والله من تجربه شخصيه شعري محد صدق انه شعري جمله غير مفيده ههه

هلا والله بالفراشات ..
بنات انا والله العظيم من تجربه شخصيه دامت ثلاث شهور تقريباً
شعري كيف كان وإيش صار << ما شاءالله
كان كشه وانواع المطبات <<
ولازم استشوار وحاله وكل يوم كريم وشامبو ابي هجري الكشه تتسنع وتصير مره بس ما فيه فايده << اخلصي عليناا
المهم مرتن من المراارير إلي تمرمرت
دخلت الفراشه
وقريت عن الأملج مع زيت السمسم وعلى طول للعطار شريته
واول شهر حسيت انه خفت المطبات بس طلعت لي مشكله ثانيه
صاار شعري جاف وقلت اكيد الاملج جففه
عاد انا قعدت افكر وافكر هجري الحين وش اسوي
ابي شعري ينعم ويوم نعم صار جاف << والله حاله مع هجري الكشه
ورحت شريت بذور القطونا والسمسم وزيت النارجيل الاخضر ونقعت بذور القطونا والسمسم فيه
اسبوع كامل وبعد الاسبوع هذا صفيته وبعدين إذا بغيت ازيت الكشه حطيت في باديه مقدار الزيت إلي ابزيت فيه مع ملعقه املج مطحون
( السمسم وبذور القطون ما نطحنهم اما الاملج تطحنونه واحسن تشترينه وتطحنينه انتي )
( بذور القطونا خمس ملاعق والسمسم خمس ملاعق للعلبه كامله
والاملج انا اخذ مقدار الزيت إلى ابزيت فيه شعري واخلط معه ملعقه كبيره )
همن ياطويلات العمر قعدت استخدمه حوالي شهرين
طبعاً بدون اسشتوار
بس بقولكم مرتن كنت معزومه << احم احم
ايه واستشورت الكشه بالمكواة هذي السيراميك تعرفونه
المهم ويوم رجعت زيت شعري وبعد التروش حسيت انه قضا على المطباات بشكل كبير << لا احد يركز بالحتسي ترا متحمسه
المهم الزيت تحطونه اربع ساعات مرتين بالاسبوع
والله ان بنت عمي انهبلت يوم قلت له انه هذا شعري ما استشورته قالت تكذبين << لأنه تعرف ذيك الكشه
والاملج ترا ماله ريحه بس زيت النارجيل ريحته تصرع
عشان كذا ابخر شعري بعد كل تروش
يلا يابنات والله اني احبكم وابيكم تفرحون مثلي ونسيت اقولكم انا استخدمت الباميا << لااحد يطير عيونه
جبت روس الباميا وخليته بالشمس ثلاث ايام وبعده طحنته ونقعته مع زيت السمسم استخدمته يمكن شهر بس
من اول مره حسيت الفرق يطري الشعر بس خلص الباميا ولا زينته مره ثانيه
يلا فمان الله
واي استفساار انا حاضره انتم تامرون امر