وحدة بتسوي فطور في المدرسة وش تقترحون عليها

تشيز كيك يخلي الحفلة واو
اموت فية

السلام عليكم اول نبارك لها الترقية خليها تسوى رول التوست حلو مايحتاج وقت موفقه فديتك

يعطيكم العافية
انتظر افكار جديدة.......

هلا اختي
فيه عندك ساندوتشات وفيه انواع كثيره خاصه بالتوست
فيه خلطه التونه مع التوست
وفيه كلب ساندوتش
وفيه لبنه مع زعتر وزيتون
وطبعا يكون الصحون مزينه ومرتبه تطلع تفتح النفس
واذا لقيت شي ثاني زياده بجي اضيف
ومبروك لها الترقيه

تذكرت ممكن تسوين بالبف باستري مع جبن الكيري تكون مثلثات صغيره وينرش فوقها شيره
وممكن تتسوى البف باستري تحطينها بقوالب وتحطين فيها خلطه جبن مالحه وجبن كرفت وبيض وذره وتحطينه بالفرن تتحمر بس مرة حلوة ولذيذه وخفيفه
وترى هذي الطبخه موجوده بكتاب اطباق النخبه

تسوي صواني تخليها دافية مو شرط حارة مرة مثل عيش باللحم وبيتزا

أولا مبروك الترقية
تانيا تسوي معجنات وفطائر بالسبانخ أو الجبن أو اللبنة وغيره وكروسان وخلية النحل وبيتزا تعملها بكذا شكل وطريقة
# حلا تشيز كيك بارد بأي نكهة هي تحب أو حلا الشعيرية

اهلين حبيبتي مبروك عليها الترقيه
اللي قلتيلها عليه مره اوكي وهذا المطلوب
وخليها تضيف عليها ساندويشات تونه وساندويشات مرتديلا
طريقة ساندويشات التونه..
خبز توست
تونه
بصل مفروم ناعم كميه بسيطه
كزبره مفرومه ناعم
فلفل رومي مفروم ناعم
ثوم مهروس كمية بسيطه
ليمون
ملح _ فلفل اسود
خس مقطع شرايح رفيعه
مايونيز
الطريقه..
تخلط كل المكونات مع بعض بالشوكه عشان تصير ناعمه
بعدين تحشي فيها خبز التوست بعد ماتشيل الاطراف وتقطع كل ساندويشه مثلثين او مستطيلين.
او نفس الحشوه تقدري تحطيها في الصامولي الصغير وتحطي عليها كم شريحة زيتون اسود تبع البيتزا المقطع
يعني تسوي شكلين اذا حابه.
ساندويشات المرتديلا..
خبز صامولي الحجم الصغير مره
مرتديلا لحم
ديك رومي مدخن
جبنه سلايس
خيار شرايح مدوره
خس
الطريقه..
قطعي المرتديلا والجبنه مستطيلات بحجم الساندويشه
وحطي اول شي الجبنه وفوقها المرتديلا وفوقها قطعة خيار.
وساندويشات الرومي المدخن حطي الرومي في الصامولي وفوقها قطعه خس وفوقها شريحة خياره.
ونسيت اقولك كمان البيتزا الصغيره اهم مافي الموضوع لا تنساها والسبرينغ رول كمان حلو ولذيذ ومايبغاله تسخين ممكن يتاكل كذا عادي
واذا حابه طريقتي فيه قوليلي واكتبها لك انا اسويه على الطريقه الصينيه مره جونان
وبالمره قوليلها تعزمني بالله عليك ههه

يفضل انها تعرف مزاجهن يعني هن يحبن الاكل الشعبي ؟ والا غيرة من الاكلات الخفيفة او الدسمة ؟
انا اقول شندوتشات منوعة من توست بمرتدلا واجبان ولبنة ودجاج ... وخبز عربي بالطعمية ..وخبز صامولي بالكبدة ..... همبرقر ... يعني تسوي كوكتيل بانواع الخبز وتشكل بالحشوات وتتفنن .. ممكن تسويها قبل بيوم وتحفظ بالثلاجة
بالاضافة للاكلات الشعبية ترا كثير يحبونها مثل المحلى .. والمراصيع ..والجريش كلها تصلح عالفطور وسهلة ماتاخذ وقت في اعدادها
والمقبلات مثل الكبة وورق العنب
والكباتشينو والموكا حلو كتغيير عن القهوة التقليدية
هذا رايي المتواضع