ودي احرق قلبي واكرهه غصبآ عني

السلام عليكم
ادعي ربك يصلحه .. والله يهديك يوم عرفتي انه يحشش
كان من البدايه انسحبتي بهدوء
والعلاقه الصحيحه تجي بعد الزواج مو قبله
ادعي كثير والحي بالدعاء والله يصلحه ويهديه

لاحول ولاقوة الا بالله
بانتظارك عشان ننصحك باذن الله باللي نقدر عليه

لا حول ولاقوة الا بالله ..الله يعينج ويصبرج ويهدي زوجك ويسخره لك ياارب..استغفري حبيبتي كثير والله يعينك..

تكمله..
بعد فتره صرت اتركه على راحته ولا اهتم للي هو يسويه كنت اشوف كل خطاء يسويه مااحط له اي اعتبار لاني كنت احبه
احاول اسكر عيوني بالقوه كنت اعشق انفاسه مااقدر استغني عنه اقرب منه وحنا بالسرير
مايقدر ينوم الا وهو حاط رجوله بين رجولي او يضمني او ينوم على شعري متعلق فيني بشكل غير طبيعي
كنت اتغضى عن الخطاء الي يسويها مثلآ يحرمني من روحة اهلي من اني اكلم اخوي او اني ازور خواتي
يعني يحاول بشتى الطرق انه يحبسني بعزله ينفرد فيها يكون فيها الملك بس على اخطاء وريحه دخان تعج بغرفتي وحياتي الي احس انها بدت تزين بتعلقه بي وهي تنهدم ثانيه ورا الثانيه بااخطاء وغفوة عن الصلاة وعن حقوقي
كنت اشوفه مايصلي ويحشش ويسب واسلوبه مره عصبي وحالتي تدهور اكثر واكثر وكنت اسوي مااشوف شي ولا اسمع شي ولاانصحه خوفآ على ان حياتي تتدمر
بنات لاتعلقون علي وتلوموني لحد مااكمل لكم شويات وراجعه اكتب الباقي
يارب تفرج لي

متابعه

قلبو مافيه مشكله الا ولها حل
وانت مشكلتك ادمان يعني مو راعي بنات يحلفلك بالمصحف يتركها ثاني يوم
زوجك يبيلها علاج
كلميه بهداوه وبااسلوب انك خايفه عليه وعلى جنينك اذا حملتي ذكريه بربه وصدقيني اذا قوى ايمانه ابتعد عن كل شيء
وعليك بسهام الليل
والله يستر عليك

الله يهديه ويسعدك

الله يهديه يارب ويصلحه ويسخره لك

تكمله
جلست على هذي الحاله سنه و3 شهور اسكت واشوف ولاكني مااشوف اي شي
جا رمضان وكنت اتوقع انه راح ينصلح حاله ويصحى من الغفوه الي عايش فيها اول يوم من رمضان كنت فرحانه حيل شفته ماحشش وجلس يقراء قران ويصلي معي اذا شافني اصلي
قلت بنفسي ربي هداه على الطريق الزين مابي اضغط عليه من ناحيه انه يصلي بالمسجد حبه حبه وهو يصير يختجل على نفسه ويروح من نفسه بعد يومين من شهر رمضان بداء شوي شوي يترك الصلاه صار اذا اذان يروح ياكل تمره ويشرب قهوه وبسرعه يروح لغرفتنا عشان ياخذ زقارة الشيطان
تحطمت
صارت نفسيتي مره شينه وعلى اي شي تافه بينا اصيح وهو اذا شاف دموعي ينهبل بس مايعتذر ويصلح الغلط يحاول يهديني بس
اماا انه يترك الغلط لا
قلت خليني افكر شوي
يمكن اذا رحت لبيت اهلي يفقدني ويحس بالغلط الي سواه
بعدين تراجعت قلت شلون اطلع من البيت واتركه من يناظر له من يطبخ له طبعآ هو وحيد امه وانا ساكنه مع امه وهو بس يعني بس حنا 3 وامه صغيره وعايشه حياتها يعني ماتهتم بزوجي انا الي اهتم فيه
وجلست وتحملت كل شي عشان راحته
قلت ربي يفرج لي قريب ان شاءالله
سبحان الله بعدها بكم يوم صار خلاف بيني وبين امه وكبير شوي الخلاف
الخلاف(( رحت معاها للمستشفى وصار موقف حاد بيني وبينه قامت هي تكلمت علي قدام الناس الي بالمستشفى على اتفهه الاسباب
ورجعت لبيت زوجي وكنت اصيح وقلت له عن كل شي وهو عارف ان امه الي غلطت وكان يعتذر عن امه ويحاول انه يهديني وقتها عجزت اتحمل العيشه هذي وقررت اروح بيت اهلي
طبعآ كنت تعبانه ومسويه عمليه قبل مااروح
وجلست عند اهلي 3 ايام وكان كل يوم يكلمني ولا ينوم الا وهو مكلمني بس ماكان يقول لي متى ترجعين
بعدين دق علي الفجر وانا نايمه عند اهلي ورديت عليه وكنت تعبانه وفيني النوم
وقال اجهزي الحين بجي اخذك مااقدر اصبر عنك
انا استغربت وبنفس الوقت فرحت
تخيلو بنات قمت وانا تعبانه وصايمه ورحت تروشت واستشورت وتزينت وحطيت مكياج وكنت احطه وانا ابي اكون اجمل حريم العالم
وانا والله مااعرف احط مكياج والله كله عشان خاطره ابي ارضيه ابي اكسب قربه وابي اخليه يتعدل
جا اخذني ورحنا للبيت واول مادخلنا ضمني ونمنا بس وقت نومنا صحاني بحركات للاسف هدمت فرحتي كان يحاول يجامعني وانا صايمه
((قمت من فراشي وانا مفزوعه ومصدومه واقول انت مجنون وش فيك حنا صايمين هذا الي مايصلي هذا الي بعيد عن ذكر الله يسوي كذا واكثر
وكنت معصبه مره وطلعت كل الي بقلبي ابيه يتعدل وابيه يتغير للافضل
هو انصدم من ردة فعلي والعاقبه كانت.............................
شوي واكمل بنات