يزيد بصوت شوي حاد يبي ينبهه للي يسويه : انت جاي تموتها شوف كيف مو قادره تتحرك شوف الدم اللي يطلع ابو بسام وهو يتنفس بسرعه كأنه راكض له سنه يا الله يتحرك جاء بيكمل ضرب في يزيد وتوه ماد يده الا يزيد مسكها : شوف حدك حدك تقرب مني اول سكت مو عشان عيونك عشان ابوي بس الحين وقسم لو اشوفك بس تقرب من البيت ذا والله والله اللي خلقني اني امسح فيك الارض ابو بسام : يا التعبان ياللي ما احد علمك الادب وطلع من المجلس وهو يقول راجع لك يجيلك يوم هو يمشي وصوته يهدى لمين وصلت التمتمه :يجيلك يوم ماني مخليك شافته وهو يمشي ما ودها يروح الحين كيف بتعيش من بعد ابوها طقها في بيت الناس وتركها عيونها كل ما جالها وتغمض من الالم خلاص ما تقدر انحى راسها بقوه وصقع على البلاط واغمى عليها الضربات اللي جات في راسها مو شويه كل هذا تحت انظار يزيد شاف كيف عيونها تلاحق ابوها كيف الدم مستمر من انفها وفمها وبلوزتها ملطخه بالدم ومرفوعه من على البطن اللي مبين اللون البنفسجي فيه من الكدمات ((,,بيت اهل سماهر ,,)) ((..قلب الأم فهل نحن مكترثين له .. )) ام بشار تصيح خايفه على ولدها له يومين ما رجع البيت تدق على جواله مقفل كل ما سألت عنه احد ما يدري عنه وزوجها كل ما كلمته طنشها او يغير السالفه : قوم دور ولدك وينه اهو ما قال لها السالفه مايبي يفجعها بس هي مصره تعرف ولده له يومين ما تدري وينه فيه ابو بشار ناظرها بنظرات يعني وانتي ما تعرفين تصيحين يعني لو عرفت لو يدري كيف امه خايفه عليه ما سوى كذا وهو مو حاط اعتبار لأي احد وبعد سكوت قال : في التوقيف ..... وسكت بيكمل بعض الرجال اللي في الاربعين يبدأ في السالفه وممكن يجلس خمس دقايق ساكت ثم يكمل السالفه نفس الحاله كأنت مع ابو بشار ام بشار تسمع مستنيته يكمل مو قادره :في التوقيف ليش وحكى لها السالفه بس ام بشار ما تركته لا زم يطلع ولده قال ايش يبيه يتعلم بس قلب الام " تكفى يا ابو بشار لا تخليني على اعصابي . ابو بشار ولا يهمك الحين رايح له .. سماهر تدق على ريماز ما ترد مشغوله باللي يصير في بيتهم وبسرعه الاخت ما عنها وقت دقة على حنان سماهر : الو حنو شو اخبارك حنان وتسحب البطانيه بتتغمد فيها صلت العصر وبترجع تنام :منومه سماهر : يا سمجك قومي نبي نروح السوبر ماركت بكره الاستراحه ولا نسيتي حنان وهي تتثاوب : اه دقيتي على ريماز سماهر وهي تتربع على سريرها : دقيت عليها وعلى البيت بس ما احد رد لو تبينا ردت "وبدون اهتمام" ماعلينا بنروح من دونها حنان : لالا سمهوره كيف حبيبتي نروح من دونها سماهر بتطنيش : شوي وجايتك لا تنامين ثم ازعل منكم كلكم حنان :ياقلبي اكيد هي مشغوله عشان كذا ما ردت سماهر بلعانه تبي تتطفش حنان لا هي زعلانه ولا شيء سماهر تتصنع الزعل :بس ماعلي منها ليش ما ترد و لو انتي ما رديتي بزعل اجل تطنشني وقفلت الخظ في وجه حنان يتلفت محتار مو عارف وشلون يتصرف ارتبك اكثر وخاصه ان قربه من البنت راح يسوي له مشاكل تذكر المستشفى اللي الى الان مو عارف قصة الدكتور ليش صارخ عليه .. يروح فيها او لا ..,,؟؟بس ابوه أولى لكن مو معقوله يخلي البنت تموت شكلها يكسر الخاطر جلس ساعه يتلفت مو عارف وش يسوي راح بسرعه ينادي أمه ..عند سلمى.. .. عندما توشكين على فقدان ذاتك .. من سيساعدك حينها إن لم تجدي ذاتك ..سندك ... ؟؟ كعادتي دائم العصر يروح كل اللي في المرقص واروح انظفه تمنيت ان عندي شغاله على الاقل تساعدني زي البنات سماهر وريماز وحنان وبشاير كلهم حالتهم ازين من حالتي بدت دمعه تتسلل تبي تنزل بس ما عطيتها فرصه كل شخص له عيشته لازم يقتنع فيها وانا لازم اقتنع في عيشتي زي كل مره فتحت الباب الصغير اللي محد يدري انه يطل للبيت القديم في الحي اللي كل ماجاله يزدان هدووء ومع المكيفات كان بارد مره عكس البيت الطين اللي مكيفاته خربانه تمنيت يوم اغيرها بس غازي دمار ما يخلي لي ولا ريال بس انا مو غبيه لازم ادبر نفسي اهو عايش ومستانس فيها وانا لا صح مايقصر بس للبيت ولاشيء كل ماقالي وش تبين قلت ملابس الدولاب مليان وما استفدنا من الملابس شيء جلست انظف زي كل مره صوت احد يتنفس معي في الصاله بس قلت شكلها المكيفات صرت اتوهم بقوه هذي الايام في زاويه الصاله على اليمين اللي الضوء فيها بنفسجي خافت ذي الزاويه مره هاديه ناظرت فيها وتذكرت المزيون اللي اليوم الصباح بغى يلحقني غريب تركت التفكير فيه وكملت تنظيف وانا معي سطل فيه مطهر بالصنوبر انظف الارضيات وخاصه الجلسه اللي لونها ليلكي مع احمر وضوئها بنفسجي وعند الطاولات اللي بين الكنب شفت زجاجه وسكي مدري شنبانيا مكسوره لا تستغربون ترى ما عمري فكرت اعرف وش نوعياتها و موصخه الجدار شكل احد امس كسرها على الجدار اللي باللون الموف واخذت منشفه وغمستها بهدوء وبديت امسح الجدار لفيت باعصر المنشفه الا عيوني على عيونه نفسه اللي في الصباح من وين جاء هنا المفروض يكون راح من وين جاي وكل ماجاله يقرب ليين حشرني في الزاويه يا ربي انفاسه مخلوطه بانفاسي ابتكلم بس تبنجت مو عارفه وش اسوي من اللي راح ينقذني من ذا الموقف ما احد عندي انا انسانه سهله احد يضيعني ما وراي احد ما وراي سند اصرخ ما اتوقع يفيد بدت الدموع تنزل ووجهي صامت وعيوني مفتحه بس عيوني مو راضيه تمسك دموعها قال : لا ياحياتي لا تبكي إلا دموعك .. أم شكلي ارعبتك .. و انا نفس الهيأة ما تحركت ما ادري وش اسوي لا قوه ولا شيء ممكن اتصرفه قلت بعد سكووت وصوت مبحوح وخافت : تخ... ... ,,وف قال بصوت شكله رايق وانا منقرفه من ريحته خياس الله يخيسه ريحة الخمر في فمه آع:لا خايفه مني وقربني من حضنه وقال لابيبي لا تخافي انا مااخوف وربي ماكل بشر وبدون شعور عطيته ركبه بكل قوه بما اني قربيبه منه حييل .. مستحيل اسمح له قعد يأن: أه يالملعونه ليش وحاولت اركب على الكنبه وبطلع من الزاويه بسرعه مسك ايدي بكل قوته وهو يشغط عيونه من الالم: وربي ما تروحين انا لك :أه اه فك يدي وحاولت اسحبها بس اهو اقوى مني وبسرعه عضيتها وفمي يرتجف مافيني قوه ومسكت يده تألم اتوقع بتعلم في يدي .. :يدي بلا يبليك فكها قال بهدوء فظيع : موقبل ما اخذ اللي ابيه منك على بالك ما ادري عنك وعن الفلوس اللي تاخذونها كل يوم ساكت بمزاجي وبضحكه كريهه ههه او بالاصح عشانك انتي داخله مزاجي بطلع اللي في بطني يا عالم يغث يجيب البلا ايدي الدم تجمع فيها ونزلني من على الكنبه بكل سهوله ومد يده لبنطلوني الابيض البرمودا هنا انهبلت وش ممكن اسوي وبضحكه ماكره ترفع الضغط : هه بس ابي المفتاح اخذه وطحه ببنطلونه ومسك فكي بقوه جعل يده الشلل وقال وهو مقرب فمه من فمي: على بالك ما ادري من وين تجين ترى مراقبك عدل وقرب فمه زياده يبي يخوفني بين ايديه ارتجف خوف وادعي في نفسي اللهم احفظني من بين يدي ومن خلفي وعن يميني وعن شمالي ومن فوقي ومن تحتي واعوذ بعظمتك ان اغتال من تحتي فقط هذا الدعاء اللي تذكرته عسى ربي يستجيب لي يارب يارب فرحان بخوفي وشاق الخشه طبع بوسه على شفايفي بسرعه ابحرك يدي ابيه يفك فكي بس يدي متجمع فيها الدم مايمشي بحركها عيت مدري كيف كان ما سكها جعله يروح وطي تحت شاحنه خلاص ما فيني اتحمل صرت ابكي من الالم ومن البوسه اللي عطاني ما اتحمل احد ما اتحمل باسني ولا قدرت ادافع عن نفسي انا خلاص ما ني شريفه انا خلاص هذي يد اله مو انسان رماني على الكنبه وراح للباب الصغير يقفله وانا اناظره خلاص احسني صرت قذره اخذت امسح فمي بكل قوه مره وثنتين وثلاثه خايفه كيف بأتحمل كيف بأسوي .. ومر على المطبخ التحظيري بدايه الصاله اللي العلب القزاز مرصوصه عليه واخذ وحده وهو يناظرني بنظره انتم تعرفونها الله ياخذه الله ياخذه الله يصرف شره عني الله يصرفه :اش رايك بوحده .. ههه وفتحها وناظرني تبين تشربين منها ؟؟؟ ؟؟ ؟؟ ,,::(([[ /^_^/ ندي ،،م )),, في بعض الاحيان يضر العقل ؟؟؟؟؟؟؟؟؟,,لأخذ اجازه دخلت السوبر ماركت بكل فرح الحين يمديها تشتري كل اللي تبيه اخذت لها عربيه ابتسمت ابتسامه مكر من تحت الغطوه مخططه لكل اللي بتسويه في السوبر ماركت اول شيء .... ههه..؟؟ رزان : نديم انتظريني نديم وهي تمشي : لا ما ابي احد يجي معي رزان وهي تتريق عليها : ليش يا طويله العمر نديم : روحي مع البنات كوثر واثير يالله راحت رزان بكل طاعه استغربت ذا الشيء منها اهم شيء ههه لا بسه جزمه مع شراب .. وناسه ,, رحت على طول لمكان الاجهزه و الالكترونيات واناظر فيه شباب كثير وش اسوي الله ياخذهم عدمت الاماكن ما لقوا الا المكان اللي انا مخططه عليه افف ماعلي منهم مسكت بيد وحده العربيه واليد الثانيه فصغت فيها الجزمه وحطيتها في العربيه وتوني بكمل الاواحد واقف فوق راسي يقول : سلامات قلت له الحقير : جعلك ما تسلم من شيء ياحقير فتح عيونه كانه منصدم شقصته ناظرته وقلت : هي عيونك لا تتفقع جعلك العمى وهو بنج حشى ولو اني داعيه على بنيه شوي وبيصيح وبدون اكتراث فصخت جزمتي الثانيه وحطيتها في العربيه عرفتوا ليش ابي اقلب السوبر ماركت ساحة تفحيط .. ليت معي البنات وربي لنفلها صح بس ما علي انا مستانسه من دونهم .. وتوني بمشي والر جال واقف .. قلت له : اي خدمه ياالأخو قال وهو حده مستغرب : لا بس انتي ليش كذا قلت بقهر وبصوت عالي انا بديت امشي : يا ليل البعارين الملاقيف .. قلت في نفسي شكله تحسس من ذي الكلمه هالرقيق التفت براسي لورى بشوفه ابتسم ابتسامه على جنب نفسي اعرف وش كان يقول في عقله مشيت ولفيت مع اول صف عشان اختفي عنه وبالعربيه :عوء واضحك ههه وواركض لما المفرق وافحط مرح ثانيه هع وناسه حيل وانا في تجوالي شفت يا ألاهي وانا اقول ليش راحت بكل طاعه اثر تحت السواهي دواهي راكبه في العربيه ومخليه اثير وكوثر يدفونها اوريها خطتها احسن من خطتي .. وقفت مفجوعه ليش كذا اف بس ماعلي منهم انا ما عرفهم صراحه يفشلون .. تكفين ياشيخه وانتي وشو ركضت بسرعه والنظرات لي تتوجه ههه على بالهم مجنونه ههه جلست اضحك حتى دمعت عيوني ههه تذكرت البيت اللي يقول تلفت الناس لامريت اكسر ارقاب خلق الله.. خ حوء بالعربيه صارت تمشي عرض في الممر وانا توني بزينها طج طج طج طاحت العربيه وصدمت بقوه في جدار اه يعور حتى رقبتي ماقدرت احركها اه اه رفت راسي لأن الجدار تحرك وصرخت بأعلى صوتي من الصدمه::وا اي بنجت حسبت حساب كل شيء الا ذا الموقف ما تصدقون من شفت يا فشلتي يارب ما يعرفني راح اروح وطي لو عرف رفعت راسي اناظر له مره ثانيه طويل رقبتي كسرها من طوله الناس تطول بس مو كذا ادقق في ملامحه لا هو نفسه كان مبتسم وغمازته باينه رفعت راسي اكثر وهو باقي مبتسم بانت خطول حول عيونه عرفته هو ذاته مو احد غيره الكل يعلق عليه بغمازته والخطوط اللي تكون حول عيونه يوم يبتسم تتوقعون فيه احد معه لفيت بغباء اشوف وراه ممكن حنان او جنان جايين معا عرفتوه انس الهادي اللي دايم يحكون عنه رزين قال بعد صمت طال حللته فيه :اسف اختي .. وما مشى شكله بعد مستنيني اعتذر حلم ابليس في الجنه .. قال بدهشه : وش ..؟؟حلم ابليس في الجنه زي اللي بيتأكد انا قلت كذا او لا فتحت عيوني بقوه سمعني ياربيه انا ما اقدر اكتم شيء في بطني .. ناظر العربيه بعدين رجولي ومشى وهو حاط يده على فمه بيموت ضحك .. حابس ضحكته من قلب .. وانا واقفه مكاني ورقبتي للخلف اناظره بغت تنكسر رقبتي بس راح تنهدت بقوه شكله ما عرفني الحمد لله ليته ما يعرفني ابد .. مشى يدور سماهر وحنان وفي داخله يضحك ما ذكرته ذي الحركه الا في حركات نديم ايام زمان لو احد سأله راح يحلف انها هي ما غيرها احد مجنون في ذا العالم اتذكر خططها زمان اللي تحبهم ياحظهم بس اذا كرهتك توريك الويل من الماضي.. تذكر ذي الحركه يوم هو في الصف الخامس وهي في الصف الرابع بعد ما طلعو من المدرسه الظهر يوم يفصخون جزمهم ويبدون تفحيط في البقاله الصغيره اللي في حيهم كيف كانوا يفحطون ما يدري بس اللي متأكد منه ان البقاله كانت قوطي صغيره مره وبس قلت لها حماره قامت سوت لي مصيبه مدري وش قالت للأمهات وللأولاد اسبوع كامل محد كلمني كرهت حياتي فيها ما تحب ابد احد يدوس لها على طرف تصدقون منقهر منها الى الان مدري وش قالت لهم ناظرت على جنب شفت بنت في العربيه واثير وكوثر يدفون فيها وهي تجمع عصاير هنا حلفت مليون مره ان اللي صدمتني قبل شوي نديم رحت لهم :رزان وش ذا السخافه وبشده بخوفها انزلي .. رزان وبقوة عين : مابي انس بعد ما شديت على اسناني : انزلي بلا فضايح نزلت راسها ونزلت راسها الين من نديم تهون عندها نزلت وكملت اخذ عصيرات قلت : انت ومين جايه رزان وشكلها مقهوره مني حيل : حنى بروحنى بنشتري اغراض للاستراحه عندك شيء استغربت تفكير البنات ولو انا وين بنروح عشان يقضون ذا المقضى .. بس شكلهم يحبون الاكل موت بس اللي استغربه كلهم نحاف .. تركتهم واخذت لي بيره وجلكسي وحاسبت وانا طالع دقيت على حنان اذا خلصوا يعلموني ومريت مقهى جنب بنده كان رايق مره اخذت لي طاوله في الزاويه كانت هدوء مره والضوء خافت ما كن الوقت عصر وجلست في مكان منه يمديني اراقب اللي داخل واللي طالع .. تناسيت ولكني لم انسى اضافت اللمسات الاخيره على لوحتها كانت الرسمه عباره عن قارب في الليل على ضوء القمر يذهب وعليه فستان باللون الاحمر وكأن روح الانثى التي فيها ذهبت بعيدا كان القمر في ليله بدره والغيوم حوله كانت ترسم بما تشعر به في كل ايامها تركت اللوحه على الاستاند وفتحت النافذه ليدخل الهواء لكي تجف فهي لاتزال تحتاج الى الجفاف نظرت الى المرسم والى اللوحات التي هي فيه الاولى امرئه شعرها الى نصف ظهرها ولابسه فستان اسود حريري الى تحت الركبه وهي طاعنه بالسكين على صدرها وجهها لم يتضح فقد كان شعرها يغطيه والدماء تخرج من عند السكين منظر مؤلم لمن يستشعره .. انها تدل على الحزن فهي لا تفرح لذلك نظرت الى الاخرى فتاه توشك على السقوط وبالقرب منها شجره كأنها كانت تريد صعود الشجره ولكن هناك امر لم يجعلها تكمل الصعود نزلت دموعها كا المطر المنهمر هي تعرف انها رسمت تلك الرسمه دلاله على نفسها فهي كانت تتسلق شجرت الحياه ولكن ذلك الوغد تركها تسقط .. بألم مسحت دموعها وابتسمت هي بإمكانها ان تعاود الصعود مرة اخرى .. اجل تستطيع .. فقد بدأت منذ الصباح بالذهاب إلى عيادة التجميل و الآن ستداوم على الادويه والمقشرت التي أعطوها والكريمات لقد شرت اليوم كل ما يؤدي الى الجمال ذهبت الى المرءاه كي تنظر الى نفسها عينان واسعتان سود وشعر اسود حرير .. كل الفتيات تحلم به فهو كشعر اليابانيات قصته اليوم قصة الفراوله جعلها اكثر نعومه واعطتها حمام زيت لشعرها كي تهتم به : صف صف صفاء صفاء صوت امها فتحت الباب .. :هلا ماما ام صفاء وهي تحضن بنتها :صدق اللي سمعته اليوم راح ترجع لي صفاء بنتي الحلوه صفاء : افكورس مام وضحكت بفرح لفرح امها ,, من زمان وهي تحس نفسها سبب تعاسه والديها بس اليوم ورايح بعد الفرح اللي شافته في عيونها مستحيل تعيد الكره مستحيل تخليهم يرجعو للحاله اللي كانوا عليها قبل سمعت شهقات امها : ماما ليش تبكي ام صفاء : فرحانه لك يا بنتي اخيرا .. وضمتني وصارت تبكي بحرقه يوه لها الدرجه كنت معذبتهم .. كيف ما كنت احس بحزن امي ليش ما كنت اهتم فيها جلست ابرر لنفسي في داخلي ان المصيبه اللي كنت فيها اكبر من اني افكر في امي او ابي ضميتها اكثر وبديت ابكي ليش كنت ناسيه صدر الام انا تناسيت ولم انسى ..