وربي ان شعري طول ووقف تساقطه ونبت لي شعر جديد تعالوو كلكم

1. حابه اقولكم تجربتي الشخصيه ب التفصيل بس ابي منكم شي واحد

السلام عليكم
كيفكم ي’ فراشات ,,

حابه اقولكم تجربتي الشخصيه ب التفصيل بس ابي منكم شي واحد

تدعون لي اني اتوظف وان ربي يسخر ابوي ويوافق ع الشخص اللي ابيه ويبيني ..
شعري طبعا قصيته قبل يمكن 4 سنوات وماعاد طول يطول شوي بس وخلاص شوي وابكي استخدمت زيوت واشياء كثيرة ولاعمره طول وانا اموت بالشعر الطوويل المهم واقرا عن كورس الرواابي اللي ب 400 وقريت تجاارب واروح اكلم المندوبه واشتريه وبديت استخدمه زي ماهو مكتووب وخصلت نص العلبه واتحطم شعري ماطول ابدا غير
عن كذا شعري يتساقط من اول بس يوم استخدم الكوورس تساقط بشكل فضيع
كنت بس امسك الشعره بيدي واسمعها تنقطع بغيت انهبل وكل يوم يزيد التساقط اكثر لدرجة ان الكل لاحظ امي وابوي واخواني وانا اللي اصيح صار ببداية شعري فراغات
رحت المستشفى ويوم بغيت اكشف قالت سوي تحليل حق الدم بس ب 500
ومدري وشو قلت طسي بس الفلوس اللي بكشف بها بشتري لي شي يعالج شعري
وانا اللي اطلع من المستشفى واروح ارمال واشتري حبوب يور هير اشتريتها ب130
وآخذ كل يوم حبتين آسفه ماحصلت لها صورة بالنت وجهازي مافيه بلوتوث والا كان صورت حقتي بس هي نوع واحد ماافيه غيرها روحي محل ارمال وقولي ابي يور هير
هي من داخل كبسولات لونها برتقالي فيها ستين حبه تكفيك شهر
ودايم كنت اقرا ان اغلب تساقط الشعر بسبب نقص الحديد وادرعم على صيدلية النهديه
واقول له ابي حبوب حقت نقص الحديد ويطلع لي ذي ( اعتذر من صاحبة الصورة )
وصرت اخذ كل يوم حبه بعد الغداء ..
/
واخذت شامبو غرنيه فروتكس شامبو مقوي وضد التساقط
بصراحه ناسبني مره وهذي صورته ( اعتذر من صاحبة الصورة )
وكمان شريت الشي هذا مرا روعه
وبعدها مريت البقاله واشتريت الزيت الجميل هذا ( كمان اعتذر من صاحبة الصورة )
اشتريته ب 9 ريال
واشتريت كامينو موتو المسرع من تاجره بالرياض لان ماحصلته في صيدليات مكه
وهذي صورته .
بدأت بالعنايه بشعري من شهر 10 والحين احنا بشهر 12
يعني لي شهرين تقريبا ..
صار جدولي كذا :
السبت احط خلطة حنا
( حنا _ زبادي_شوي خميرة _ملعقتين كاكاو_ملعقتين نسكافيه _ واعجنه بموية الشاهي )
واخليه يتخمر ساعتين ولما اجي احطه ع شعري اعصر عليه 1 ليمونه
واسمي باسم الله واحطه والف شعري بنايلون واخليه من 4 الى 5 ساعات واغسله ..
قبل انام احط تونيك كامينو مووتو مع مساج للشعر لمدة عشر دقايق
الاحد :
احط زيت النارجيل والف شعري بنايلون 3 ساعات واغسله بالشامبو اللي فوق صورته
وذا خرجت احط عليه من تونك الفازلين احط في راحة يدي وادهن الجذور وارفع شعري على فوق بشباصه
الاثنين :
رآآحه بس تونيك كامينو موتو
الثلاثااء:
احط زيت النارجيل والف شعري بنايلون 3 ساعات واغسله بالشامبو اللي فوق صورته
وذا خرجت احط عليه من تونك الفازلين احط في راحة يدي وادهن الجذور وارفع شعري على فوق بشباصه وقبل انام احط تونيك كامينو مووتو مع مساج للشعر لمدة عشر دقايق
الأربعاء :
راحة بس تونيك كامينو موتو
الخمييس :
احط زيت النارجيل والف شعري بنايلون 3 ساعات واغسله بالشامبو اللي فوق صورته
وذا خرجت احط عليه من تونك الفازلين احط في راحة يدي وادهن الجذور وارفع شعري على فوق بشباصه وقبل انام احط تونيك كامينو مووتو مع مساج للشعر لمدة عشر دقايق
الجمعه :
راحة بس تونيك كامينو موتو
بالنسبه للحبوب كنت آخذ يوميا حبوب الحديد مره وحده بعد الغداء
وحبوب يور هير مرتين يوميا مره الصباح ومره فالليل ..
والنتيجه : ( اذكرووا الله يابنات )
والله الذي لاإله الا هو ان شعري كثف نبت شعر كثير الفراغات تغطت
الشعر الصغير في اول اسبوع كان زي الدبابيس الحين طول زي نص حجم الاصباع الصغير
شعري عموما صار اطوول من اول بكثير والاهم ان التساقط وربي خف بنسبة 90 %
والله مانزلت تجربتي الا حبا فيكم واتمنى الخير لكل وحده فيكم
واعرف ان التساقط لحاله يجيب حاله نفسيه اذكر كيف كانت نفسيتي
يوم تساقط شعري
الحين بعد ماتعبت وانا اكتب لكم الموضوع واجمع لكم صور
اللي ابيه منكم
انكم تدعوون لي بهالدعوتيين ان ربي يسخر قلب ابوي
ويوافق اتزوج الشخص اللي ابيه ويبيني
والدعوه الثانيه اني اتوظف ..
واي استفسار من عيوني
أختكم :
عيون أبوي..