وبعد غيبة طويلة رجعتلكم بحلى هاتاكلوا صوابعكم وراه وعمايل إدية كمان

1. كراميل تشوكليت فينجر


2. الطريقة


3. نضع السكر على النار لحد ما يتكرمل ويبقى لونه ذهبى (بس مش فاتح)

كراميل تشوكليت فينجر

بجد الحلى ده حلو جدا وأنا كنت شفته في التليفزيون كان شيف إسمه الشيف حسن عمله وعجبني شكله فقلت لازم أجربه ولقيت أخت كمان ربنا يجازيها خير منزلة صور البرنامج فقلت لازم أحطهالكم وأحطلكم التطبيق بتاعي في الآخر
1/4 كيلو سكر – 1/2 كيلو فريش كريم سائل– كيلو شيكولاتة دارك (شوكولاتة مبشورة علشان تسيح بسرعة)

الطريقة

نضع السكر على النار لحد ما يتكرمل ويبقى لونه ذهبى (بس مش فاتح)

ثم نضع عليه الكريمه الفريش بس خلوا بالكم لانه حيفور جامد ونقلب ثم نضع الشيكولاتة ونقلب لحد الشيكولاتة ما تسيح خالص واضعها فى طبق غويط واسيبها فى المطبخ لحد ماتبرد حتلاقيها مسكت شوية نضعها فى الكيس والقمع السادة ونعمل صوابع قى صينية عليها ورقة زبدة وادخلها الثلاجة لمدة نص ساعه ولما يطلع اساوى طروفه بالسكينة (زى الصور ) ثم اضع واحدة واحدة فى الشيكولاتة السايحه واستنى لما تتصفى من الشيكولاتة الزيادة وارصصها فى طبق واضع شوية شيكولاتة سايحه فى قرطاس صغير تعمليه من ورق الزبدة (كورنيه) وننزل بصورة عشوائية على صوابع الشيكولاتة ونعمل خطوط بالعرض وتقدم
هنا بعد إضافة الفريش كريم
وهنابعد إضافة الشوكولاتة
وبعد ما بردت وعملناها صوابع بكيس الحلواني
وهنا بعد ما طلعت من التلاجة وساوينا الأطراف
وهنا بعد ما غطيناها بالشوكولاتة
وبالنسبة لتطبيقي للطبق ده...أنا عارفة إنه شكله وحش ...بس معلش أصل أنا كنت مستعجلة أوي وعايزة أخلص لأن اليومين دول ورايا أمتحانات في الكلية
ادعولي ان ربنا يوفقني
وآدي صورة التطبيق
وأنا حبيت هنا أقدمه بشكل ميني لأنه بيبقى طعمه ألذ
الواحد بيخلص واحده يعوز كمان
وبالف هنا وشفا