ودعي كون زون وباسكن روبنز وجرببي آيس كريمي اللذيذ

مرحبا بنات وشلونكم مع الصيف أكيد طايحين بالآيس كريم بس هالمره جايبة لكم طريقة آيس كريم غير وسهل سهل سهل بس لازم تسوونه من الليل وتخلونه بالفريزر وينأكل ثاني يوم نجي للمقادير :::
في الخلاط الكاس : 6 حبات جبن كيري - 2علبه قشطه -ثلاث أرباع علبه حليب نستله أو زياده شوي على حسب رغبتك للحلى - بكيت دريم ويب -وبس
تخلط المقادير جيدا وبعدين نجيب أكواب ونغلفها من جميع النواحي بالورق النايلون واتركي زياده عشان تغطي الكوب فيها بعد مانسكب الخليط وبعد كذا جيبي بسكويت شاي واكسريه كسره خفيفه في قاع الكوب وصبي الخليط فوقه ثم غطيه بالنايلون الباقي وهكذا جميع الاكواب وضعيه بالفريزر وثاني يوم طلعي الأكواب وخليها 5 دقايق وبعدين فكي النايلون منها واقلبيها راح تصير لك على شكل كور وزينيها عاد انتي وتفننك تقدري تحطي عالوجه كورن فليكس وهيرشي الشوكولاته وتقدري تحطي فيمتو على شكل خطوط وتفتتي عليه بسكوت وتقدري ترشي فليك كادبوري مع هيرشي براحتك وقدميها والله طعمها روعه روعه روعه بس لاتنسون اللي تجرب ترد أمانه وشكرا للجميع