هميتاج

دروب_m

11-02-2022 - 06:47 am

انا قريت في منتدى من المنتديات عن زيت هميتاج وايد اللي امدحوه وقليل جدا جدا اللي ذموه فياريت كل وحده استخدمته اتقول عنه بالتفصيل انا اول وحده صارلي تقريبا اسبوعين مستخدمته اول شي حطيته ثالثه ايام وره بعض في اليوم الاول ماحسيت بشي والثاني حسيت التساقط خف والثالث شعره او 2 اللي طاحوا والنعومه من اول يوم وبعدين صرت استخدمه متقطع الحين شعري يطيح بس موب مثل قبل لما امشطه يعني خف وايد بس لما اتسبح نفس الطيحان اول ثلاثه ايام كنت احطه اربع ساعات والحين ساعتين او ثلاث فايريت تكتبون تجاربكم هل استمر عليه والا لا هل اذا تركت الزيت بيرجع شعري يطيح والا لا انا في انتظاركم وعلى فكره هالزيت وايد له سمعته من كثر ماقرات عنه في ناس يسمونه المعجزه لانه يكثف ويطول ويوقف التساقط وينعم ويلمع الشعرونتايجه سريعه جدا جدا ومن تجربتي يوم استخدمته ثلاثه ايام وره بعض ماصدقت عيوني الي طاحوا بس شعرتين

التعليقات (9)

عروس البحرين

11-02-2022 - 09:13 am

هلا حبيبتي انا استخدمه صار لي شهر و اللي حسيته ان شعري خفت التموجات اللي فيه بشكل ملحوظ
و صار ناعم و لحد الآن وصلت لشهر و صلت نص القرشة المتوسطه بالضبط و انا استعمالي انا استعمله بأستمرار يعني تقريبا على طول في شعري ساعات قليله اا يكون مافي و يوم الاربعاء بالليل اغسله و احط الجمعه الليل لأني يوم الخميس اطلع و احس انه روعه بس الشي يبيله صبر و مواصله و متابعه

ام ملاك الزهره

11-02-2022 - 10:14 am

والله سمعت عن الزيت انه حلو بس الصراحه ما جربته ويا ليت اللي جربوه يقولون ايش صار معاهم
ويا اخوات دروب وعروس البحرين هل ريحته قويه؟؟؟

هدى888

11-02-2022 - 11:15 am

شوفو انا الزيت ماجربته بس جربت زيت بدر البدور مره يجنن اولا النعومه بصراحه ينعم ويطول انا مافيني قشره بس يشيل القشره وريحته مو شينه واللي تبغا ترسل عاخاص او لبدر البدور

دروب_m

11-02-2022 - 12:16 pm

ام ملاك ريحته خفيفه جدا جدا ولا يضايق كلش وبعدين اول ماتحطينه بتحسين انه حار تدرين ليش عشان يشيل الصداع ويطلع حراره الجسم وبتحسين انه راسج خفيف وانا لين الحين مستمره بس احط يوم وترك على امل اللي طاح من شعري يرجع لانه صاير كانه ذيل فار والكل تفاجا بضعفه من بعد ماكان كثيف وغسلي شعرج زين يعني فركيه والله مافي ريحه نفس باقي الزيوت حتى لمن تستشورينه

قمر 15^

11-02-2022 - 01:17 pm

اول مرة اسمع فيه ياليت تفيدونا اكثر

عروس البحرين

11-02-2022 - 02:18 pm

ابصراحه ريحته قويه و مثل الفكس تقريبا بس تعودت عليه و عندي عادي

ssalli2002

11-02-2022 - 03:19 pm

زيت هيمتاج رائع وانا اوفره لبنات السعودية
بسعر ارخص من السوق
لان سعره ارتفع عندنا بالسعودية

دروب_m

11-02-2022 - 04:20 pm

مقارنه بالزيوت الهنديه اللي ريحتها قويه مثل املا هو ولاشي عنده ريحته خفيفه جدا وتروح مع السبوح وهو اصلا في نعناع عشان جذي مثل الفكس لانه يخفف الصداع ويطلع حراره الراس واتحسين بعد مرور كمن ساعه انه راسج خفيف

الوان الطيف99

11-02-2022 - 05:21 pm

حبيبتي الكل يمدح فية
وانا انشالله راح استخدمة واقولكم تجربتي
واما في السعودية متوفر كثير وبسعر رخيص جدا

تغير اللوك←
ارجوكم ساعدوني→