واسوني مالى غيركم

السلام عليكم ورحمة الله وبركاته
عندي مشكلتين وابي منكم تنصحوني
المشكلة الاولى/
ان اهل زوجي اذا فيه عشاء في مكان وهم بيروحون لازم يروحون معي بالسياره وانا هذا الشئ يضايقني بحيث انى اولا ما اخذ راحتى مع زوجي
وثانيا بعدها لو بروح عند خوالى وقلت لهم يلا يقولون لا اقعد شوي
واللى يقهرني ان عمي بس يجي يتعشى ويطلع
وولده الثاني مايجي البيت
بنات تناقشنا بهذا الموضوع مع عماني كثير وكل اللى يقولونه ان هذا ولدهم ولازم يخدم ابوه
اوكيه يخدم ابوه ماقلت لا بس مو بهذا الشكل ،، يوديهم ويجيبهم ايوه بس مو ع حسابي
المشكله الثانيه /
اخت زوجي بنات تخيلوا لمن يجي خطيبها تطلبني اغراضي من مكياج اكسسورات ملابس والخ
وانا استحي اقول لا وبنفس الوقت احنا تمام مع بعض
بس سوت معي موقفين خلتنى اكرها كره
الاول اعطيتها اغراضي ورحت لخوالي ونمت عندهم يومين وعلى اساس انها تلبس الاغراض قدام خطيبها بس تخيلوا ان اليوم الثاني كان فيه عشاء ولبست اغراضي قدام الناس اللى احنا بكره بنعزمهم ومصيري البسها انا
وطبعا عرفت هذا الشئ من خواتها وهي ولا كأنها سوت شئ
الثاني هي قاعده تجهز لزوجها واخترت لها قميص ولمن جات البيت ما اعجبها قلت لها اعطيني اياه واعطيك قميته
المهم جات وشافت قمصانى وخذت منهم واحد ولمن شفتها خذت واحد سكت واخذت قميصها بدون ما اعطيها فلوس قامت زعلت وسوت لي سالفه عند اهالها تقول لازم ادفع قيمته او ارجعه لها طيب وقميصي؟؟؟
نست ان دايم اذا ضاقت على ملابسي اعطيها اياها
المشكله يابنات انها صارت تقل ادبها علي وذلحين تقولي ابيك تروحين معي السوق تختارين معي ملابسي
عشان زواجها وانا ما ابي اروح عشان تعرف قيمتى وبنفس الوقت ما ابي عمتى تزعل منى
وشلون اصرفها