وداعا للمواد الكيميائية مزيل العرق لايفوتج

دلوعة_الإمارات

31-01-2022 - 06:33 pm

مرحبا بناتات...
من خلال استعمالي لمزيلات العرق فإنها تظهر الرائحة وتسبب اسمرار البشرة و السرطانات و غيرها من المشاكل..علشان جذي يا بنات..
نصحتني احدى صديقاتي بستخدام خل التفاح نعم (الخل)!!! فانا نعم استغربت ومن خلال تجلربتي للخل وايد استفدت لا رائحة بعد اليوم
الاستعمال:
احضري قطنة وضعي القليل من الخل وافركي منطقة الابط
متأكدة راح تستغربون بس النتيجه مضمونه وراح تدعولي..
و لاتنسون اتخبروني...شو صار معاكم..اتريا الردود..

التعليقات (8)

روح الفراش

31-01-2022 - 08:47 pm

وشلون حبيبتي بعد كل ترويشه ولاكل يوم الرجاء التفصيل الممل الله يرضاعليك

صدى السعوديه

31-01-2022 - 09:48 pm

شكرا على المعلومه جزاك الله خير
تحياتي

جورجي **

31-01-2022 - 10:49 pm

مشكوره بس ما يسبب حساسية

*^ قطيوة^*

31-01-2022 - 11:50 pm

شكرا عالمعلومة يا حياتي
بس مثل ماقالوا الاخوات
مايسبب اسمرار منطقة الابط او الحساسية؟
و أنا قمت استخدم بودرة الاطفال جونسون اللي علبته بيضه
و مع اني ما احس انها تأثر وايد بالرائحة لكن الاسمرار قل
و تسلمين و يعطيج الف عافيه ياقلبي

أستبرق

01-02-2022 - 12:51 am

السلام عليكم ورحمه الله وبركاته
مشكوره أختي على هذه المعلومات المفيده
وبعد الليمون زين بعد ماتتسبحين تاخذين ليمونه وتعصرينها في قطنه وبعدين تمسحين بها الابط والليمون بعد ايبيض الابط بس لا تحطينه اذا انتي توج شاله الشعر باللحلاوه ووبشرتج متحسسه لأنه بيحرقج.

أم حموود

01-02-2022 - 01:52 am

مشكوره على هالمعلومه

أم جمانا

01-02-2022 - 03:54 am

فيه طريقه افضل لإزاله الرائحه وهي انك تأخذي شبه ومسك من العطارين وتخلطيها مع بعض
وتستخدميها
ولإزاله السمار تأخذي ملعقه شوفان مع شويه عصير ليمون وتخلطيها وتستخدم في الأبط وفي الاكواع والمناطق الغامقه
ويعطيكم العافيه....................................

قمر دبي

01-02-2022 - 04:55 am

مشكورة ع المعلومة ...

الورد البلدي الحمر يستخدم للعلاج←
انتباه لحزم المعده→