هو قلبك خلي والا ملي هو صبح والا ظلام

بسم الله الرحمن الرحيم
بسألك.. بنشدك.. عن عشق وغرام...
هو قلبك خلي.. والا ملي.. هو صبح والا ظلام...
بسألك عن شمس سكنت في عيونك...
وعن عيون صارت لك جنونك...
بسألك عن انفاسك.. عن احساسك.. من هو خذاهم؟
بسألك عن اصحابك.. ربعك وناسك.. من هو اعلاهم؟
من هو انت في حياتك ؟ ومن هي حياتك فيك انت؟
من هو اللي اصبح رجاتك.. علمني وجاوب فيني اسألتي؟
أبي اعرفك لاني اجهلك .. ابي اوصلك واقراك
ان كنت بحر ودي اغرقك...
وان كنت ليل وسحر ودي اسهرك...
ابي علمك ابي خبرك ابيك من هنا وهناك...
ابيك اقرب من انفاسي.. واذوق طبعك القاسي..
ابيك كل شي فيني.. وابيك تكوني كل ناسي..
ابيك الام.. قهر للغم..
مزيل الهم.. مغذي الدم..
دوى للسم.. حلى للفم..
قول لي تم..
ابيك الاب.. لجروحي طب..
ابيك الحب.. جد ولعب ..
امن ورعب.. غيم وسحب..
سهل وصعب..
ابيك الصدق ابيك الحق..
ابيك الهمس ابيك الصمت..
ابيك الشعر في قومي..
وابيك الحلم اذا مانمت...
ارجوك لاتقول طماعة..
ابي الدنيا دروب وساع..
ابي الضحكة وابي الافراح.. وابي اجدد امل ماراح..
ابي اكون شمسك.. حكيك وهمسك..
يومك وامسك.. وابي اسكن جنونك..
ابي اكون لك سهر بالليل .. سفينة للبحر والسيل..
اخفف دمعتك والويل.. ظهرك لا نوى وقتك يخونك ..
ابي اكون الطفل لاحضانك.. ابكي ودمعي باعيانك..
اضحك وتشرق اسنانك.. واتدلع واتولع بس في كونك..
ابي اكون في قلبك الاول.. واكون انا التالية..
واقول للوقت لو طول.. يخليني في قلبك الغالية ..
انا من هي انا.. لوتسال؟
انا جرح وعنى.. انا القسى واللين..
انا "دلال" ومثلي مافي..
على الايام صبر وجلد.. اجحد من جحد..
والوفي اعطية المنى ..
انا الطيبة.. وانا يالحبيب الوفية ..
وانا لك متى مااحتجتني تلاقيني قريبة ..
انا الواثقة
وانا المغرورة ..
وانا الشعر في سبع بحور..
انا الانسان .... نبع الحنان..
فيني كثير عيوب.. ومن هو اللي بدون عيوب..
كذا الواقع مالنا عنة هروب..
انا دلال..
اللي احسن مني كثير
وانا احسن من غيري بكثير
باقي انت ياحياتي
وانت يا حياتي اجهلك من تكون!!!!!