هي تكابر ما اشتكت روعه لاتفوتكم

يقال انها قصه حقيقيه
وهذه ابيات رئيس نادي الهلال السعودي الشاعر
الامير عبد الرحمن بن مساعد
عندما بكى الأب وحكى له القصه !
هي تكابر ما اشتكت
وهي تكابر ما بكت
فيها امل انها تطيب
لين طاحت ايه طاحت وودوها طبيب
قال:
حامل توها اول شهر
لاتشيل اشياء ثقيله
وامنعوها من السهر
كيف حامل والبنت عذراء ؟
قال:
انت ابوها وانت ادرى
يمكن اخطت مع حبيب
قام ابوها وماتكلم
ناسي منهي وشنهي
ماذكر انها وحيده
مالها اخوان واخوات
صد عنها وما سألها
مادرت وش ف الحكايه
تسأله وهي تبتسم يايبه وش قال فيني
ليه ماتبغى تعلم
وش يقول فيني الطبيب
يايبه تكفى تكلم
يايبه قلي فديتك غير الوجهه وطول
كان في النيه عجل
واسألت ريم بخجل
يا يبه انت ضيعت بيتك !
وقف الموتر وحوّل
ثم مسكها مع شعرها
ومال عنها ثم نحرها
وغرقت ريم ف دمها
واظلم الليل وقبرها
شك فيها في شرفها
ما اقسى قلوب الرجال
صدَّق حتى الخيال
حتى ماتت مابكوها
مادرت اظلموها
وما سألت ليه وانكروها
وما سألت ليه اطعنوها
وليه يقتلها ابوها
وبعد ما ماتت بيوم
وقبل لايذّن الظهر
رن هاتف البيت رد ابوها
قالوا بيت فلان؟؟..
ابشرك طلع تحليل بنتك سليم
بس غلطنا بالأسامي
وشف ملف بنتك امامي
بنتك معها زايده
مادرى الدكتور ان ابوها قتلها
يوه
لو انه بس سألها !