وجه صافي ونظر وفاتح بإذن الله بدون خرابيط بطريقه طبيه

السلام عليكم ورحمة الله وبركاته
حبيباتي حبيت انصحكم بكريم ان شاء الله راح ينفعكم بإذن الواحد الاحد
لانه كريم طبي وسعره حلو ويكفيك فتره ومن الصيدليه
هالكريم راح يعملك تقشير اول اسبوعين وبعدين راح تشوفين بداية نتايجه
استخدميه لوجهك لاي اثار بجسمك لركبك اكواعك
انا شفت نتايجه على وحده وعجبني
استخدميه شهر او شهرين ولايزيد عن 3 شهور طبعا هالكلام مكتوب بروشتته
انا ببدأ استخدمه الحين
يابنات احسه كريم ماشاء الله روعه
راح اقولكم كيف عرفته
رحت عند دكتوره عشان اسألها عن شي في جسمي
المهم وقلت بالمره خليني اسألها بشي للوجه
ونصحتني بهالكريم
اللي هو بيجمانورم
رحت فتحت عنه بالنت لقيت بنات مستخدمينه عرايس مثلي على الوجه والركب ويمدحونه
وسألت عنه الدكتور العيسى وقالي هذا اآمن عالبشره
الكريم عباره
عن كريم مخلوط فيه نسب طبيه من مركز طبي طبعا خالطينه بنسب معينه بحيث انه مايأثر عالبشره بشكل قوي
فيه نسبه من الريتن اي ونسبه من الهيدروكينون
طبعا الريتن اي غني عن التعريف مقشر بفيتامين a هو مقشر قوي لكن بالخلطه موجود بنسبه مي قويه
يعني اذا استخدمتي بيجمانورم بيكون اخف من استخدامك الريتن اي لوحده
اما الهيدروكينون فهو مفتح موجود في كريم الدكين فورت اكيد تعرفونه
والاهم فيه نسبة كرتزون لكن نسبة وجوده خفيفه جدا 1% وهالنقطه اسألوا عنها اي دكتور او صيدلي انا سألت وقالولي النسبه ماتأثر هي موجوده فقط عشان الجلد مايتهيج
لكن ماتستخدمينه اكثر من 3 شهور وانا اشوف شهرين كافي جدا ان شاء الله لاستخدامه
عالعموم انا نزلت هالموضوع لعدة اسباب
اولا لاني عروسه وحاسه بمعاناة كل البنات وحبيت انفعكم
ثانيا الخرط حق الكريمات اللي نازلين فيه بعض التاجرات واحنا في وضع محرج وينلعب علينا بسهوله وفلوسنا راحت
ثالثا لان اهم شي بشرة الوجه حساسه واحنا عرايس وهالنقطه مهمه لنا
رابعا اني ابغاكم تدعون لي بالتوفيق والسعاده
لاني وربي شاهد احاول انفعكم كثر مانفع نفسي
نصايحي اللي جمعتها لكم عن هالكريم
اولا استخدمي معاه صابونه طبيه تناسبك على حسب بشرتك
ثانيا يستخدم معاه كريم حمايه من الشمس
ثالثا لاتحطينه بالنهار وتطلعين بالشمس اصلا كافي مره بالليل
رابعا ابعدي عن اي خربوطه للوجه معاه لانه هو بيعالج البلاوي بإذن الواحد الاحد
خامسا ابتعدي عن دعك الوجه حتى اذا نشفتيه نشفيه بالطبطبه
اهم شي المرحله اللي بيطلع فيها القشور لادعك لاشمس بدون حمايه لالعب بالقشور
سادسا
القشور ماتطلع واجد مره يعني كأن وجهك ناشف مره
الكريم تتركينه تدريجيا ممكن تبدأين يوميا الاسبوع الاول
الاسبوع الثاني يوم ايه ويوم لا الين مايصير يوم او يومين بالاسبوع وتوقفين
اعطيتكم
كل شي اعرفه واي سؤال انا حاضره
ولا اتحمل نتيجة اي وحده مثلي مثلكم بس الكريم بنظري مضمون وحلو بس اخاف وحده تخبص وتدعي علي وانا بس حبيت افيدكم
لاتنسوني من الدعاء