واخيرا طاح زوج صديقتي تعالي يمكن زوجك يطيح بعد

عاد انا بقول قصة صايرة لوحدة من كثر ماضحكت عليه ا أخاف ربي
يبلاني بس اليوم لا فيه منقول ولا شي هذي قصة أنا شخصيا عايشت أحداثها كاملة
صديقتي عندها مشكلة سببت لها ولي معها ازمة نفسية حادة
انا وش دخلني دارية بتسالون بس انا وهي في نقاش دائم حول
موضوع مشكلتها ماخلت لا لاسنزا ولا نعومي ولا رذاذ ولا الريس
حتى الهرم الا شرت منه قمصان نوم وحركات عطورات العالم
عندها وكريماته العاب زوجية وكل الانواع موجودةوهي نظيفة
ومرتبة وكشخة وذربة وعليها شغل بسم الله على قلبهاعاد وين مشكلتها
في زوجها ( وهو حنا عندنا غيرهم) زوجها مهما سوت حركات مايعجبه
ولاتحسه يطير طيران زي بعض الرجال عاد هو مايقول شي بس تقول
عادي ردة فعله عاد انا صديقتي مااقدر لازم افكر لها بحل قلت لها يمكن
مايحبك قالت تكفين اللي زوجك ميت عليك عادي صديقات عاد ربك يحل
المشكلة من حيث لاتحتسب مرة قالها قومي والبس عبايتك وبرقعك وتغطي
وادخلي علي الغرفة وتحلف بالله انه من جد كان مبسوط يعني ماعجبه المشخلع
لا الأخ طلع يحب الستر من جد ياانا ضحكت ضحك بس فعلا غريب يعني
الرجال مو سوا ولا كلهم يحبون العاري والمتقصخ لأنه يسمج الوحدة بس العباية ذي
قصتها قصة عاد الصراحة أنا سمعت عن ذاك الرجال اللي لزوجته عباية مخصرة
وقال لاعاد تشتغلين في البيت الا وهي عليك عاد يله الليلة أكشخن والبسن العبايات وأدخلن على
أزواجكن وشوفن والله أنها تغيير صراحة
ملحوظة أنا سويت زيها مات من الضحك وبعدين قال وش عندك على هاالهبل
يعني مو دايم تضبط
طبعا بض الأخوات تسألوا ليه زوجها كذا أنا أقول هي دائما بعباية راس واسعة بس العطلة
هذي صارت تلبس عباية الكتف المزخرفة عشان تحضر بها الزواجات لأن بعضها مالها
داعي تكشف فيه وقبل ماتطلع تلبس من فوقها عباية الراس وتفصخها بالقاعة أثاري االأخ اعجبه
شكلها بالمخصرة