ههه الله يعين كل واحدة رومنسيه تعالوا نضحك

1. وحده ثانيه تقول:


2. إيش رايكم فيه >>>>>> طعس صحيح .


3. ههها اي

هذي وحدة تقول مره وصلني زوجي للمدرسه اللي كنت معلمه فيهاالصباح قلت له وانا نازله راح اشتاق لك ياحبي.... قال انزلي انزلي لا تروح عليك الحصه الاولى ..>> آآآآآآه بغيت اصفعه بالمسطره وقتها

وحده ثانيه تقول:

زوجي موراعي هدايا ابد قلت ابشتري هدية جوال الييستخدمة قديم المهم غلفته وكاتبة في كرت شعر وكلام حلو وعطيتة الهدية وكنت بجنبة المهم فكه بشراسة وجهه فيه علامات استغراب وتعجب وانا مبتسمة طالع وناضر قال لمين هذا؟؟ قلت لك حبيبي قال شاريتة بالفين وخمسمية يابنت الكلب !!! <<< والله هو الكلب
هو فرحان بس شوفو التعبير قسم بالله ذبلت ابتسامتي وهو يضحك يقول اول مرة احد يهديني بالمبلغ هذا بستصدقون رحمتة ههه ههه << غبي
وهذي وحدة ثانية تقول انها حطت شموع من عند الباب الى غرفة النوم والشموع طبعا على الارض وهي جلست في غرفتها وكاشخة وتنتظر زوجها المهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ماسواه والمسكينة انهبلت من اللي شافته المهم الزوج دخل الغرفة وقفل الباب عليه ونام بلحاله والله هالحرمه مواقفها كثيرة وتضحك بس للاسف الحين تطلقت << ماتنلام تطلب الطلاق عنيف ومتخلف
وحده من الحريم ملت من الروتين اليومي في حياتها وحبت انها تسوي مفاجئه لزوجهابسهره رومنسيه ...المهم قامت واطلبت الكيكه من الدبلوماسي والعصيرات
وخلت الاضائه بالمجلس هاديه وولعت الشموع ونومت عيالها وتزينت عشان تهيئ الجو لهم .....
.المهم جاء الزوج من الاستراحه وريحته تفاوح دخاخين
واستقبلته ودخلته للمجلس وقصت له من الكيكه
وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر
.تقول هي انها بلعتها وسكتت منب مخربه السهره...قام وكمل ذا الماصل وقالها الحين وراك طالبه حجم كبير
من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب.. <<< يبيله تكفيخ
.عاد هي حامت كبدها منه وطفسته وزعلت عليه......
.تدرون المفروض انها تحط له خبز وفول ويخب عليه هذا مهب وجه تدليع(جعله الضربه ذا البخيل)
هذي وحده من البنات توها متزوجه وحابه تسوي حركه لزوجها .
..قامت وتزينت وتجهزت من مجاميعه وحطت الاضائه هاديه وشغلت الدخان الصناعي
وانتظرته لحد ماشرف...المهم يوم دخل ويشوف الدنيا شبه مظلمه والدخاخين
حاجبه الرؤيه قام يركض للصاله وجلس يناديها
وهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ماترد عليه(جاء بيكحلها عماها لا )....بالله وش تتخيلون موقفها؟؟؟...
المفروض انها صبت على راسه موية نار.....
/ هذي وحده من البنات تزوجت وراحت للخارج مع زوجها بعثه للدراسه له ولها..
.المهم شافت ذا الحمران العطران ورومنسيتهم قالت خل اسوي مثلهم .
.وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من الايام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات.
..قالت إذا رجع وشاف الحركات هذي اكيد بيستانس شوي...المهم يوم رجعت من المعهد
شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى
وسألته قال الله يصلحك ناثره لي عشب على السرير وشلون انام عليه
(الله يقلعه مايميز بين الورود والعشب وش ذا ؟؟؟؟؟!!!!!!).
بالله مو المفروض تنثر على السرير تين شوكي عشان يتأدب ذا الباصق.....
وهذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب
ويعزمني بدال ما انا أعزمه...قامت وعزمته زي كل مره ويوم خلصوا ماكلين
قالت له اكرمك الله ياابو فلان على العشى...عاد هو شرق بالعصير من الروعه
, قال لها وشلون يعني؟؟؟قالت له الله يسلمك الفاتوره
دفعتها من جيبك اخذت المبلغ من بوكك قبل مانطلع....
.تقول عقبها طاح وجهه تأدب وصار يطلعها كل سنه مره (تعب نفسه صراحه)......
وفي وحده لاهي ولازوجه يدلون الرومانسيه وكانت بيوم راح تنقل لبيت ملك المهم شارت عليها
إختها إنها تشتري حركات فطلعت مره هي وزوجها يشرون شموع اشكال والوان وبعد فتره هي كان
زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس
شاف الدنيا ظلام يوم دخل على زوجته ولع النور وطفى الشموع قالها الله يهداك الحين أنا شاريهن لاطفى الكهرب <<< قمة التحطيم
هذي وحده جنانها البلونات عاد ذاك اليوم في كل جدر حطت نفاخه ..
وشك شك هذا طبعا صوت مفاتيح الباب جاء رجالها ..ومن غير مقدمات يوم شاف البالونات فقعها وهو معصب وقال لها لو يجونا ضيوف وش يقولون
هذولي لسع ما تخرجوا من الإبتدائي !!!
والله مسكين وبايخ حطم الحريمه..
ههه
وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها >>>>>> المهم ما أطول عليكم .
رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبوالشباب
وأنا كنت بداية الاجازة أروح لأهلي وأطول عندهم كذا يوم وهو قاعد بالبيت
قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه ......
واختكم في الله سوتها ......... تتوقعون إيش كانت النتيجة ............ ......... ......... ..اهئ اهئ
لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة >>> زوجي كتوم جداً
قلتله ياعيوني ياحبيبي عجبتك الحركة .........
قالي أي حركة لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه .

إيش رايكم فيه >>>>>> طعس صحيح .

وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال ؟؟؟؟؟؟ قال تكفين تكفين حكي ظهري فوق شوي لالا تحت شوي وانا ميته من القهر<<<< ماعنده نظر اصلا

ههها اي

وفيه واحده قالت بسوى لياله رومنسيه بس موفليل لما يجى من ادوام وجاء اظهر ونام وفى العصر صحته وقام شاف الغرفه سودا واطراف اسرير مركبه انافوره وهوه انفجع وقاعد يكبر ويركع ويقول القيامه قامت صدق هبلان
واحده كمان كانت مسافره عند اهله ووصله زواجه المطار وراح واطيار طارة عليهم وقالت مابدق عليه واقله اسويله مافاجائه وراحت البيت نومت الاعيال وزينت نفسه ودخلت ادولب واما جاء فى اليل تعبان ومرهق انبطح على اسرير والانور مطفيه وخرجت عليه من ادولاب تقول شبيك لبيك فلانه بين ايديك وهوه انفجع وصابه شلل وهيه اتجنانت قصه حقيقيه فانتبهو ...