هناك بالقبر وحدي

السلام عليكم ..هذه أول خاطره تجريت وكتبتها لكم ..أتمنى إن تنال إعجابكم وردوودكم على عيني وراسي ... وإنشاء بس ماأعكر مزاج أحد لان الكلمات قويه شوي ..
أنا أنسانه ولي إحساس ...
وأكيد الناس بعد مثلي ..
ولكن منهو بمثل سني كتب وصيه بصغره ...
وليه اللي بمثل سني أبد ماتطري له هالأفكار
أنا أدري لات وقتي مايسمح
أعيش أحلام ضميانه
أعيش أوهاام تعبانه ..
أعيش أيام .. شهور .. سنيني ..عطشانه ..
أبسقي زرعي بيدي وأبزرع هالورود كثار ..
ولكن من ردات الحظ وحدي أبزرع زرعي بيدي
ولا في إنسان بالدنيا ...بينفعني أبد والله ...
أبزرع وازرع وربي عظيم ويرحم العاني...
ألا يارب رحماتك على قلبي رحماتك ...
أنا إنسانه أبي أرتاح من عنى بالقلب وحداني ...
الا يارب أنادري كل هالدنيا ...فناء وبالنهايه قبر ..
هناك بقبري وحيده ...
أنيس لا ...رفيقه لا .. وكل الناس لاهيه عني..
أبد والله مالي بالهدنيا الا الدعوات بتنفعني ...
من يضمني لاصرت بقبري ومن يؤنس وحشتي ووحدتي ..
من يسليني يسولف لي لاضاق الصدر أو طاب
منو هناك ...
أكيد هناك أنا وحدي ..
صحيح أحب الناس ويحبوني ...
وأجيهم وهم بعد جوني...
ولكن بالقبر وحدي ..
بعد ماأموت
أنا ماأعرف شنو مكتوب لي من عمر ..
أموت اليوم أو بكره ... أو هاللحضه .. أنا مدري ..
ولكن بالنهايه موت ..
ولكن أدعي رب الكون أموت وحامله مصحف بيميني وساجده لله ..
ونهاية كلامي من الدنيا ..
أشهد أن لا إله الا الله .. وأن محمد رسول الله ..
وأموت موته ومرتااحه ..
أذا توفيت وغمضت عيني وأضلمت دنياي ...
لحضه ماحد يقوااها ...
بغسلوني ..يكفنوني ..
أبوي .. أخواني ... زوجي ..
يشيلوني وعلى أكتافهم محموله ..ويودوني إلى قبري
والحزن يحويهم والدمعات مليانه ..
هناك والقبرجاهز والناس تبي تدعي وتسجد لله بسجده ...
عظيم يارب هالموقف ...
ينلوني أقرب الناس للحد وحدي ..يغطوني بتربه ويودعوني ....
ودعواتهم والدمعات تحويني ...
وألى صرت أنا بقبري أسمع نعالهم فوقي ..أبوي
أخوااني
زوجي
تكفون ردوا لي ..
أنا وحدي خذوني بالله وياكم ..
أنادي بعالي الصوت ولكن حتى أقرب الناس قفوا لي ..
ولا حتى حنان أمي يرجعني ...
كذا حالك ياهالدنيا نعيشك وهم أحزان ماندري عن الخافي ...
أنا توفيت خلاص ورحت ..
ذكروني
أمي يابعد قلبي أبوي أخواني وزوجي وأصحابي واحبابي
أبي الدعوات لي تكقثر ...
ويارب إرحمنا لاصرنا بالقبر هناك ..
وأرحم أخوي وكل موت الخلق ....
سوري طولت عليكم أستنى ردوودكم يالغوالي ......