و دوآآك عندي و من أظلم

والله لأوريك .......... شئ ما بعد شفته
//
مساؤكم / صباحكم
ممزوج بأريج الحياة ... و رونقها ..
//
تتوقعون وش ينفع مع الرجل
كذا
ولا كذا
ولا كذا
ولا كذا
//
انا صراحة احترت ..
كل شئ ما يعجبهم
كل يوم لهم مزاج
//
مرة زوجي قد يلمح لي أنه يحب المرة السنعة
و زوجة فلان هي اللي تسوي له و تسوي له
و زوجة فلان بيتها نظيف و ما عندها شغالة
و مرة فلان قايمة بأمه و أبوه و مريحته و مرضيته في اهله
و و و و و
انا من الفهاوة ثاني يوم أول ما رجعت من العمل رميت الجكيت و دخلت على طول على المطبخ
و سويت الغدا و كلها ساعة إلا وصل
ولقي البيت ولا أحلى و الغدا جاهز
قال : فيك شئ ؟؟؟؟
قلت له : لا حبيبي بس قلت اليوم أبي أطبخ لك ..
اتغدى و نام
قام لقي ماسكة المكوى و أكوي بالملابس
قال لي : لا لا لا منتي صاحية !!
والله قهرني :(
قلت له : انا مو زوجتك و ربة بيتك .. عادي هذا شغلي
قال لي : الله يشفيك ...
قسم بالله تحطمت :(
//
المهم .. تجربتي معاه مو مجرد تجربه
انا لي معاه تجاري
و ياما و ياما خذلني في مواقف و أسعدني في مواقف و عذبني في مواقف
//
فكرة الموضوع
كل وحدة تجي تحكي شئ صار مع زوجها
قهرها او أسعدها أو فجأة ما صارت تفهم له او حتى لو ضحك عليها و كشفت انه يكذب عليها
و تعلمنا وش سوت في هذا الموقف ؟؟؟؟
و نتناقش فيه .. و كمان لو ما عرفت الحل نتساعد في طرح الحلول
//
اخيرا ..
اللي تتحرج من أنها تطرح مشكلتها او موقفها و كيف انها عالجتها
ممكن لها ترسلها بالخاص
و احنا نتناقش فيه ا و نجيب لها حلول و كمان نشوف الحل اللي سوته صحيح ولا لأ ..
//
شرفونا بليز