وداعيتي لزوجي قبل الولاده وتجهيزاتي للنفاس ولبيتي اذكروالله

1. واذا الموضوع ماعجبكم كذا يكفي00


2. (((هذا التكمله الي بصفحه 7 نسختها)))


3. والكريمات بالليل واغسلهم الصبح00

السلام عليكم ورحمة الله وبركاته00
بنات اللي مايعجبها شي00
تدعي لي ربي يسهل ولادتي00
واللي يعجبها تذكرالله00 وتدعيلي00
بنات انا من بداية حملي كنت متعقده مشاكلي كثير وتعبت زوجي وان شاء الله بشهر 8بروح عند اهلي فقررت اسوي وداعيه لزوجي ارد جميله علي 00
ويابنات ترا ميزانيتي بسيطه فماله داعي تعليقات جارحه00
اول شي تعبت وانا ادور على استراحه رخيصه وبسيطه والحمدلله لقيت استراحه ب350
وبروح مع اخوي واودي اغراضي كل شي وبرتب الوضع هناك
فيها خيمه بيكون فيها التلفزيون وبحط فيها فراش ارضي واضبطه واحط عليه مفرش ساتان ابيض واحط عليه ورد مخملي احمرواجيب اضاءات وشموع واضبطهم فيها00
وعلى الثيل جمب المسبح بحط الطاوله وعليها فازه فيها ورده وحده حمراء وهديته مغلفه والصحون والملاعق
وبجمبها الشوايه وعدة الشوي واكيد مانسى ترمس فيه المشروبات الغازيه والعصيرات00
هذي للعشا وبحط حوالين المسبح شموع كبيره مرره وبوزعها كوبس
وعلى الثيل من الجهه الثانيه فرشه ارضيه وعليها القهوه ووالشاي والحلا والمكسرات ومخده لوحب ينسدح يشوف النجوم خ
ولاانسى ملابس لي وله للسباحه لوحبينا نسبح
هذي الصور هنا الجلسه الارضيه
وهنا الطاوله وعدة الشوي والسباحه
طبعا بتقولون ايش جبتي له هديه
بصراحه كنت محتاره بين 3 اشياء
واخترت اني اشتري له مرايه بلوتوث للسياره وهي مرايه يقدريكلم فيها مثل الجوال00
وهذي صورتها
هاه شرايكم اكمل والا لا00
اذا بتشجعوني بكمل لكم وش مجهزه لنفاسي عشان ارجع له احسن من يوم زواجي00

واذا الموضوع ماعجبكم كذا يكفي00

(((هذا التكمله الي بصفحه 7 نسختها)))

بنات ترا موقصدي ازعلكم انزل نص واخلي نص بالعكس كان ودي انزل الموضوع كامل لكن فيه بنات تعليقاتهم بايخه يعني الوحده تتكسر يدينها عشان تنفع اخواتها وتتفاجيء بكلمه مثل قديمه والا بايخه وانا ماقلت للبنات الي مستواهم اعلى من مستواي المادي يسوومثلي الحمدلله انامستواي متواضع بس حبيت اعرف انتو من اي نوع00
نرجع حق محور حديثنا00
انا يابنات اثناء فترة حملي كنت حاطه لكل شغله بسويهامبلغ معين ومسكرتها بضرف وكاتبه عليه المبلغ وشنو الشغله مثلا 30ريال بدكير وناكير وحاطتهم بالضرف ومقفلته
مكياج 200 او300 على راحتك وتحطينه بالظرف وتقفلينه وتحطينهم بالشنطه
الي بتروح لهلك اثنا فترة نفاسك00
ومقسمتهم قسمين ظروف افتحها بعد الولاده بسبوع وهي ظرف الخلطات والزيوت حقت البشره والشعر وكريمات المنطقه الحساسه تفتيح وترطيب
وظروف ماتنفتح الاقبل الاربعين بكم يوم يعني يوم 35 وهي حقت الصبغه والحواجب والحف والحنا وهدية زوجي وكمان حقت لبسي لارحت لبيتي ومفرش السرير حق غرفتي
وفيه ظرفين ينفتحو يوم روحتي لبيتي وهم المكياج والاستشوار00
وطبعا ماراح اعمل اي نظام لافيافي ولاغيره لانه يعدم بعض الحريم00
لكن بعتمد غسول واحد وهو المره والملح فقط تنشيف وتطهير وهي اني احط المره والملح بعلبه واخليهم مركزين وبالثلاجه وكل ماجيت اتوظأازيدهم مويه حاره واغسل00

والكريمات بالليل واغسلهم الصبح00

والزيت يوم بعد يوم واغسله وانشف كويس ولازم اسد اذاني بقطنه اومنديل والف شال ثقيل بعد الغسيل والشراب لاانساه وكل اسبوع سكراب وتقشير00
وطبعا يوم الاربعين بتكون بشرتي وشعري تمام وصابغه وناقشه مع اني اكره الحنا بس كنوع من التغيير وجاهزه وبتجيني الكوافيره وتضبط الشعر والمكياج وبتروح اختي او انا وارتب بيتي ومعي طبعا شغاله بالساعه بسرعه تمسح وتنظف وتبخر بيتي واحط مفرشي الجديد وناموسيه حلوه نفس لون المفرش وشمووع وافتح الفواحات والمعطرات الي فالبيت واغراضي واجهز قميص نووم حلوو00
واذا خلصت مكياج وشعر اتصلت على زوجي وطلعنا تعشينا ونرجع لعشنا بنات بالله الي تعجبها افكاري تذكر الله
وبالنسبه للمرايه سعرها 350 ريال وميزتها يكلم فيها بدل الجوال ويسمع مقاطع من جواله بدون ماينشغل فيه ويشوف الرقم على المرايه00
والاستراحه اخاف ادلكم عليها مالقى حجز باليوم الي ابيه
تخيلو ههه
عالعموم اسمها استراحة وسيم00
ومشكوررين وماقصرتو على تشجيعكم00
ادعولي ان الله يطول بعمري واسوي كل هالاشياء دايما اوسوس اني اموت وانا اولد الله يرحمنا برحمته00